هندسني شكرا (4) موقع توظيف خلال سنتين يشغّل 100ألف مهندس بإيرادات 100 مليون دولار/شهر

https://youtu.be/qiEV1Qnix2s

في الحلقة دي ح أتكلم عن جدوى هذا الموقع ضمن برنامجي الانتخابي خصوصا وأن معهد نظم المعلومات التابع لوزارة الاتصالات بيدرب طلابه عليه في مادة Freelancing ضمن الوحدة الثالثة من برنامجITEgypt 1o1

.

بل اختيرت إحدى خريجات هذه المادة تحديدا في أكتوبر 2017 لعرض تجربتها أمام رئيس الجمهورية في الحصول على ١٠٠٠٠دولار خلال ٤ أشهر أي ٢٥٠٠دولار شهريا كما في الفيديو

.

برنامجي الانتخابي يفترض أن الدخل الشهري للمهندس على هذا الموقع سيكون ألف دولار فقط شهريا وأن المستفيدين منه هم 100 ألف مهندس في مصر اللي فيها نحو مليون مهندس و100مليون مواطن وبناء عليه:

.

100 ألف مهندس * ألف دولار شهريا للمهندس = 100 مليون دولار شهريا

.

نسبة الموقع منها ما بين 10% إلى 20% أي بحد أدنى صافي للموقع أو للنقابة 10 مليون دولار شهريا أي 120 مليون دولار سنويا = تقريبا 2 مليار جنيه =  4 أضعاف دخل الدمغة الهندسية حاليا :) واللي ميزانيتها بتقول إنها أكبر وأهم مصدر دخل للنقابة

.

أكيد ح نلاقي في مصر 100 ألف شخص، مش شرط حتى كلهم يكونوا مهندسين في البداية، يمكنهم ممارسة عملهم أونلاين كتابة أو عبر الفيديو من أطباء ومبرمجين ومصممين واستشاريين ومترجمين وكتاب ومسوقين ومديري مشاريع ومحامين ومعماريين

.

والموضوع مش بس شغل أونلاين وإنما مثلا مغترب عايز محامي يستخرج لك شهادة ميلاد أو ح تبعت له توكيل يرفع لك قضية، أو شركة مجوهرات عايزين مصممة تبعت لهم تصميم شبابي جديد لحلق أو عقد مثلا وتبعت لهم ورق التصميم عبر شركات البريد أو الشحن وهكذا - فأقصد أقول إنه موقع توظيف مش شرط فقط للوظائف اللي محتاجة كمبيوتر ففي حالة المحامي ح يستخدم الكمبيوتر فقط في إرسال عرض سعره للمغترب ثم الرد عليه لو حب يتواصل معاه أثناء مقارنته عروض الأسعار ثم لو اتفقوا ح يخطره بعد انتهاء كل مرحلة عشان الموقع ينقل له فلوسها من حساب المغترب

.

بل كمان الموقع ده ح يوفر شغل حتى للي بيبيعوا لعب أو منتجات صناعية أو أثاث أو غيره حيث ممكن يبيعوها للغير عبر الموقع كخدمة إضافية للتجارة الالكترونية ونسبة الموقع تكون ١٠ أو ٢٠% أو أكثر أو أقلّ

.

.

.

.

علما بأن الموقع الأمريكي الأم

Upwork.com

تتداول أسهمه في بورصة ناسداك الأمريكية الشهيرة كأي شركة كبرى وأرقامه وإحصائياته وإيراداته معلنة ويفصح عنها دوريا:

https://investors.upwork.com/investor-relations

وأي حد في حضراتكم يمكنه بسهولة الاطلاع عليها لو حابب يتأكد من جدوى المشروع أو حتى لو مرشح منافس حابب ينتقد الموقع كعنصر في برنامجي الانتخابي أهلا وسهلا بيه بس لو شاطر يلاقي ثغرة :) والفضل كله لله قولا واحدا نبرأ إلى الله من حولنا وقوتنا

.

.

.

مثال عملي على جدوى الموقع لمهندسة معمارية في أسوان:

دلوقتي هذه المهندسة أمامها خياران ملهمش تالت إما وظيفة عاملة نظافة في أسوان (وهي وظيفة محترمة وكل حاجة بس ح تؤدي لخسارة معمارية موهوبة - وآه بالمناسبة فيه مهندسين شغالين عمال نظافة وسلموا لي على إنجازات الإخوان في النقابة اللي بدل حضور الجلسة لعضو مجلس أيامهم وصل 18000 جنيه عن الجلسة الواحدة بينما المهندسين كانوا مش لاقيين ياكلوا أو متغربين عشان قروش)

.

فهذه المهندسة المعمارية في أسوان إما أن تغير وظيفتها سواء كعاملة نظافة أو كموظفة بعيدا عن العمارة للحصول على مصدر دخل وإما أن تتغرب في القاهرة للعمل كمعمارية براتب يستهلك نصفه السكن المشترك في حي عشوائي ده غير بهدلة التحرش أثناء البحث عن سكن ومصاريف المواصلات وغيره!

.

