كلما تأملت اللي بيحصل في باريس صليت على النبي محمد اللي ربنا أرسله بالحل منذ 14 قرن واحنا مصممين ندور عليه في كل مكان إلا القرآن الكريم والسنة المطهرة - أدناه شوية خواطر متفرقة مستقلة عن حركة مظاهرات السترات الصفراء في باريس
1)
نقابة المهندسين خير دليل على فنكوش الديمقراطية
ح ننشر بكرة فضيحة للنقيب الحالي هاني ضاحي ازاي سَهْل الاستيلاء على أموال النقابة وتوظيف أعضاء مجلسها كواجهات لغسيل أموال ومافيا أراضي وسماسرة عقارات
عايزين قانون ودستور؟
لازم هاني ضاحي يكمل مدته 4 سنين كنقيب مهما حصل
طب عايزين تشيلوه؟
آسفين والله مينفعش هو النظام كده
طب عايزين تجمعوا 100 توقيع جمعية عمومية غير عادية؟
أحب أقول لكم مستحيل مهندس يعرف يجمع 100 توقيع من ناس يثق فيهم
أقصد لازم ح تحتاج تجمع من ناس متعرفهمش
لأن حتى لو والدك ووالدتك وزوجتك وحماتك وحماك وابنك وإخواتك وزوجاتهم/أزواجهم مهندسين
برضه مش ح توصل لخمسين مهندس ولا حتى لنصف الرقم ده
مش عايزين ديمقراطية؟
اشرب بقى يا حبيبي :)
قل لي كده يا شاطر ح تجمع 100 توقيع ازاي من ناس متعرفهمش؟
لو واحد بس فيهم قال ده مش توقيعي كده مبروك يا معلم لبست قضية تزوير
التزوير في القانون جناية يعني أقل مدة سجن 3 سنوات
وحلني بقى عشان تثبت سيادتك إن الراجل ده هو اللي وقع لك وتدور على شهود وإثباتات إنه مضى لك على طلب عقد جمعية عمومية غير عادية
طب والنتيجة؟
إن الديمقراطية دي مصممة على مقاس الإخوان (يقدروا يجمعوا من بعضهم توقيعات) وجماعات المصالح زي شركات القطاع العام الكبيرة اللي برضه تحركهم محدود بموافقة وزيرهم ولو عارضهم مش ح يقدروا يوقعوا
أصحاب المصالح والنفوذ بيزودوا مصالحهم ونفوذهم أكتر وأكتر
هاني ضاحي كان وزير نقل ثم رئيس مجلس إدارة شركة كبرى
وكذلك نقيب مهندسين غير متفرغ
وبعد 4 سنين تتضخم شبكة علاقاته في المجتمع فيزداد من لهم مصلحة في إعادة انتخابه
واحنا المهندسين محلك سر منذ 25 يناير وما قبلها
إحدى النقابات الفرعية بيتم التلاعب في محاضر اجتماعات مجلس النقابة بالمخالفة لما اتفق عليه الأعضاء بالفعل! حد شاف مسخرة بالديمقراطية أحلى من كده؟!
(لأن التوقيع على المحضر بيكون في الجلسة التالية - فاللي بيتكتب في المحضر المعروض في الجلسة التالية بيكون مخالف لما تم الاتفاق عليه شفهيا في الجلسة السابقة)
لاحظوا ده حال نقابة المهندسين المتعلمين بتوع المدارس اللي طبيعة دراستهم وشغلهم هي التفكير النقدي والتحليلي مش أي حد يعني
عايز تشوف فنكوش الديمقراطية أكتر وأكتر؟
احضر كده أي اجتماع جمعية عمومية عادية سنوية
ح تلاقي ناس بيحاولوا يقنعوك بكل حماس تصوت برفض ميزانية النقابة
آل ايه ده عشان تكون ضد الفساد ونحافظ ع النقابة
ببقى عايز أقوله يا عبيط -أرجو محدش يزعل- هو انت لو رفضت الميزانية ايه اللي يحصل؟
الإجابة:
ولا حاجة فعليا
مجرد النقابة ح ترجع تستف الورق ويعيدوا الموائمات الحسابية ويرجعوا يعملوا ميزانية جديدة تتعرض في جمعية عمومية تانية
طب اترفضت تاني؟
عادي المحاسبين يشتغلوا يعملوا ميزانية جديدة وشكرا على كده
وطبعا في كل مرة عشرات الألوف من الجنيهات بيتم صرفها للمحاسبين على تعبهم طبعا معانا :)
يعني المهندسين يرفضوا الميزانية والمحاسبين في النقابة يقبضوا :)
بالله عليكم حد شاف مسخرة أكتر من كده
2)
فنكوش الديموقراطية اللي وقوده الأساسي تحريك الجماهير والغوغاء وعوام الناس - وده وصف مش شتيمة لأن ببساطة مش كل الناس تفكيرها وعقلها يسمح لها بإدراك حقائق الأمور
