March 22, 2019 at 8PM
خالص العزاء والمواساة لأسر وعائلات وزملاء المهندسين والفنيين الذين توفاهم الله امبارح إثر خلل أدى لانفجار خزان في مصنع للفوسفات بالعين السخنة ووصل عددهم حتى الآن إلى ثمانية أشخاص رحمهم الله
.
وندعو الله جميعا أن يشفي ويعافي الناجين من المصابين وأن يعين نقابتنا على رعاية أعضاءها وعلى المحاسبة التأديبية بموجب قانون النقابة للاستشاري أو المكتب الهندسي أو المهندسين المسؤولين بالتوازي مع متابعة التزام الشركات والمصانع بإجراءات الأمن والسلامة - وإنا لله وإنا إليه راجعون
===
March 23, 2019 at 2PM
*** لطفا اضغط على الصورة لقراءة الخيارات كاملة *** خلال 72ساعة إن شاء الله سننشر صياغة لطلب عقد جمعية عمومية غير عادية لجمع 100 توقيع عليه بموجب المادة15 من قانون النقابة (القانون في أول تعليق) وسننشر غدا كواليس لأول مرة تتعلق بهذا الحادث الأليم وربما تكون دي قضية رأي عام
.
لو كان تصويت المهندسين يوم الجمعية العمومية غير العادية ع القرارات دي هو الموافقة فمعالي النقيب ومجلس النقابة ملزمين بتنفيذها بموجب المادة28الفقرة3 من قانون النقابة وإلا يتحبسوا قانونا بتهمة الإهمال هما كمان - لا سمح الله -
.
الحادث ده فرصة لكل مهندسي الصيانة والسلامة والعاملين في المصانع والشركات في فرض إجراءاتها على الجميع ومنع تكرار هذا الحادث المأساوي وأن يكون علامة فارقة تنهض بالأمن الصناعي في مصر في الوقت اللي فيه دول فيها هيئات مستقلة متخصصة للموضوع ده (أمريكا مثلا على حد علمي)
.
#جمهوريةIntecsaالعلامية
Intecsa Industrial CC.OO.
Hassan Allam Holding
Hassan Allam Properties
===
March 23, 2019 at 4PM
جمهورية #مصر العربية سابقا و #جمهوريةIntecsaالعلامية حاليا :(
لغاية امتى أرواح الناس تروح هدر؟ هل ننتظر لما حادثة أكبر تحصل؟
شير لو مش عايز تموت فشركات القطاع الخاص حتى الأجنبية اللي ربما أهملت وحرمت أسرتك منك هي اللي تعمل تحقيق مع نفسها وتتلاعب بينا كلنا حتى في بياناتها المنشورة!
===
March 23, 2019 at 5PM
مطلوب من معالي نقيب المهندسين م.هاني ضاحي الإفصاح بموجب المادة 7 من قانون النقابة (في أول تعليق) عن مدى كون الأجانب المشار إليهم في بيان شركة حسن علام باللغة الإنجليزية قد حصلوا على تصاريح مزاولة مهنة من عدمه قبل عملهم في موقع مصنع الفوسفات - سواء شركتي Tissot وIntecsa أو المهندسين الأجانب فيهما أو خارجهما
.
المفروض طلبات الحصول ع التصاريح بتتقدم من الجهات التي عهدت لهم بالشغل يعني غالبا اتقدمت من شركة حسن علام أو شركة النصر للكيماويات الوسيطة أو شركة Nilcon خلال السنتين أو الثلاثة اللي فاتوا
.
المادة 7: تمنح النقابة المهندسين الأجانب والمكاتب الهندسية الاستشارية الأجنبية تصريحات مؤيدة ومحددة لمزاولة المهنة بناء على طلب الجهات التي عهدت إليهم بذلك وبعد سداد الرسوم
==
March 23, 2019 at 6PM
(ادعموا #جمهوريةIntecsaالعلامية في أول تعليق عشان حق الضحايا)
من حق المهندس قانونا الحصول على معاش حتى قبل سن الستين، مش بس كده وإنما حتى المهندسين اللي ملهمش غير معاش النقابة، أو اللي ملهمش معاش بحجة فوات مهلة الستة أشهر - كل دول من حقهم تقديم طلب لمجلس النقابة العامة للحصول على مبلغ شهري بموجب المادة 80 من قانون نقابة المهندسين
المادة دي تشمل حتى المهندس اللي شروط المعاش لا تنطبق عليه بما في ذلك المهندس الشاب العاطل أو اللي محتاج علاج - بل تشمل حتى أسرة المهندس المتوفى كمان.