هذا الموقع الذي يتبناه برنامجي الانتخابي سيحل مشكلتها تماما حيث يمكنها العمل والإبداع كمعمارية موهوبة وهي عايشة وسط أهلها في أسوان بحيث تصمم فيلا لرجل أعمال في القاهرة أو حتى شيكاجو من خلال الموقع اللي بيضمن فلوسها اللي اتفقت عليها

.

 لأن الموقع بيسحب الفلوس دي من حساب رجل الأعمال على الموقع (فوري أو فيزا أو ميزة أو فودافون أورانج كاش، إلخ) بحيث فور الانتهاء من كل مرحلة تستلم مستحقاتها أولا بأول مع وجود لجنة تحكيم بالموقع في حالات الخلاف أو حتى النصب والاحتيال ودي لجنة موجودة بالفعل في الموقع الأمريكي الأم

.

ساعتها برضه هذه المهندسة المعمارية الكريمة من أسوان ح تسافر القاهرة بس بالطيارة درجة أولى سواء كسياحة أو لحضور مؤتمرات او دورات تصقل مهاراتها وتطور أداءها وتزيد دخلها وبالتالي تحقق استقلالا ماديا واعتمادا ذاتيا بعد الاعتماد على الله

.

.

.

الـسـؤال الـمـنـطـقـي الأول

مصر فيها بالفعل مواقع توظيف كثيرة زي كانتالوب والغرفة الأمريكية و وظف و بيت وفرصنا وجوبزيلا وغيرهم، وهذا المشروع يا محمد لن يضيف جديدا عما تقدمه هذه المواقع واللي طبعا عمرنا ما سمعنا إنها بتكسب حتى عشر الملايين المملينة اللي انت بتتكلم عليها دي

.

.

.

.

.

.

الـسـؤال الـمـنـطـقـي الـثـانـي

يا محمد لو كان الموقع ده مفيد في توظيف المصريين أو المهندسين لكنا شفنا الملايين بيستخدمونه بدلا من كونه موقعا مجهولا لا يعرفه إلا قلة قليلة لا تكاد تذكر!

ده احنا أول مرة نسمع عنه منك دلوقتي يا راجل

.

.

.

الـسـؤال الـمـنـطـقـي الـثـالـث

يا محمد جاوبنا على أم السؤال: ايه سرّ إن الموقع ده محدش فينا كمهندسين أو مصريين يعرفه أو سمع عنه؟

يعني معقولة طالبة قدام الرئيس تعلن حصولها على 2500دولار شهريا وحتى لو قلنا إنها تقصد ده إجمالي لمجموعتها الرباعية يعني 625 دولار شهريا لكل شخص يعني 9000جنيه شهريا معقولة موقع بيوفر دخل بالضخامة دي في الظروف الاقتصادية دي والمصريين ميعرفوش عنه حاجة؟!

.

انت بتهزر أكيد!

فيه حاجة غلط يا محمد في كلامك اللي مش منطقي ومش معقول

فيه حاجة غامضة مش مفهومة خالص

.

.

.

الـسـؤال الـمـنـطـقـي الـرابـع

بص يا محمد لو الموقع مربح كده على كلامك ايه يجبرك تدخل انتخابات وكمان تقول تفاصيله كده ع الهوا؟

اتفضل اعمله مع نفسك وخد تمويل لوحدك أو خش في شراكة مع آخرين ومليون بنك ح يمولكم

وعيش حياتك بعيدا عن دوشة الانتخابات معقولة مش خايف حتى حد ياخد الفكرة ويطبقها؟!

.

.

.

إجــابـــة الأســئــلــة الـمــنــطــقــيـــة أعـــلاه الليلة 11م إن شاء الله :)

هندسني شكرا (3) : خدعوك فقالوا عضوية مجلس النقابة عمل تطوعي 🙂

أيوة: أنا مترشح عشان مصلحتي الشخصية لأن اللي مش ح يشوف مصلحته مش ح يعرف يشوف مصلحة حضراتكم اللي هي في برنامجي 10آلاف جنيه معاش مرحلة أولى خلال سنة + 10آلاف جنيه قرض حسن بلا قرعة خلال سنة + موقع توظيف 100ألف مهندس خلال سنتين والاستقالة خلال سنة لو لم يتحقق المعاش والقرض ويتم البدء في الموقع 🙂

.

واللي مش عاجبه يعمل منشن لأي مرشح(ة) متطوع(ة) برنامجه يشمل أبسط حقوقنا اللي في الصورة وأنا فورا ح أتنازل وصفحتي دي ح تكون دعاية مجانية لسيادته(ـا) يلا معندكمش حجة وبكده توفروا للنقابة الخمسة والخمسين ألف جنيه شهريا ويمكن أكثر اللي كان ممكن أقبضهم لو انتخبت بموجب المادتين 49 قانون النقابة و 136 النظام الداخلي 🙂

.