ده الصحابة بعض الأحاديث كانوا يتحرجون من إعلانها على الملأ وبعضها قالوها على فراش الموت تأثما، ليه؟ لأن الناس مش سواسية في الفهم والإدراك ودي طبيعة البشر ومش عيب في حد خالص
فنكوش الديمقراطية قال لك لا يا معلم الكلام ده مينفعنيش - لازم الشعب يحكم الشعب
قشطة يا معلم - ممكن تقول لي النتيجة ايه حضرتك؟
61شخص ثرواتهم = إجمالي ثروات النصف الأفقر من العالم
في مصر 900ألف مصري معاهم ثروات = 45 مليون مصريواللي يقول لك الديمقراطية استقرار يشوف رؤساء أمريكا منهم اللي اغتيل واللي اتعرض لمحاولات اغتيال بعضها ع الشاشات
شوفوا فيديو محاولة اغتيال ريجان وهو خارج من فندق بالعاصمة في مارس 1981
من كام شهر صحيفة أمريكية اتغربل ستة من صحفييها وموظفيها على بعد كيلومترات من قلب العاصمة
Capital Gazette
لما جه رئيس أمريكي طيب وكويس شوية (أوباما) بقوا بيخبوا عنه بعض الخطابات والجوابات المرسلة له وجابوا له واحد كمصور شخصي يلزق له تقريبا 24 ساعة عدا الحمام والعلاقة الحميمة
وشوفوا الإرهاب على أصوله والاغتيالات السياسية في إيطاليا من الستينيات حتى الثمانينيات!
شوفوا كلام مدير المخابرات الأمريكية الأسبق عن أن الجيش الأمريكي إنه ازاي مش جاهز وبياخد على دماغه طول الوقت وإن معندوش سجل من الانتصارات المستمرة منذ الحرب العالمية (بالحرف قال كده):
https://youtu.be/fT25nabcp1U?t=1040
واللي مش عاجبه فيديو مدير المخابرات عشان 1987 يتعب نفسه ويقرأ عن التحرش الجنسي والانحرافات السلوكية داخل وحدات وقواعد الجيش الأمريكي حديثا
ده غير إن جورج بوش الأب ابنه مسك بعده بأربع سنين لمدة ثمان سنوات وابنه التاني كان مرشح قدام ترامب ومش بعيد يترشح تاني 2020
وطبعا الست هيلاري زوجة رئيس أمريكي ثم وزيرة خارجية في عهد رئيس أمريكي آخر وبعدين بقت كمان مرشحة على مقعد الرئاسة في انتخابات رئاسية
وتلاقي شاب لذيذ كده عندنا يقول لك السيسي ديكتاتور عشان عايز يعدل الدستور ويطول مدته الرئاسية! ولو شخصية عامة شوية لن يجرؤ ينتقد علنا الوراثة في الرئاسة الأمريكية نفسها وإلا اتقطعت عنه حاجات كتير أبسطها تأشيرة أمريكا!
3)
طبعا فيه واحد لطيف ظريف كده ح يسيب كل الحقائق اللي فاتت ويقول لي انت مؤيد للسيسي يبقى انت على كده ضد مظاهرات 30 يونيو بقى يا إخواني يا عميل يا ممول اظهر وبان على حقيقتك يا مندسّ :)
والإجابة:
وصول الرئيس السيسي للرئاسة دي معجزة إلهية وتدبير رباني مش معناها إن يناير أو يونيو حاجة ليها نتائج كويسة
الموضوع بالضبط عامل زي لما واحد يروح بيت صاحبه ففجأة يقول لهم لو حفرنا في الصالون ح نلاقي كنز كبير تحت البيت وفعلا يحفروا ويلاقوا كنز مليان دهب وياقوت وكلهم يبقوا أغنياء جدا
هل الحادثة دي معناها إن كل واحد يروح بيت صاحبه يحفروا تحت بيتهم عشان يلاقوا الكنز؟
كون إن الموضوع جاب نتيجة كويسة في حالة واحدة بالصدفة البحتة مش معناها إن تكرار الفعل ده والاعتماد عليه حاجة كويسة ده يبقى اسمه هبل مع احترامي
4)
زي برضه حدوتة تمكين المرأة - ربنا في القرآن كما قال الإمام الشعراوي رحمه الله قالها واضحة "فلا يخرجنكما من الجنة فتشقى" أي الشقاء في البحث عن وظيفة وحضور مقابلة شخصية وهندلة عميل غاضب - كل دي حاجات اتخلقت للراجل يعملها والسيدة معززة مكرمة
لو حبت تشارك أهلا وسهلا وهي تقدر تعمل فعلا كل ده لكن فرق السما من الأرض لما تعمل ده بمزاجها غير مكرهة ولا مجبرة و لا مضطرة، ولما تعمل ده وهي وراها إيجار لو مدفعتهوش آخر الشهر تبات في الشارع مع طفلها!