طب تعرفوا كمان إن ممكن أي مهندس يقدم طلب صرف مسبب لرئيس لجنة صندوق المعاشات و الإعانات في النقابة العامة والمادة 77 من قانون النقابة بتلزمه بدراسة طلبك و تقديم توصية بشأنه خلال 30 يوم بالكتير لمجلس النقابة اللي بيجتمع مرة كل شهر على الأقل
ولازم رسميا النقابة تخطرك بقرار لجنة الصندوق لأن المادة 83 من قانون النقابة تعطيك الحق في التظلم منه لو مثلا رفضت طلبك أو صرفت مبلغ أقل من اللي سيادتك طلبته، بل وتأمر نفس المادة لجنة الصندوق بالتنحي عن البت في التظلم :)
طبعا نص موظفين النقابة مش عارفين القانون للأسف و ح يقولوا نقابة المهندسين دي كيوت و غلبانة و فيها عجز و مفيهاش فلوس بس لا تتنازل عن حقك القانوني في تقديم الطلب خصوصا إن النقابة فيها فلوس تصرف بدل السفر للخارج ألف دولار لليوم وبدل حضور الجلسة 49ألف جنيه والأدلة صوت وصورة هنا:
http://engineersegypt.blogspot.com/2018/12/supreme-council-members-benefits.html
.
.
صياغات مقترحة طبقا للمادة 77 و أخرى طبقا للمادة 80 جاهزة للتحميل:
1- المادة ثمانين من قانون النقابة - للتقديم في النقابة العامة للمجلس الأعلى و أخذ رقم من الإرشيف برقم الوارد:
http://goo.gl/G18Sq3
.
2- المادة 77 من قانون النقابة - للتقديم في النقابة العامة لمكتب وكيل النقابة الأكبر سنا رئيس لجنة صندوق المعاشات والإعانات و أخذ رقم من الإرشيف برقم الوارد:
https://goo.gl/jm9ZQ6
===
المهندس ز وزيري من رابط حسابه على فيسبوك
March 24, 2019 at 12AM
كارثة مصنع فوسفات العين السخنة - مين المسؤول؟ ومين الحاج عرفة؟ ومين الحاج فتحي؟ لجنة التحقيق المقترحة لازم تستمع لهما وللسيدة (ر.أ.) والمهندس (ز.و.) عشان نعرف ايه اللي حصل وبيحصل دي أرواح ناس راحت في حادث توفي فيه 10 منهم مهندسون
#جمهوريةIntecsaالعلامية
==
24 March 2019 at 10AM
ملاحظة: أنا لم أتشرف بمقابلة أو معرفة أو العمل مع السيد المدير التنفيذي لشركة حسن علام الخاصة أو أي من شركاءها أو مديريها أو موظفيها أو حتى مورديها
.
أي مفيش بيني وبينهم حاجة غير مصلحة بلدي ونقابتي ومهنتي بل ومصلحة شركة حسن علام نفسها حيث إنها أول المتضررين من مرور حادث ضخم كده مرور الكرام دون تحقيق محايد لتلافي أسبابه وعلاج آثاره ومنع تكراره
.
لأن النتيجة المنطقية الحتمية لغياب التحقيق هي المزيد من التراخي في إجراءات السلامة (الكل مطمئن إن الدفاتر دفاترنا والورق ورقنا)، والمزيد من التوتر في بيئة العمل (شعور الموظفين بغياب الأمن والسلامة)
.
النفس البشرية السوية تحب المال وتسعى إليه فلما يكون الموضوع فيه توفير فلوس وكمان لو كارثة حصلت ح تعدّي بسهولة يبقى خلاص دوس يا معلم :(
.