وعلى فكرة مفيش حاجة اسمها العمل النقابي عمل تطوعي إلا بمعنى إن أي عضو منتخب طبيعي بيتطوع بجزء من وقته وفلوسه وربما كرامته كجزء من العمل العام حتى ولو كان يتقاضى مقابلا ماليا من النقابة وده هو المعنى اللي يقصده حتما القائلون بأن العمل النقابي عمل تطوعي

.

مثلا نقيب المهندسين معالي الوزير متطوع آه بس بعد أقل من سنة ونص من انتخابه نقيبا للمهندسين أصبح رئيسا لشركتين اثنتين بدلا من شركة واحدة (شركة الملاحة الوطنية + شركة وادي النيل) وأصبح عضوا في لجنتين إحداهما حزبية برئاسته لدرجة مش بيروح النقابة غير يوم واحد في الأسبوع 🙁

.

ولكن بعيدا عن معالي النقيب باعتبار إنه طبق القانون في اختيار مكتب فني متفرغ وباعتبار إن هذه المناصب والعضويات المستجدة لا تستغرق وقته ومساهمته في أعمالها هي معنوية للاستفادة من علاقاته وخبراته أكثر منها استهلاك وقت معاليه - بعيدا عن الرجل فاحنا النهاردة ح نتكلم عن المرشحين في الانتخابات بعد القادمة وليس عن الأعضاء أو حتى المرشحين الحاليين اللي أنا شخصيا لو قابلت حد فيهم يعني أقل حاجة تقبيل رؤوسهم على خوضهم هذه المهمة الثقيلة والمسؤولية العظيمة في خدمتنا كمهندسين وسط لوائح بيروقراطية وظروف صعبة

.

.

.

لو حد مترشح في انتخابات 2022 وهو مهندس وفاتح بيت يبقى لازم تسأل نفسك ليه اترشح؟

خصوصا لو مهندس عادي بيقول إنه متطوع ومش مليونير

.

ايه اللي يخلي بني آدم طبيعي (خصوصا لو مسؤول عن بيت وأسرة أو في سن العمل والإنتاج مش المعاش مثلا) يدخل انتخابات كمتطوع و يبقى تحت رحمة جهاز الكسب غير المشروع ده غير المصاريف و التفرغ للدعاية ودوشة الإعلام و القيل و القال؟

.

لاحظوا يا حضرات إن اللي عايز يخدم أعضاء النقابة متطوع سهل جدا يعمل كده من غير ما يترشح في انتخابات النقابة أساسا 🙂

أيوة دي المعلومة اللي مهندسين كتير مش واخدين بالهم منها 🙂

.

مثلا:

برنامجي لزيادة المعاش إلى 10000جنيه مرحلة أولى أو موقع توظيف 100ألف مهندس أو لتفعيل المادتين 77 و80 من قانون النقابة أي أي برنامج يخطر في بالك أنا أو أي حد ممكن نجمع 50 توقيع للنقابة الفرعية أو 100توقيع للنقابة العامة على طلب لعقد جمعية عمومية غير عادية للتصويت على تنفيذه ولو المهندسين صوتوا بالأغلبية فالنقابة بموجب المادة 28 الفقرة 3 ملزمين بتنفيذه وأنا قاعد حاطط رجل على رجل عايش حياتي بعيدا عن دوشة الانتخابات والنقابة 🙂

.

وبالمناسبة تقديم الطلب حق متاح لأي مهندس إنه يجمع 50 توقيع للنقابة الفرعية أو 100توقيع للنقابة العامة بشرط يكونوا مسددين اشتراكات 2018 وبس كده مش اختراع يعني ولا جريمة مثلا ولا حتى تزعل النقابة في حاجة مجرد اجتماع للتصويت على شوية طلبات للمهندسين وشكرا على كده ولو اتوافق عليها والنقيب نفذها المهندسين ح ينبسطوا منه و ح ينتخبوه تاني وتالت كمان 🙂

.

.

.

هل معنى كلامي أعلاه إن مفيش مهندسين عايزين يخدمونا بجد وبيحبوا عمل الخير وراحتهم في تخصيص وقتهم وجهدهم لخدمة آخرين؟ لأ طبعا هؤلاء موجودون وهم كل أعضاء مجلس النقابة الحاليين والسابقين قولا واحدا وكل المرشحين حاليا قولا واحدا

.

أنا بتكلم عن المرشحين في الانتخابات بعد القادمة اللي احنا منعرفهمش

مهم نسألهم السؤال ده قبل انتخابات 2022 ونعرف إجابتهم هما عليه

ليه؟

عشان أدناه شوية حقائق عن مزايا عضوية مجالس نقابة المهندسين سواء النقابة العامة أو النقابات الفرعية:

1- لو مجلس النقابة وافق على صرف أي مبلغ تحت أي مسمى فالقرار قانوني و ساري وتروح بكرة الصبح تصرف الفلوس و ألف ألف مبروك يا سيادة العضو المنتخب - لدرجة ممكن يعزم 800 شخص ع الفطار في رمضان على حساب النقابة 🙂

.

2- ضبطية قضائية بنص القانون يعني لو حد مس شعرة من عضو مجلس نقابة منتخب يتحبس في جنحة الاتهام بالتعدي على سلطة ضبط قضائي

.