احنا بعدنا عن الإسلام اللي حط قواعد العدل ومنع تضارب المصالح وحذر من السعي للسلطة والمناصب وجعلها عبء ومسؤولية لدرجة سيدنا عمر يرفض تولية ابنه الصحابي والعالم رضي الله عنهما وبقينا نتفاخر بازدياد معدلات توظيف السيدات!
طب ايه النتيجة؟
زيادة معدلات التحرش الجنسي - صحيح دي جريمة ملهاش مبرر لكنها طبيعي تحصل وأبسط حاجة اقرءوا عن اللي بتعمله سلاسل الفنادق الأمريكية مؤخرا مثلا
احنا ماشيين عكس الكاتالوج تماما ومتجاهلين أن الغريزة الجنسية هي من أقوى الغرائز لدرجة الزنا تقريبا عقوبته شبه مستحيل تطبيقها لأن شبه مستحيل إثبات الزنا - ده أكبر دليل إنه لو مكنش غريزة إنسانية قوية مكنش ربنا برحمته وحكمته تفهم ده
ونحن نقرأ في القرآن الكريم وكلوا واشربوا ولا تسرفوا إنه لا يحب المسرفين ولكن في الزواج مفيش آية بتقول كده - صحيح الزواج بأربع كحد أقصى لكن مفيش حد أقصى للإماء على سبيل المثال
صحيح ربنا حط قواعد عدم الاقتراب من الزنا في آيات وأحاديث، وأهمها العدل اللي نتيجته مش بس الرفاه المالي لدى الرجال والنساء فالزواج يكون سهل والمجتمع يكون صحي، ولكن نتيجته توافر فرص العمل والرزق بعدالة للجميع مش لفلان زوج فلانة بنت عم فلان عضو المجلس الفلاني ورئيس النقابة العلانية
مش معنى كلامي إن الكل يعدد ولكن إن يا جماعة ديننا يتفهم احتياجات البشر ويحدد ازاي الإنسان يحصل عليها بالحلال عكس الحاصل دلوقتي تصوير الزوجة الثانية إن جوزها اتجوز "عليها" وأنها "خطافة رجالة
مفاهيم ما أنزل الله بها من سلطان ولا تنم إلا عن جهل بكل حاجة فالنتيجة المزيد من انحدار المجتمع وتدهوره أكتر وأكتر لدرجة اللي بيعدد بيبقى مكسوف وممكن أب أولاده يعقوه لمجرد إنه عمل حاجة مباحة وقد تكون في حقه واجبة شرعا!
وبعيدا عن التحرش والتعدد - شوفوا كمية الحضانات والمدارس اللي بتوفر كاميرات للأطفال تشوفها الأمهات على هواتفهن المحمولة، سيادتك بقى عايزة تفهميني إنك بتشتغلي بجد وبتعرفي تركزي في شغلك وانتي عينك كل شوية على ابنك ع التلفون تطمني عليه؟
إن الإسلام ككل الأديان رحيم بالسيدات والنساء والبنات وحافظ على أعصابهن وهدوء شخصيتهن فليه نحمّلهن ما لا طاقة لهنّ به؟ ومش معنى كلامي التقليل من قدرة النساء فهن قادرات ع القيام بواجباتهن الوظيفية على أكمل وجه 1000%
توضيح: منذ تخرجي 2006 تشرفت بالعمل مع نساء بعضهن كن مديرات مباشرات لي، وبعضهن زميلات، وبعضهم كنت مسؤولا عن مراحل مقابلاتهن لاختيارهن للعمل (يشكلن أكثر من نصف قوة العمل التي تشرفت بتوقيع قرار تعيينهم عبر حياتي العملية)
5)
احنا يا جماعة من كتر عبادتنا للدستور والقانون من دون الله بقينا بنقتل بعض بالدستور والقانون! آه والله! ده مش كلامي ده كلام الدكتور فاروق الباز عن زميله الحاصل على دكتوراه الفيزياء النووية اللي مات في السويس بعد 4 سنوات من رفض عمله في مركز البحوث أو بوظيفة مناسبة لتخصصه ودراسته لدرجة البوليس كانوا بيخبطوا على بيته ويروّعوا والدته الصبح وياخدوه الصبح يروح الشغل كمدرس صوت وضوء بالقانون!