وده مش بالضرورة لأن السيد المدير التنفيذي أو القائمين على الشركة أناس سيئون أو مهملون، فما أسمعه وأعرفه أنهم جميعا من أفاضل الناس وأخيارهم - ولكن ببساطة لأنهم بشر من لحم ودم زينا كلنا وشغالين في منظومة بشرية
.
وأرجو مخلصا ألا يدفعهم الشيطان للعند أو الغرور أو الكبر بسبب ربما اللي بننشره، وأن يركّزوا في الصورة الكبيرة للحدث - فكل بني آدم خطاء وخير الخطائين التوابون، واحنا النهاردة فوق الأرض ومحدش عارف ح تغرب الشمس واحنا عايشين وللا لأ -أطال الله أعمار الجميع على طاعته
.
واقتراحي الشخصي المتواضع أن تشكل نقابة المهندسين لجنة تحقيق محايدة، وهي شيء مختلف حتى عن هيئة تأديب أو محاكمة تأديبية - يعني مفيش قلق أو خوف حتى من فصل أو إحالات للنيابات لأن الهدف نعرف ايه اللي حصل وازاي نتجنبه ونمنع تكراره ويكون ده درس لينا كلنا نستفيد منه
.
وإذا ثبت خطأ أو إهمال من الشركة أو شركاءها (بما في ذلك شركة النصر للكيماويات الوسيطة) فيمكن للجنة التحقيق أن تفرض إجراءات تصحيحية فنية وتعويضات مالية للأسر، وغرامات لصالح صندوق المعاشات - أنا لو انتخبت نقيبا سنة 2022 وحصلت الحادثة دي لا سمح الله كنت ح أعمل كده
#جمهوريةIntecsaالعلامية
السادة الزملاء،
تتوجه شركة حسن علام للإنشاءات و جميع العاملين بها ببالغ الحزن و الاسي لحادث انفجار أحد الخزانات بمصنع الأسمدة الفوسفاتية بمنطقة العين السخنةالذي أسفر عن وفاة 10 من العاملين بالشركة و إصابة 4 أخرون.
نتج الانفجار اثناء قيام شركةIntecsa (المسئولة عن أعمال الإختبار و التشغيل) بإجراء اختبارات التشغيل للخزان للمشروع السابق ذكره الذي اسند لها أعمال التصميم والتنفيذ بالشراكة مع شركة حسن علام للإنشاءات. و الذي قامت شركة Tissot الفرنسيةباعمال التصميم و التنفيذ الخاصة بالخزان كمقاول من الباطن.
وبناءا عليه، قامت الشركة بالتعاون مع شركة Intecsa بفتح تحقيق موسع للوقوف على أسباب الحادث ، علي ان يتم إعداد تقرير عاجل وعرضه على جميع الأطراف المعنية.
كما وجهت الشركة بسرعة اجراء اللازم نحو المصابين و تقديم الرعاية و العناية الكاملة و اللازمة لهم لحين اكتمال الشفاء. مع كامل الدعم المادي و المعنوي لأسر ضحايا الحادث سائلين المولي عز وجل ان يتغمد شهداء العمل برحمته و يلهم اهلهم الصبر و السلوان، وان لله وان اليه راجعون.
Dear Colleagues,
This morning at the project site of El Nasr Company for Intermediate Chemicals (NCIC) in Ain Sokhna, a testing activity was carried out on one of the ammonium reservoirs (spheres) as part of the commissioning process preparing for handover to the client.
During the testing process, a powerful explosion took place. Hassan Allam labor and staff were working on an adjacent site, with close proximity to the spherical tanks. As a result of the explosion, we lost 10 members of our extended company family and saw another four injured.
The sphere at which the explosion took place was designed and constructed by Tissot, an international engineering and construction company operating globally and specialized in spherical tanks. Tissot is a subcontractor to our partnership with Intecsa; where our partner Intecsa is responsible for engineering, testing and commissioning activities for the project. We have launched together with Intecsa an investigation to identify the reason behind this accident, and a full report will be prepared and shared with all relevant parties.