3- خمسة و خمسين ألف جنيه راتب شهري (باعتراف وكيل النقابة)

.

4- مليون جنيه بدل سفر سنوي وبالفيديو من نقيب القاهرة الحالي:

https://www.facebook.com/EngineersEgypt/videos/160422334686530/

.

5- بدل حضور جلسة 49 ألف جنيه (للأمانة ساعات بيكون بس 18ألف جنيه بس 🙂 )

.

6- عربيات

7- لو مجلس النقابة وافق على تعيين أقاربك أو معارفك في النقابة أو توريدهم معدات أو تقديمهم خدمات للنقابة عبر شركاتهم فالقرارات قانونية و ألف ألف مبروك (أكرر للمرة المليون: بتكلم هل ده نظريا ممكن يحصل من أي مرشح قادم -بشكل عام-؟ الإجابة آه للأسف 🙁

.

8- تواصل مع مسؤولين من أول رئيس الجمهورية وانت نازل خصوصا المحافظين ورؤساء الشركات ومدراء الأمن و قادة الجيوش و السلطات القضائية وأعضاء مجلس النواب بما في ذلك حفلات و مناسبات المحافظات و الوزارات التي يحضرها أعضاء مجلس النواب، ده غير التواصل مع الدبلوماسيين و رجال الأعمال عرب و أجانب

(بحكم المنصب - وده سهل جدا يساعد في زيادة إيراد و مشاريع مكتبك الخاص أو تحقيق مصالح شخصية ولو حتى تأشيرة لحد من الأولاد)

9- وسائل الإعلام و الصحافة والتلفزيون تحت أمرك في نشر أي تصريح ولو كان بوست ليك ع الفيسبوك 🙂

.

.

.

هل الحقائق أعلاه تفسّر ليه جماعة الإخوان المجرمين طول عمرها بتحارب للحفاظ على وجودها جوة النقابة رغم حصول أعضاء في مجلسها على بدل حضور 18000جنيه في الجلسة الواحدة بينما المهندسين مكنوش لاقيين ياكلوا:

http://www.albawabhnews.com/1153131

.

جايز ليه لأ

.

.

.

هل الحقائق أعلاه تفسّر ليه قنوات الإخوان بتساعد في نشر هاشتاجات معينة للتفرقة بين المهندسين والهجوم على الدولة بحجة المعاهد الخاصة؟

ليه لأ خصوصا إن النقابة بموجب المادتين 4 و5 من قانونها تقدر ترفض قيد أي خريج لو مـــجـــمـــوعـــه في الثـــانـــويـــة الـــعـــامّــــة أقل من نسبة معينة تــحــددهــا الــنـــقـــابـــة كـمــا فــعــلــت نــقــابــات طــبّ وعلى المتضرر اللجوء للقضاء بموجب قانون النقابة أيضا وساعتها محدش ح يجرؤ يدخل هندسة خاصة بأقل من المجموع اللي حددته النقابة عشان يتبهدل في قواضي ضد النقابة بعد التخرج 🙂

.

وكمان تقدر ترفض عضوية أي حد لو لم تتوافر فيه شروط القبول اللي تحددها بموجب المادة 1 من نظامها الداخلي لجنة قيد تقدر تختبر كل خريجي خاص (وحكومة) عند القيد لأول مرة "لبيان الجوانب الفنية التخصصية" بحيث اللي مستواه كفء يكون عضو واللي غير كده بلاش أو يمتحن تاني بعد فترة زمنية محددة 🙂

.

هاتان المادتان 4 و 5 لن يجرؤ أي جروب إخواني أو تابع للإخوان أو متأثر بهم أن ينشرهما وتحدي 😉 لأنهما تحلان المشكلة المفتعلة وتحافظان على وحدة المهندسين بينما الإخوان لهم فتوى شهيرة نداء الكنانة بتاريخ 28 مايو 2015 توجب قتل أي مصري شغال في الحكومة أو أي مصري مش شايف 3 يوليو انقلاب عسكري والأولوية في القتل لأئمة المساجد وعلماء الأزهر وحسبنا الله ونعم الوكيل لأن اللي يوجب قتلنا طبيعي يسعى في تفرقتنا وشق صفّنا 🙁 وبرضه ح نقول تحيا مصر تحيا مصر تحيا مصر 🙂

سؤال جادّ بهدوووء إلى المعارضين للتعليم الهندسي الخاص اتحاد مهندسي مصر خريجي حكومي

 

سؤال جادّ بهدوووء إلى اتحاد مهندسي مصر خريجي حكومي المعارضين للتعليم الهندسي الخاص

على أي أساس حضراتكم شايفين أعداد المهندسين مشكلة رغم إن:

1- النقابة بموجب المادتين 4 و5 من قانونها تقدر ترفض قيد أي خريج لو مـــجـــمـــوعـــه في الثـــانـــويـــة الـــعـــامّــــة أقل من نسبة معينة تــحــددهــا الــنـــقـــابـــة كـمــا فــعــلــت نــقــابــات طــبّ وعلى المتضرر اللجوء للقضاء بموجب قانون النقابة أيضا وساعتها محدش ح يجرؤ يدخل هندسة خاصة بأقل من المجموع اللي حددته النقابة عشان يتبهدل في قواضي ضد النقابة بعد التخرج :)

.