مش معنى كلامي رفض الدستور والقانون ح نكون غابة طبعا ولكن تشغيل المخ واللي كويس فيهم نلتزم بيه ونطبقه واللي مخالف للمنطق والعقل والعصر والدين نسعى لتعديله
6)
مش بس كده لأ دلوقتي بقينا نقتل بعض عشان تطبيق الشريعة حد شاف مسخرة أكتر من كده؟
جماعة اسمها الإخوان المسلمين بتقول القرآن دستورنا تخيلوا بيقولوا عايزين يطبقوا الشريعة وبيعملوا (بعضهم طبعا) كل حاجة عكسها زي قتل الناس وتخريب البنية التحتية!
بيعملوا كده عشان عايزين تطبيق الشريعة! اديني عقلك بقى يا سيدي!
الشريعة اللي كلها خير ورحمة وسلام وسعادة وإعمار للأرض تحولت إلى تخريب وتفجير!
ليه يا مسلم برذرهود؟
يقول لك أصل فيه ضباط شرطة قتلوا إخواتنا
طب هو لو افترضنا جدلا إن ضابط الشرطة قتل أخوك عمدا عامدا متعمدا
هل في دين ربنا أو سنة نبيه إنك تقتل أي ضابط لمجرد إنه شغال نفس شغلانة قاتل أخوك؟
يعني لو مهندس قتل أخوك - ح تفجر نفسك جوة نقابة المهندسين على كده مثلا؟
وبعدين يا أيها الإخواني دي مصر فيها 27% فقراء لا يستطيعون سد احتياجاتهم الأساسية من الغذاء و غير الغذاء - لما تقتل و تفجر - انت كده زدت الفقير فقرا أكتر لأن فلوسه ح تتحول للترميم والتسليح والتأمين ده غير السياحة وخسائرها! هل ده دين؟!
طب تعالى كلمني عن المسلحين جوة اعتصام رابعة العدوية؟
يقول لأ اثبت لي
تجيب له الحقائق والأدلة من بياناتهم الرسمية اللي ناشراها الجماعة على موقعها الرسمي بيؤيدوا رسمي نظمي قتل الضباط و الشرطة و القضاة وتخريب البلاد - يعمل من بنها كالعادة :)
بيان من الاخوان المسلمين بخصوص (بيان نداء الكنانة)
7)
المسخرة الأكتر - إن لما مصر ربنا رزقها برئيس يحقق للشباب أهداف اللي بيسموها ثورة 25 يناير الشباب اتقمص!
لا احنا عايزين الثوار الأحرار يكملوا المشوار!
يا أهبل منك ليه انت مش عايز تطوير الداخلية؟
شوف هنا السيسي عمل ايه في الملف ده بشكل معملوش رئيس تاني
يا أهبل منك ليه انت مش عايز عدالة اجتماعية؟
اقرأ هنا السيسي عمل ايه في الملف ده وشوف الإعلام ضحك عليك ازاي يا مغفل
8)
وأرجو محدش يزعل من الانفعال أو الحدة دي فهي والله حبا في شباب زي الفل ومعنديش شك إنه بيحب بلده بس الإعلام بيستغل عدم معرفته بالكثير من الحقائق - لأن للأسف لاحظوا الجماعات والحركات وغيرهم مين اللي منخرطين فيها وقيادات ومشاركين بقوة وحماس؟
معظمهم ملح الأرض الناس الطيبين اللي ملهمش في الدنيا بعد الله إلا صوتهم وحماسهم وأحيانا رغبتهم في الصعود الاجتماعي عبر التأثير في المجال العام - وده والله حقهم
ساعات بيكون ظلم المجتمع ليهم (والظلم ظلمات) نتيجته إنهم بياخدوا طريق التطرف في الفكر أو التظاهر أو الرأي أو الاعتقاد عشان يعملوا زعامة ولو على مجموعة صغيرة أو يكون لهم حظوة جوة جماعة أو حزب - فالنتيجة إنهم مش بس بيظلموا نفسهم أكتر ولكن كمان بيظلموا البلد كلها معاهم
بمعنى آخر اسأل نفسك:
ليه معظم الناس مش في جماعات أو تيارات سياسية وخصوصا الأسر المتعلمة أو المثقفة أو الميسورة؟
9)
لا أستطيع أن أخفي ألمي أن انحطاط المسلمين المؤمنين بسيدنا محمد أوقف تأثيرهم رغم أنهم غالبية كبرى الدول سكانا و/أو بيعا للبترول و/أو شراء للسلاح وهما أكثر سلعتين تداولا بالدولار عصب الاقتصاد العالمي
خالص الدعوات للشعب الفرنسي الشقيق بالسلامة والعافية من كل شر ومكروه، وربنا يجعلنا جميعا سبب ولو بسيط في نقل البشرية من حالة التوهان في غياهب وظلمات الديمقراطية إلى نور وسعادة الإسلام الذي جاء به عن رب العباد وخالق الكون سيدنا محمد صلى الله عليه وسلم رحمة للعالمين