There are no words sufficient to describe how deeply this incident has affected all of us, and the grief it has caused. Never have we experienced such a calamity. We have always treated each other as family, and it is moments like this when that spirit matters most.
The company as a whole has mobilized to provide the best medical care to the injured staff, most of whom have now left the hospital and are resting at home, and to support the victims and the families for those whom we lost. We are supporting the families of our lost colleagues both emotionally and financially at this exceptionally difficult time, and no costs or efforts towards them will be spared. This is the least we can do towards the families, and is in no way going to make up for their loss.
Please join us in remembering all of the victims in your prayers.
Sincerely,
Chief Executive Officer
Hassan Allam Holding
====
25 March 2019 at 1AM
شركة حسن علام مسحت بيانها من صفحتهم الرسمية ع الفيسبوك! أنا قلت أدور في الأخبار جايز ربنا هداهم وتواصلوا مع نقابة المهندسين وطلبوا إنها تبعت لجنة تحقيق محايدة مع استعدادهم للتعويض المالي والتصحيح الفني مثلا، أو إنهم نقلوا المصابين من مستشفى السويس العام لمستشفى أفضل، أو حتى صرفوا تعويضات مجزية - لكن واضح كل اللي ربنا قدرهم عليه حذف البوست :( !
.
عموما الحل الوحيد قدامكم يا Hassan Allam Holding إنكم تدعو ربنا إن المهندسين مينتخبونيش في 2022 عشان الملف ده أنا مش ح أسيبه حتى أثناء الدعاية الانتخابية - يعني كل مؤتمر انتخابي ح أقول جمهورية انتكسا العلامية فاللي هو سيرتكم ح تبقى على كل لسان حتى في تقارير مخبرين الأقسام اللي بيحضروا المؤتمرات الانتخابية الحاشدة :)
.
فالخلاصة منظركم ح يبقى بايخ جدا وساعتها منظر سيادة اللواء رئيس شركة النصر للكيماويات الوسيطة ح يبقى أبوخ والكل سهل يبيعكم بيعة وحشة أوي :)
.
عشان أولا شغلكم مش أساسي ده مجرد إنشاء وتجهيز مش إنتاج فني أو
Know-how
وثانيا ده موضوع في الجيش مفيش فيه هزار يا روح ما بعدك روح :)
.
وثالثا القائد الأعلى للقوات المسلحة هو عبد الفتاح السيسي مش حد تاني ولسوء حظكم التعديلات تسمح ببقاءه مش بس بعد 2022 ولكن بعد حتى 2034 يعني مفقود مفقود مفقود يا أبو علي :)
.
.
.
ووالله ثم والله ثم والله أنا إذا انتخبت لن أظلمكم لأني شرحت بوضوح في بوست سابق (في أول تعليق) أنا عايز ايه ليكم مش ليا
.
.
.
وصدقوني لو متحركتوش من دلوقتي عشان يحصل تحقيق ويتم علاج الناس بكرامة وآدمية واحترافية ولو استدعى سفرهم للخارج على نفقتكم مع صرف تعويضات للأسر ومنح دراسية لأبناء المتوفين رحمهم الله
.
لو ده محصلش فنصيحتي الشخصية المتواضعة ابدأوا من دلوقتي دوروا لكم على حد تدعموه يترشح قدامي على مقعد النقيب في انتخابات نقابة المهندسين اللي جاية مش لأني مستقصدكم لا والله ولكن لأني إن شاء الله ح أطبق قانون النقابة ع التخين فيكم عشان أحمي أرواح المهندسين وكرامتهم :)
.
وده بالمناسبة لن يتعارض إن النقابة تساعدكم وتقف معاكم عشان تلتزموا بالقانون عشان أرباحكم تزيد ومصاريف التوظيف تقل لأني مكسوف لمنظركم دلوقتي قدام موظفينكم وهما شايفينكم بتعملوا حساب لصفحة فيسبوك ومش عاملين حساب للي شغالين معاكم :(
#جمهوريةIntecsaالعلامية
ليست هناك تعليقات:
إرسال تعليق