وكمان تقدر ترفض عضوية أي حد لو لم تتوافر فيه شروط القبول اللي تحددها بموجب المادة 1 من نظامها الداخلي لجنة قيد تقدر تختبر كل خريجي خاص (وحكومة) عند القيد لأول مرة "لبيان الجوانب الفنية التخصصية" بحيث اللي مستواه كفء يكون عضو واللي غير كده بلاش أو يمتحن تاني بعد فترة زمنية محددة :)

.

النقابة لو طبقت هاتين المادتين من قانونها والتي لن يجرؤ مهاجمو التعليم الهندسي الخاص على نشرهما في جروباتهم أو الإشارة إليهما وتحدي ;) ، تطبيق هاتين المادتين ح تكون نتيجته إن كل مؤسسات التعليم الهندسي في مصر ح تهتم بالكفاءة والجودة لأن فضيحة أي جهة خاصة ح تبقى بجلاجل لما النقابة تنشر كل سنة عدد المتقدمين منها وتطلع نسبة اللي اجتازوا الامتحان قليلة ده معناه مفيش ولا طالب ح يقدم ورقه السنة اللي بعدها وبالتالي النقابة تقدر بسهولة تفرض عليهم شروطها بعيدا عن وزارة التعليم العالي تماما :)

.

.

.

2- مش كل خريجي هندسة بيمارسوا العمل التخصصي لأن كثيرين بمزاجهم بيختاروا وظائف أخرى كالإعلام أو التجارة أو العمل الحر أو غيره، وكمان مفيش إحصائية علمية واحدة، صححوني لو غلطان، بتقول إن فيه مشكلة زيادة في أعداد المهندسين في سوق العمل - وفي أول تعليق تصريح لسيادة النقيب السابق م.طارق النبراوي بيؤكد كلامنا :)

.

.

.

3- لو أعداد المهندسين أكثر من حاجة سوق العمل فلماذا لا توقف النقابة تحايلها على تطبيق المادة 131 من لائحة قانون البناء الموحد (بخصوص الإشراف الفعلي) وبالتالي تشغل معظم مهندسين مدني في مصر تاني يوم مباشرة؟

.

وعلى فكرة تطبيق المادة دي مش محتاج غير (وصححوني لو أنا غلطان):

حذف سطر التحايل من شهادات الإشراف اللي بتطبعها النقابة+نشر المادة في إعلان صغير في الصحف+فاكس بالمادة لوزارتي الإسكان والتنمية المحلية+بوست للمهندسين على صفحة النقابة :)

.

.

.

4- العلم والمنطق بيقولوا إن ضعف رواتب المهندسين سببه مش كثرة العرض وإنما غياب دور النقابة والحقيقتان 1 و3 أعلاه بتؤكدان كلامنا :)

لأن نقابة المهندسين في ايدها تعلن عن حد أدنى استرشادي للرواتب

أو حتى تضيف ع الموقع قسم للوظائف الهندسية الشاغرة بمقابل

فيكون مصدر دخل للنقابة وخدمة توظيف لينا كمهندسين

بدلا من صرف 50 مليون جنيه كل سنة على إنشاءات ومباني بلا عائد و50مليون أخرى للموظفين فوق رواتبهم وبدلاتهم

.

أو حتى دعم حديثي التخرج بقروض حسنة تكفيهم ذل القبول بأي راتب أثناء البحث عن وظيفة

(لدرجة معظمنا مش معاهم فلوس اشتراك النقابة من أساسه ومش أعضاء في النقابة بسبب ضعف رواتبهم ده لو عرفوا يشتغلوا)

.

.

.

والسؤال المنطقي مني كمرشح خريج خاص لكل اللي بيشغلوا مخهم من المطحونين من ظروف الشغل وضعف المرتبات سواء خريجي خاص أو حكومي:

تحديث: في 6 مارس 2020 إدارة الجروب تحذف أية منشورات لتجميع شباب المهندسين حول مطالبهم - لماذا تحتكر إدارة الجروب ذلك لنفسها فقط دون سواها؟

انتهى التحديث

مين اللي مصلحته يخبي الحقائق أعلاه عن حضراتكم ويصوّر لكم جميع المعاهد الخاصة ووزارة التعليم العالي على إنها سبب مشاكلكم عشان يطلب أصواتكم في الانتخابات ويوصل لكرسي راتبه بيوصل 55000 جنيه شهريا و بدلات جلسة واحدة فيه بتوصل 49000 جنيه ده غير صلاحيات التعيين في النقابة والتصرف في أصولها بيعا وشراء وتأجيرا؟

.

مين اللي مصلحته يوجه حضراتكم لانتخابه لحل مشكلة مفيش إحصائية أو دراسة علمية تؤكدها وملهاش وجود أساسا في رأيي (ورأي سيادة النقيب السابق)، ولو وجدت هذه المشكلة جدلا وفرضا فإن حلها موجود ومتاح في يد النقابة مش في يد وزارة التعليم العالي بنص قانون النقابة ونظامها الداخلي :) ؟

.

