تحديث 14 مارس 2026: أعلاه موعد بدء جمع توقيعات عمومية غير عادية بهدف سحب الثقة من المجرم الدكتور م. محمد عبدالغني نقيب المهندسين ما لم ينته عن جرائمه الموثقة هنا في رسالتي للجنة العليا للانتخابات:
https://engineersegypt.blogspot.com/2026/01/higher-elections-committee-2026.html
د. محمد عبدالغني هو مرشح الحكومة- إن صح التعبير 🤣- فكما في الصورة أعلاه سيادته لما كان رئيس لجنة الإسكان بمجلس النواب قدم مشروع قانون جباية كارثي جديد للنقابة فيه مصيبتين أسوأ من بعض لو انت مهندس(ة) شغال في القطاع الخاص ونبدأ بالمصدر فتح كلام:
.
طبعا البعض في حملة د. محمد عبدالغني المطعون في ترشحه أمام المحكمة (قضيتي ضده 36839 لسنة 80ق) ح يقولوا لك أنا أمنجي واللنك أعلاه قديم سنة 2017 احنا دلوقتي في 2026 فحضرتك عشان مش عبيط أكيد يعني (هزار تقيل شوية أنا آسف بس ح تعرف الهدف كمان شوية) ح تردّ عليهم بالمنشور ده من الصفحة الرسمية لسيادته:
.
وردّي على سيادته مرفق هنا قبل ما يعمل لي بلوك بعد لما ردّيت عليه وكشفته :) :
.
وهنا ردّي بالفيديو على سيادته أول ثلاثين ثانية فيها الخلاصة🤣:
.
.
دلوقتي أرجوكم نركّز سوا في شرح المصيبتين اللي في قانون زميلنا د. محمد عبدالغني المطعون في ترشحه أمام المحكمة (قضيتي ضده 36839 لسنة 80ق):
1- قانون د.عبدالغني بيحرم ربات البيوت المهندسات من عضوية نقابة المهندسين يعني ملهمش معاش ولا خدمات وكذلك أي مهندس لا يمارس عملا هندسيا - كده نص المهندسين حرمهم هما وأسرهم من معاش النقابة وخدماتها
.
طبعا حضرتك كشخص عبيط ح تقول كده كويس قانون د. محمد عبدالغني أكيد ح يدلّع المهندسين الممارسين لعمل هندسي آخر دلع باعتبار إنه طرد نص المهندسين من النقابة فالنقابة ح تفضى لنا🤣🤣🤣
.
والإجابة يا عبيط هي إن نقابة المهندسين ح تكون، عمليا، حكر فقط على مهندسي الحكومة ومؤسساتها وشركات القطاع العام
.
طبعا حضرتك كمؤيد عبيط، مع كامل احترامي ليك ولمرشحك والله، ح تردّ عليا وتقول لي على فكرة احنا مهندسين في القطاع الخاص وشغالين في أعمال هندسية والنقابة لن تحرمنا من عضويتها
.
وردّي عليك أيها العبيط ينقلنا للمصيبة الثانية في مشروع قانون د. محمد عبدالغني:
2- مشروع قانون د. عبدالغني به مواد تتعمد إذلالنا لأصحاب الشركات والمكاتب ورجال الأعمال والكفلاء
ازاي؟
قانون د. عبدالغني ببساطة يطالبك لو مهندس ممارس لعمل هندسي أن تقدم للنقابة كل سنة ما يفيد وما يثبت هذه الممارسة كي يتم تجديد عضويتك ومنحك رخصة مزاولة مهنة يحظر تشغيلك بدونها على غرار نقابة المحامين
هذا الإثبات لا يكون إلا عبر مستندات موثقة ومختومة من جهة عملك
وبالتالي لو أنا مدير مجرم ببساطة لن أوقع لك على أية ورقة تثبت عملك في مشروع هندسي بالشركة
كده حضرتك كمهندس بقيت تحت رحمتي أنا لأن بايدي أحرمك من عضوية النقابة وبالتالي أحرمك من المعاش
.
لاحظ إن تجديد رخصة مزاولة المهنة في مشروع القانون هو إجباري كل سنة مش زي دلوقتي الناس بتروح النقابة كل عشر سنين مرة تسدد الاشتراكات بأثر رجعي الكلام ده ح ينتهي خلاص كل سنة تشرّف النقابة يا بيه
دلوقتي أكيد حضرتك فهمتني صح واللمبة نوّرت عندك دلوقتي وحضرتك مش عبيط من الآن فصاعدا وآسف لاستخدام هذه الكلمة بس إليك الحقيقة المرّة اللي بقت واضحة زي الشمس:
د. محمد عبدالغني الشريك بمكتب من أكبر المكاتب الهندسية الاستشارية دخّل مجلس النواب مشروع قانون جديد للنقابة بيحطنا كلنا تحت رحمته ورحمة زمايله أصحاب المكاتب الهندسية الاستشارية ورجال الأعمال :)
.