1)
نقابة المهندسين خير دليل على فنكوش الديمقراطية
ح ننشر بكرة فضيحة للنقيب الحالي هاني ضاحي ازاي سَهْل الاستيلاء على أموال النقابة وتوظيف أعضاء مجلسها كواجهات لغسيل أموال ومافيا أراضي وسماسرة عقارات
عايزين قانون ودستور؟
لازم هاني ضاحي يكمل مدته 4 سنين كنقيب مهما حصل
طب عايزين تشيلوه؟
آسفين والله مينفعش هو النظام كده
طب عايزين تجمعوا 100 توقيع جمعية عمومية غير عادية؟
أحب أقول لكم مستحيل مهندس يعرف يجمع 100 توقيع من ناس يثق فيهم
أقصد لازم ح تحتاج تجمع من ناس متعرفهمش
لأن حتى لو والدك ووالدتك وزوجتك وحماتك وحماك وابنك وإخواتك وزوجاتهم/أزواجهم مهندسين
برضه مش ح توصل لخمسين مهندس ولا حتى لنصف الرقم ده
مش عايزين ديمقراطية؟
اشرب بقى يا حبيبي :)
قل لي كده يا شاطر ح تجمع 100 توقيع ازاي من ناس متعرفهمش؟
لو واحد بس فيهم قال ده مش توقيعي كده مبروك يا معلم لبست قضية تزوير
التزوير في القانون جناية يعني أقل مدة سجن 3 سنوات
وحلني بقى عشان تثبت سيادتك إن الراجل ده هو اللي وقع لك وتدور على شهود وإثباتات إنه مضى لك على طلب عقد جمعية عمومية غير عادية
طب والنتيجة؟
إن الديمقراطية دي مصممة على مقاس الإخوان (يقدروا يجمعوا من بعضهم توقيعات) وجماعات المصالح زي شركات القطاع العام الكبيرة اللي برضه تحركهم محدود بموافقة وزيرهم ولو عارضهم مش ح يقدروا يوقعوا
أصحاب المصالح والنفوذ بيزودوا مصالحهم ونفوذهم أكتر وأكتر
هاني ضاحي كان وزير نقل ثم رئيس مجلس إدارة شركة كبرى
وكذلك نقيب مهندسين غير متفرغ
وبعد 4 سنين تتضخم شبكة علاقاته في المجتمع فيزداد من لهم مصلحة في إعادة انتخابه
واحنا المهندسين محلك سر منذ 25 يناير وما قبلها
إحدى النقابات الفرعية بيتم التلاعب في محاضر اجتماعات مجلس النقابة بالمخالفة لما اتفق عليه الأعضاء بالفعل! حد شاف مسخرة بالديمقراطية أحلى من كده؟!
(لأن التوقيع على المحضر بيكون في الجلسة التالية - فاللي بيتكتب في المحضر المعروض في الجلسة التالية بيكون مخالف لما تم الاتفاق عليه شفهيا في الجلسة السابقة)
لاحظوا ده حال نقابة المهندسين المتعلمين بتوع المدارس اللي طبيعة دراستهم وشغلهم هي التفكير النقدي والتحليلي مش أي حد يعني
عايز تشوف فنكوش الديمقراطية أكتر وأكتر؟
احضر كده أي اجتماع جمعية عمومية عادية سنوية
ح تلاقي ناس بيحاولوا يقنعوك بكل حماس تصوت برفض ميزانية النقابة
آل ايه ده عشان تكون ضد الفساد ونحافظ ع النقابة
ببقى عايز أقوله يا عبيط -أرجو محدش يزعل- هو انت لو رفضت الميزانية ايه اللي يحصل؟
الإجابة:
ولا حاجة فعليا
مجرد النقابة ح ترجع تستف الورق ويعيدوا الموائمات الحسابية ويرجعوا يعملوا ميزانية جديدة تتعرض في جمعية عمومية تانية
طب اترفضت تاني؟
عادي المحاسبين يشتغلوا يعملوا ميزانية جديدة وشكرا على كده
وطبعا في كل مرة عشرات الألوف من الجنيهات بيتم صرفها للمحاسبين على تعبهم طبعا معانا :)
يعني المهندسين يرفضوا الميزانية والمحاسبين في النقابة يقبضوا :)
بالله عليكم حد شاف مسخرة أكتر من كده
2)
فنكوش الديموقراطية اللي وقوده الأساسي تحريك الجماهير والغوغاء وعوام الناس - وده وصف مش شتيمة لأن ببساطة مش كل الناس تفكيرها وعقلها يسمح لها بإدراك حقائق الأمور