المادة 24 من قانون نقابة المهندسين واضحة وصريحة في صلاحية النقيب العام -فقط- في تمثيل النقابة لدى الجهات القضائية والإدارية - وانتخابات التجديد النصفي الجمعة 28 فبراير مش على مقعد النقيب، وبالتالي ايه معنى إن حد يقول لكم انتخبوني عشان أحل مشكلتكم اللي سببها، على كلامه، وزارة التعليم العالي :) ؟

.

لو المشكلة في وزارة التعليم العالي ميقدم طلب للنقيب أو يكلم أعضاء مجلس النواب أو شكاوى مجلس الوزراء ليه عايز أصواتكم في انتخابات نقابة مهندسين مش انتخابات وزارة تعليم عالي :) ؟ 

.

ولو المشكلة، كما شرحنا، في عدم ممارسة النقابة لدورها وعدم تفعيلها لمواد قانونها ونظامها الداخلي يبقى ايه السر يا ترى يا هل ترى في عدم مطالبة اللي شايفين المشكلة في التعليم العالي والمعاهد الخاصة - ايه سر سكوتهم تماما عن  الحلول السهلة والسريعة اللي ف ايد نقابة المهندسين رغم إنهم بيقولوا لكم انتخبونا في نقابة المهندسين عشان نحل المشكلة دي اللي النقابة بايديها تحلها :) وبأكثر من طريقة كمان :) كما شرحنا أعلاه؟

.

وأتـــــــحــــــدى أي عــضــو مــجــلــس في النقابة أو مـــجـــلـــس الــــنــواب أو جــــــروبــــــات تفرقة حكومي/خاص يكذبني أو ينفي كلامي خصوصا الحقيقتين 1 و 3 أعلاه :)

.

.

.

مين اللي مصلحته تجاهل إن النقابة عاملة قانون جباية كارثي جديد بيفرض اختبارات إجباري غير مجانية على جـــــمــــيــــع خريجي حكومي وخاص مش عند القيد لأول مرة بالنقابة وإنما طوال حياتك العملية عبر سبوبة أكاديمية كورسات من حق لجنة شفوي كل سنة عند التجديد إجبارك على الدفع لدراسة كورس فيها ورسوم الكورسات دي ملهاش حد أقصى على فكرة؟!

.

مين اللي مصلحته يفرق المهندسين حكومي وخاص ثم بين عمارة وفنون جميلة؟

وعموما يا ريت تسألوا وتطلبوا من أي مرشح في الانتخابات أن يتعهد في برنامجه وفي مؤتمراته وفي بوستاته بتطبيق قانون جهاز الكسب غير المشروع على نفسه فيما يتعلق بإقرارات الذمة المالية خلال شهرين من انتخابه كما ينص قانون الجهاز

.

دي نقطة مهمة تساعدكم في معرفة شخصية المرشح وهل بيضحك عليكم بأي كلام عشان يوصل للكرسي على حساب آمالكم وآلامكم، ومين اللي معندوش حاجة يخبيها عنكم وعن الأجهزة الرقابية ومفيش احتمال إنه بيتهرب من سداد الضرائب (وطبعا مش معنى كلامي إن المرشح اللي مش جايب سيرة إقرار الذمة المالية سيء أو بيضحك عليكم أو مخبي حاجة أنا بقول الوضوح في النقطة دي عامل مساعد في التعرف على شخصية المرشح مش أكتر)

.

.

.

هل معنى كلامي أعلاه إن اللي بيقولوا أعداد المهندسين مشكلة مجرد ساعين لمصلحتهم الشخصية في استخدام هذه الدعاية للحصول على أصوات شباب المهندسين في الانتخابات بهدف الوصول لكراسي مجلس النقابة؟

أنا شخصيا بقول ده مجرد احتمال + احتمال آخر أن يكونوا من جماعة الإخوان الإجرامية "الإرهابية" بهدف التفرقة بيننا كمصريين + احتمال ثالث إنهم مش عارفين قانون النقابة

.

وفي الحالة الأخيرة دي انـــشـــروا الــبـــوســت ده أو صــــورة مــــواد الــقـانـــون في جـــروبـــات التفرقة بين حكومي/خاص وابعتولهم البوست ده واعملوا لهم منشن في التعليقات عشان يقروه عشان طبيعي لما يعرفوا قانون النقابة بيقول ايه يا إما ح يغيروا كلامهم وياخدوا موقف "حقيقي" من النقابة وساعتها ممكن يترشحوا عشان النقابة تنفذ الحقيقتين 1 و 3 أعلاه مثلا أو ع الأقل عشان يجهضوا قانون جباية النقابة الكارثي الجديد

.