عايز الأنقح؟ احنا مش بس ح نكون مذلولين لمدراءنا في الشغل أو لكفيلنا في الغربة
احنا كمان ح نكون مذلولين لأعضاء مجلس شعبتك في نقابة المهندسين
ليه؟
لأن المستندات اللي ح تتذلل لمديرك عشان يختمها لك ويمضيهالك حضرتك مطلوب منك تقديمها للنقابة
.
هو أنا مقلتلكش؟
ح يكون فيه لجان شفوي جوة النقابة ح تضرب مشوار للنقابة مخصوص كل سنة عشان تناقشك في ورقك ومستنداتك اللي قدمتها :)
وطبعا اللجنة من حقّها تقرر إن مستنداتك في إثبات ممارستك للمهنة غير "كافية لإثبات الممارسة" :)
.
طب والحلّ ساعتها؟
بسيطة - ح تستلم شهادة مزاولة مؤقتة مدتها 3 شهور لغاية لما تحضر كورس في سبوبة أكاديمية كورسات تابعة لنقابة المهندسين وطبعا رسوم الكورسات دي بدون حد أقصى يعني لو قالوا لك الكورس بعشرين ألف جنيه ح تدفع ورجلك فوق رقبتك والجزمة في بوقك كمان - ليه؟
.
لأن لو جاي لك شغل جديد أو عقد عمل للخليج ومطلوب منك تجديد عضويتك للنقابة فأكيد مش ح تضيع الشغلانة أو السفرية عشان تلاكيك النقابة فحتضطر تدفع الكورس وتحضره وأمرك لله
.
عشان كده د. محمد عبدالغني هو نقيب المهندسين القادم للأسف الشديد، مع كامل الاحترام لشخصه الكريم والله فأسفي ليس لانتخاب سيادته أبدا وإنما لفشل بلدياتي في تجاوز أخطاء حملته السابقة 2022 بس مش أكتر ، حيث سيتم انتخابه في جولة الإعادة في ظل استمرار الجمود الحالي في أداء حملة م. هاني ضاحي التي تكرر نفس أخطاء 2022 وبالتالي ستحصل على نفس نتيجتها والأيام بيننا لكن اطمئنوا فلن يضار مهندس وسنقف في وجه قانونه الكارثي للجباية وضد كل حلفاء الإخوان في الحكومة وخارجها مثلما ساهمنا بكل تواضع في عرقلة ظهور قانوني جباية م. هاني ضاحي للنور 2018 ثم 2021 كما شرحت في فيديو أهمّ إنجازاتنا هنا:
.
.
.
3 ملاحظات هامة:
أولا - سأقدم بلاغ نيابة عامة ضد زميلنا د.م. محمد عبدالغني وقائمته الإخوانية "رؤية نقابية" يوم الخميس القادم 12 مارس وهنا فيديو شرح تفاصيله:
.
وهنا أهم الأسماء في البلاغ:
https://engineersegypt.blogspot.com/2025/11/muslim-brotherhood-members-syndicate.html
.
.
.
ثانيا - طعني في قرار النقابة بقبول ترشح د.م. محمد عبدالغني رغم فقدانه شرط "محمود السيرة حسن السمعة" منظور منذ الخميس 1 رمضان 19 فبراير أمام محكمة القضاء الإداري بمجلس الدولة القضية 36839 لسنة 80ق حيث حكمت المحكمة الموقرة 25 فبراير بقبول الدعوى شكلا وإحالتها لهيئة المفوضين:
https://engineersegypt.blogspot.com/2026/02/defending-syndicate-state-council-court.html
.
.
ثالثا - م. هاني ضاحي لما كان نقيب عمل قانون بنفس المواصفات لا أكثر ولا أقل وبنفس درجة الإذلال كمان بس تعرف إني محايد ومش متحيّز غير ليك لأني خدّام المهندسين ولي الشرف بس حضرتك اللي ماشي وراء الإخواني م. الحاتم عمران مؤسس الجروب إياه :) وهنا كوارث قانون م. هاني صوت وصورة:
وكمان كتابة مش حارمكم من حاجة: لن أنتخب م. هاني ضاحي بسبب كوارثه في تعديل قانون النقابة 2018 ثم مجلس الشيوخ مايو 2021
https://engineersegypt.blogspot.com/2026/03/new-syndicate-law-hany-dahy-no.html
.
.
.
عن ثورة نقابة المهندسين ضد الإخوان وحلفاءهم/ العضو الحالي في لجنة الاستثمار وتنمية الموارد بنقابة المهندسين الفرعية في الإسكندرية م. محمد أحمد عبدالمطلب دفعة 2006 مؤسس حملة نعم لتعديل الدستور كي يترشح السيسي فداه روحي في انتخابات الرئاسة 2030 لفترة إضافية وأخيرة حتى 2036 و ثورة نقابة المهندسين ضد الإخوان وحلفاءهم منذ مارس 2018:
https://www.almasryalyoum.com/news/details/1313894
رقم تلفوني وواتسابي 01212430121
No comments:
Post a Comment