ده الصحابة بعض الأحاديث كانوا يتحرجون من إعلانها على الملأ وبعضها قالوها على فراش الموت تأثما، ليه؟ لأن الناس مش سواسية في الفهم والإدراك ودي طبيعة البشر ومش عيب في حد خالص
فنكوش الديمقراطية قال لك لا يا معلم الكلام ده مينفعنيش - لازم الشعب يحكم الشعب
قشطة يا معلم - ممكن تقول لي النتيجة ايه حضرتك؟
61شخص ثرواتهم = إجمالي ثروات النصف الأفقر من العالم
في مصر 900ألف مصري معاهم ثروات = 45 مليون مصريواللي يقول لك الديمقراطية استقرار يشوف رؤساء أمريكا منهم اللي اغتيل واللي اتعرض لمحاولات اغتيال بعضها ع الشاشات
شوفوا فيديو محاولة اغتيال ريجان وهو خارج من فندق بالعاصمة في مارس 1981
من كام شهر صحيفة أمريكية اتغربل ستة من صحفييها وموظفيها على بعد كيلومترات من قلب العاصمة
Capital Gazette
لما جه رئيس أمريكي طيب وكويس شوية (أوباما) بقوا بيخبوا عنه بعض الخطابات والجوابات المرسلة له وجابوا له واحد كمصور شخصي يلزق له تقريبا 24 ساعة عدا الحمام والعلاقة الحميمة
وشوفوا الإرهاب على أصوله والاغتيالات السياسية في إيطاليا من الستينيات حتى الثمانينيات!
شوفوا كلام مدير المخابرات الأمريكية الأسبق عن أن الجيش الأمريكي إنه ازاي مش جاهز وبياخد على دماغه طول الوقت وإن معندوش سجل من الانتصارات المستمرة منذ الحرب العالمية (بالحرف قال كده):
https://youtu.be/fT25nabcp1U?t=1040
واللي مش عاجبه فيديو مدير المخابرات عشان 1987 يتعب نفسه ويقرأ عن التحرش الجنسي والانحرافات السلوكية داخل وحدات وقواعد الجيش الأمريكي حديثا
ده غير إن جورج بوش الأب ابنه مسك بعده بأربع سنين لمدة ثمان سنوات وابنه التاني كان مرشح قدام ترامب ومش بعيد يترشح تاني 2020
وطبعا الست هيلاري زوجة رئيس أمريكي ثم وزيرة خارجية في عهد رئيس أمريكي آخر وبعدين بقت كمان مرشحة على مقعد الرئاسة في انتخابات رئاسية
وتلاقي شاب لذيذ كده عندنا يقول لك السيسي ديكتاتور عشان عايز يعدل الدستور ويطول مدته الرئاسية! ولو شخصية عامة شوية لن يجرؤ ينتقد علنا الوراثة في الرئاسة الأمريكية نفسها وإلا اتقطعت عنه حاجات كتير أبسطها تأشيرة أمريكا!
3)
طبعا فيه واحد لطيف ظريف كده ح يسيب كل الحقائق اللي فاتت ويقول لي انت مؤيد للسيسي يبقى انت على كده ضد مظاهرات 30 يونيو بقى يا إخواني يا عميل يا ممول اظهر وبان على حقيقتك يا مندسّ :)
والإجابة:
وصول الرئيس السيسي للرئاسة دي معجزة إلهية وتدبير رباني مش معناها إن يناير أو يونيو حاجة ليها نتائج كويسة
الموضوع بالضبط عامل زي لما واحد يروح بيت صاحبه ففجأة يقول لهم لو حفرنا في الصالون ح نلاقي كنز كبير تحت البيت وفعلا يحفروا ويلاقوا كنز مليان دهب وياقوت وكلهم يبقوا أغنياء جدا
هل الحادثة دي معناها إن كل واحد يروح بيت صاحبه يحفروا تحت بيتهم عشان يلاقوا الكنز؟
كون إن الموضوع جاب نتيجة كويسة في حالة واحدة بالصدفة البحتة مش معناها إن تكرار الفعل ده والاعتماد عليه حاجة كويسة ده يبقى اسمه هبل مع احترامي
4)
زي برضه حدوتة تمكين المرأة - ربنا في القرآن كما قال الإمام الشعراوي رحمه الله قالها واضحة "فلا يخرجنكما من الجنة فتشقى" أي الشقاء في البحث عن وظيفة وحضور مقابلة شخصية وهندلة عميل غاضب - كل دي حاجات اتخلقت للراجل يعملها والسيدة معززة مكرمة
لو حبت تشارك أهلا وسهلا وهي تقدر تعمل فعلا كل ده لكن فرق السما من الأرض لما تعمل ده بمزاجها غير مكرهة ولا مجبرة و لا مضطرة، ولما تعمل ده وهي وراها إيجار لو مدفعتهوش آخر الشهر تبات في الشارع مع طفلها!