طب لو مردوش وظلوا مصممين على رأيهم الخاطيء وعنادهم بإن المشكلة في وزارة التعليم العالي ومؤسسات التعليم الخاص؟ يبقى كده الموضوع فيه إنّ مش شرط إخوان أو سعي وراء كراسي وإنما علامة استفهام كبرى وخلاص :)

هندسني شكرا (2) تارجت المعاش والقروض

سبق وأن تعهدت، إذا انتخبت، بالاستقالة إذا لم يصل المعاش الشهري خلال سنة إلى 10آلاف جنيه كمرحلة أولى و10آلاف جنيه قرض حسن بدون قرعة

وحددت الموعد الأقصى لتحقيق هذا الوعد مع أعضاء المجلس إن شاء الله ليكون عمومية 2021 بحيث إذا وصلناها وده محصلش سأستقيل

وقلت الاستقالة غير مشروطة بأي شرط آخر أو ظروف أخرى من تعاون أو غيره وإنما بلا قيد ولا شرط لو ده محصلش لأي سبب سأستقيل

.

كثيرون اعتقدوا أنني أبحث عن أصواتهم للوصول إلى الكرسي والسلام

وأنا والله بعذرهم لأني لو كنت مكانهم ح أفكر زيهم

.

لـيـه؟

عشان مكنتش عارف لا قانون النقابة ولا إمكانيات وأرقام النقابة :)

1- إجمالي الحاصلين على معاش النقابة كل سنة هو 120000 مهندس

2- إيرادات بند واحد فقط في ميزانية النقابة (الدمغة) يتجاوز 500 مليون جنيه مصري

.

3- النقابة بتصرف كل سنة 50 مليون جنيه عمولات تحصيل للموظفين فوق رواتبهم وبدلاتهم من الدمغة

4- النقابة بتصرف كل سنة 50 مليون جنيه تانية لشراء أراضي للنوادي وعمل إنشاءات بلا عائد والأدلة والروابط والمصادر والمستندات في أول تعليق:

https://www.almasryalyoum.com/news/details/1353998

.

5- قانون نقابة المهندسين فيه مادتين 77 و 80 تسمحان للجنة صندوق المعاشات والإعانات بصرف معاش شهري بدون حد أقصى بناء على طلب مكتوب يوافق عليه مجلس النقابة، والصرف ده يستحق للمهندس وكمان لورثة المهندس :)

99% من مهندسي مصر وورثتهم ميعرفوش المعلومة دي للأسف لدرجة إن القانون بيلزم النقابة بالرد كتابيا ورسميا على الطلب عشان العضو أو ورثته ممكن يتظلموا لو النقابة صرفت مبلغ أقل من اللي طالبينه

.

.

.

مــــــــــلاحـــــــظـــــــة مـهــمـــة:

احنا بنتكلم فقط عن إعادة توجيه موارد النقابة ولاحظوا إن الأرقام وصلت لخدمة أكثر من 1% من الحاصلين على المعاش في سنة واحدة

لو قلنا إن 20% من الحاصلين على المعاش هم الأكثر احتياجا له ولا يستغنون عن جنيه واحد منه فاحنا بنتكلم عن خدمة 20% أو خمس مستحقي المعاش بافتراض أن تدوير المعاش 10آلاف كل سنة لمستحق آخر لزيادة قاعدة المستفيدين منه بافتراض أن تدوير المعاش 10آلاف كل سنة لمستحق آخر لزيادة قاعدة المستفيدين منه

.

أكـــــــــــــــــــــــرر:

احنا بنتكلم هنا بس عن فـــقـــط إعادة توجيه موارد النقابة

لسة متكلمناش لا عن مشاريع ولا بنك توظيف ولا استثمارات ولا حوكمة ولا استغلال موارد و لا الاستعانة بمتطوعين ولا توفير نفقات

.

وأما برنامج بنك التوظيف أو موقع

Upwork

فتفاصيل إيراداته المائة مليون دولار شهريا في الحلقة القادمة من هندسني شكرا والتي ستجيب على كل الأسئلة المنطقية بما فيها ليه محدش عمل المشروع في مصر قبل كده وليه أصلا مصريين كتير ميعرفوش حاجة عن الموقع ده طالما مربح كده وبيشغل ناس كتير كما أزعم

.

وكمان الحلقة القادمة ح ترد على سؤال منطقي ومهم وهو:

ليه يا محمد عايز تعمل المشروع ده من خلال النقابة يعني لو فعلا مشروع مربح كنت اعمله مع نفسك أو مع شركاء بقرض أو غيره واكسب ملايين الدولارات دي، على كلامك، لوحدك ليك وسيبك من النقابة وانتخاباتها :)

