يا أهل الخير .. يا أي حد في وزارة العدل
أنا لما بعمل استءناف في حكم مدني أو أسره ليه اروح اجيب صورة من الحكم .. ما ملف الدعوي كله هيروح للدائرة اللي هتنظر الاستءناف ..
ثم انت عندك سيستم رابط كل حاجه ببعض .. ما الموظف يسحب صورة من حكم اول درجه وهو بيقيد الاستءناف.
وليه لما بعمل وقف تنفيذ بتوكيل النيابه بتبعت تستعلم من الشهر العقاري عن صحة التوكيل وننتظر ايام عقبال ما يردوا عليهم .. ما يعملوا سيستم يتأكد منه اونلاين في ثانيه .
وليه لما بعلن حد في محافظه تانيه المحضرين بتبعت الاعلان في البريد سركي .. ما تبعت صورة علي الايميل للمحضرين اللي هتعلن والمحضر يطبعها ويعلنها ويرفعها علي الايميل .. وتخلص في يومين بدل شهر .
وليه لما اروح اخلص حاجه في النيابه اخر الشهر يقولو بكره عشان بنعمل الكشوف .. في حاجه اسمها اكسل بتعمل كل حاجه لوحدها في ai دلوقتي بيعمل كل حاجه بسهوله .
وليه موقع النيابه العامه معقد .. ولما الطلب يترفض مش بتعرف اترفض ليه .
وليه لما بيصدر حكم ضد جهة من جهات الدولة الحكم يتوقف تنفيذه علي جواب جاي من هيئة قضايا الدولة بعدم الممانعه .. ما هو حكم واجب النفاذ .. ليه اصلا خصم في الدولة يقرر الحكم يتنفذ ولا لا .. وليه ادفع لهيئة قضايا الدولة رسم عشان يبعتوا إخطار بعدم الممانعه عشان انفذ الحكم .
وليه وألف ليه .. وليه مفيش جهة بنلجأ ليها عشان نقولها افكار تطور المنظومه وترد علينا هما موافقين ولو رافضين رافضين ليه .
https://www.facebook.com/share/1MczjRmpvg/
ليست هناك تعليقات:
إرسال تعليق