احنا بعدنا عن الإسلام اللي حط قواعد العدل ومنع تضارب المصالح وحذر من السعي للسلطة والمناصب وجعلها عبء ومسؤولية لدرجة سيدنا عمر يرفض تولية ابنه الصحابي والعالم رضي الله عنهما وبقينا نتفاخر بازدياد معدلات توظيف السيدات!
طب ايه النتيجة؟
زيادة معدلات التحرش الجنسي - صحيح دي جريمة ملهاش مبرر لكنها طبيعي تحصل وأبسط حاجة اقرءوا عن اللي بتعمله سلاسل الفنادق الأمريكية مؤخرا مثلا
احنا ماشيين عكس الكاتالوج تماما ومتجاهلين أن الغريزة الجنسية هي من أقوى الغرائز لدرجة الزنا تقريبا عقوبته شبه مستحيل تطبيقها لأن شبه مستحيل إثبات الزنا - ده أكبر دليل إنه لو مكنش غريزة إنسانية قوية مكنش ربنا برحمته وحكمته تفهم ده
ونحن نقرأ في القرآن الكريم وكلوا واشربوا ولا تسرفوا إنه لا يحب المسرفين ولكن في الزواج مفيش آية بتقول كده - صحيح الزواج بأربع كحد أقصى لكن مفيش حد أقصى للإماء على سبيل المثال
صحيح ربنا حط قواعد عدم الاقتراب من الزنا في آيات وأحاديث، وأهمها العدل اللي نتيجته مش بس الرفاه المالي لدى الرجال والنساء فالزواج يكون سهل والمجتمع يكون صحي، ولكن نتيجته توافر فرص العمل والرزق بعدالة للجميع مش لفلان زوج فلانة بنت عم فلان عضو المجلس الفلاني ورئيس النقابة العلانية
مش معنى كلامي إن الكل يعدد ولكن إن يا جماعة ديننا يتفهم احتياجات البشر ويحدد ازاي الإنسان يحصل عليها بالحلال عكس الحاصل دلوقتي تصوير الزوجة الثانية إن جوزها اتجوز "عليها" وأنها "خطافة رجالة
مفاهيم ما أنزل الله بها من سلطان ولا تنم إلا عن جهل بكل حاجة فالنتيجة المزيد من انحدار المجتمع وتدهوره أكتر وأكتر لدرجة اللي بيعدد بيبقى مكسوف وممكن أب أولاده يعقوه لمجرد إنه عمل حاجة مباحة وقد تكون في حقه واجبة شرعا!
وبعيدا عن التحرش والتعدد - شوفوا كمية الحضانات والمدارس اللي بتوفر كاميرات للأطفال تشوفها الأمهات على هواتفهن المحمولة، سيادتك بقى عايزة تفهميني إنك بتشتغلي بجد وبتعرفي تركزي في شغلك وانتي عينك كل شوية على ابنك ع التلفون تطمني عليه؟
إن الإسلام ككل الأديان رحيم بالسيدات والنساء والبنات وحافظ على أعصابهن وهدوء شخصيتهن فليه نحمّلهن ما لا طاقة لهنّ به؟ ومش معنى كلامي التقليل من قدرة النساء فهن قادرات ع القيام بواجباتهن الوظيفية على أكمل وجه 1000%
توضيح: منذ تخرجي 2006 تشرفت بالعمل مع نساء بعضهن كن مديرات مباشرات لي، وبعضهن زميلات، وبعضهم كنت مسؤولا عن مراحل مقابلاتهن لاختيارهن للعمل (يشكلن أكثر من نصف قوة العمل التي تشرفت بتوقيع قرار تعيينهم عبر حياتي العملية)
5)
احنا يا جماعة من كتر عبادتنا للدستور والقانون من دون الله بقينا بنقتل بعض بالدستور والقانون! آه والله! ده مش كلامي ده كلام الدكتور فاروق الباز عن زميله الحاصل على دكتوراه الفيزياء النووية اللي مات في السويس بعد 4 سنوات من رفض عمله في مركز البحوث أو بوظيفة مناسبة لتخصصه ودراسته لدرجة البوليس كانوا بيخبطوا على بيته ويروّعوا والدته الصبح وياخدوه الصبح يروح الشغل كمدرس صوت وضوء بالقانون!
مش معنى كلامي رفض الدستور والقانون ح نكون غابة طبعا ولكن تشغيل المخ واللي كويس فيهم نلتزم بيه ونطبقه واللي مخالف للمنطق والعقل والعصر والدين نسعى لتعديله
6)
مش بس كده لأ دلوقتي بقينا نقتل بعض عشان تطبيق الشريعة حد شاف مسخرة أكتر من كده؟
جماعة اسمها الإخوان المسلمين بتقول القرآن دستورنا تخيلوا بيقولوا عايزين يطبقوا الشريعة وبيعملوا (بعضهم طبعا) كل حاجة عكسها زي قتل الناس وتخريب البنية التحتية!
بيعملوا كده عشان عايزين تطبيق الشريعة! اديني عقلك بقى يا سيدي!
الشريعة اللي كلها خير ورحمة وسلام وسعادة وإعمار للأرض تحولت إلى تخريب وتفجير!
ليه يا مسلم برذرهود؟
يقول لك أصل فيه ضباط شرطة قتلوا إخواتنا
طب هو لو افترضنا جدلا إن ضابط الشرطة قتل أخوك عمدا عامدا متعمدا
هل في دين ربنا أو سنة نبيه إنك تقتل أي ضابط لمجرد إنه شغال نفس شغلانة قاتل أخوك؟
يعني لو مهندس قتل أخوك - ح تفجر نفسك جوة نقابة المهندسين على كده مثلا؟
وبعدين يا أيها الإخواني دي مصر فيها 27% فقراء لا يستطيعون سد احتياجاتهم الأساسية من الغذاء و غير الغذاء - لما تقتل و تفجر - انت كده زدت الفقير فقرا أكتر لأن فلوسه ح تتحول للترميم والتسليح والتأمين ده غير السياحة وخسائرها! هل ده دين؟!
طب تعالى كلمني عن المسلحين جوة اعتصام رابعة العدوية؟
يقول لأ اثبت لي
تجيب له الحقائق والأدلة من بياناتهم الرسمية اللي ناشراها الجماعة على موقعها الرسمي بيؤيدوا رسمي نظمي قتل الضباط و الشرطة و القضاة وتخريب البلاد - يعمل من بنها كالعادة :)
بيان من الاخوان المسلمين بخصوص (بيان نداء الكنانة)
7)
المسخرة الأكتر - إن لما مصر ربنا رزقها برئيس يحقق للشباب أهداف اللي بيسموها ثورة 25 يناير الشباب اتقمص!
لا احنا عايزين الثوار الأحرار يكملوا المشوار!
يا أهبل منك ليه انت مش عايز تطوير الداخلية؟
شوف هنا السيسي عمل ايه في الملف ده بشكل معملوش رئيس تاني
يا أهبل منك ليه انت مش عايز عدالة اجتماعية؟
اقرأ هنا السيسي عمل ايه في الملف ده وشوف الإعلام ضحك عليك ازاي يا مغفل
8)
وأرجو محدش يزعل من الانفعال أو الحدة دي فهي والله حبا في شباب زي الفل ومعنديش شك إنه بيحب بلده بس الإعلام بيستغل عدم معرفته بالكثير من الحقائق - لأن للأسف لاحظوا الجماعات والحركات وغيرهم مين اللي منخرطين فيها وقيادات ومشاركين بقوة وحماس؟
معظمهم ملح الأرض الناس الطيبين اللي ملهمش في الدنيا بعد الله إلا صوتهم وحماسهم وأحيانا رغبتهم في الصعود الاجتماعي عبر التأثير في المجال العام - وده والله حقهم
ساعات بيكون ظلم المجتمع ليهم (والظلم ظلمات) نتيجته إنهم بياخدوا طريق التطرف في الفكر أو التظاهر أو الرأي أو الاعتقاد عشان يعملوا زعامة ولو على مجموعة صغيرة أو يكون لهم حظوة جوة جماعة أو حزب - فالنتيجة إنهم مش بس بيظلموا نفسهم أكتر ولكن كمان بيظلموا البلد كلها معاهم
بمعنى آخر اسأل نفسك:
ليه معظم الناس مش في جماعات أو تيارات سياسية وخصوصا الأسر المتعلمة أو المثقفة أو الميسورة؟
9)
لا أستطيع أن أخفي ألمي أن انحطاط المسلمين المؤمنين بسيدنا محمد أوقف تأثيرهم رغم أنهم غالبية كبرى الدول سكانا و/أو بيعا للبترول و/أو شراء للسلاح وهما أكثر سلعتين تداولا بالدولار عصب الاقتصاد العالمي
خالص الدعوات للشعب الفرنسي الشقيق بالسلامة والعافية من كل شر ومكروه، وربنا يجعلنا جميعا سبب ولو بسيط في نقل البشرية من حالة التوهان في غياهب وظلمات الديمقراطية إلى نور وسعادة الإسلام الذي جاء به عن رب العباد وخالق الكون سيدنا محمد صلى الله عليه وسلم رحمة للعالمين