هندسني شكرا (1) حصتي في شركة نقابة المهندسين

*** بقلم مرشح في انتخابات نقابة المهندسين ***
النهاردة معظم المهندسين مش لاقيين شغل، أو رواتبهم هزيلة
واللي شغال مش عارف يتجوز بسهولة ولو عايز قرض لازم قرعة وشغلانة
واللي متجوز لو حصلت مشكلة في شغله محدش في النقابة ح يرد على تلفوناته
ومفيش حد أدنى ولو استرشادي للرواتب والنتيجة استغلال المهندسين برة وجوة
لدرجة حديثي تخرج كتير غير قادرين على سداد رسوم قيدهم في النقابة :(
النقابة النهاردة محدش بيرد لا على التلفونات الأرضية ولا حتى الايميلات
.
معاشنا كمهندسين النهاردة أقصاه 800 جنيه ممكن ربعهم يروح لفواتير واتحاد الملاك
أي في سن الستين عليك إكمال الشهر بستمائة جنيه (40دولار)!
بعد أن كان معاشنا سنة 1974 يساوي 333دولارا أمريكيا!
.
ليه بيحصل فينا كل ده؟!
عشان نسينا القانون بتاعنا وطنشناه
أيوة: القانون رقم 66 لسنة 1974
.
النقيب عثمان أحمد عثمان رحمه الله عمل لنا قانون سنة 1974 مش بس بيسمح لنقابتنا تتملك وتدير شركات لاستثمار فلوس الاشتراكات والإيرادات، وإنما القانون بيغرقنا في أنهار الياقوت والمرجان والذهب والألماظ حرفيا :)
(المعاش 200ج = 333دولار = 6 أضعاف راتب ضابط جيش حديث التخرج)
.
مش بس كده وإنما بموجب نفس القانون ده (يا ريت الكل يقراه ولو مرة واحدة) المهندس بل وحتى ورثة المهندس من حقهم الحصول على راتب شهري من النقابة بلا حد أقصى بموجب طلب مكتوب عند الحاجة ده غير حصانة قضائية في المادة 74 لا يحظى بها لا أعضاء مجلس النواب ولا القضاة ولا الضباط ولا حتى رؤساء الجمهورية:
https://ar.wikisource.org/wiki/%D9%82%D8%A7%D9%86%D9%88%D9%86_%D9%86%D9%82%D8%A7%D8%A8%D8%A9_%D8%A7%D9%84%D9%85%D9%87%D9%86%D8%AF%D8%B3%D9%8A%D9%86_%D8%A7%D9%84%D9%85%D8%B5%D8%B1%D9%8A%D8%A9
.
.
.
احنا بقى كمهندسين عملنا ايه؟
للأسف طنشنا شركتنا ومسألناش عليها ولا حاسبنا موظفينها
اللي المفروض يشغلوا الشركة لحسابنا احنا
عشان يزودوا معاشاتنا احنا
وعشان يخدمونا احنا
.
بس الواقع إنهم بيحصلوا على آلاف وملايين بالقانون وهم يستحقون أكثر
لدرجة عضو مجلس حصل على 425000 جنيه بدلات في بضعة أشهر قبل التعويم
ولكن هل احنا المهندسين مستفيدين من إمكانيات النقابة بالشكل الكافي؟
.
والنقيب الفاضل وزير سابق انتخبناه رئيس شركة كبرى "وادي النيل للمقاولات والاستثمار العقاري التابعة لجهاز المخابرات العامة" وخلال 18 شهر بقى رئيس شركتين اثنتين (الشركة الجديدة هي شركة الملاحة الوطنية ما شاء الله بالدولار اللهم لا حسد :) ) وعضو في لجنتين إحداهما حزبية برئاسته والأخرى جامعية بعضويته فالنتيجة إن معاليه بيتواجد في النقابة يوم واحد بالأسبوع :(
.
(مشاكسة انتخابية أرجو أن يتقبلها نقيبنا الكفء معالي الوزير هاني ضاحي :) اللي صوتي له لو تفرغ للنقابة كي يستكمل تصحيح مسار النقابة كما جاء في تعليق معاليه على رسالتي التي نشرها رئيس مجلس أمناء المصري اليوم في أغسطس 2018)
.
.
.
الكارثة الكبرى مش في كل ما سبق لأن النقابة في أيد أمينة على كل الأحوال
وإنما الكارثة إننا نسينا دستورنا وقانوننا رقم 66 لسنة 1974
وبالتالي لا عارفين لينا ايه ولا علينا ايه ولا حقوقنا وامتيازاتنا ايه
فالنتيجة إننا شايفين النقابة مش شركة كل واحد فينا شريك فيها
وإنما الكارثة إننا شايفينها جروب سياحة ورحلات، أو مركز كورسات وتدريبات
والبعض يراها فقط مجرد نادي لمشروبات ووجبات بأسعار مدعمة وشكرا!
.
طب بالله عليكم يا باشمهندسين
لو شفتم راجل مش لاقي شغل أو مش لاقي ياكل أو مديون أو مظلوم
أو مغترب ومش عارف يحصل على حقوقه أو يلاقي ثمن تذكرة العودة
أو عامل مشروع جديد ومحتاج تمويل ببضعة عشرات أو مئات الألوف والبنوك رافضاه
وهذا الرجل شريك في شركة دخلها السنوي من بند واحد نص مليار جنيه
والشركة دي القانون الحاكم لها رقمه 66 لسنة 1974 بكل مزاياه وإمكانياته
ح تقولوا ايه عليه؟!
.
أترك الوصف لكم والمزيد من التفاصيل عن نقابتنا في الحلقة القادمة من #هندسني_شكرا

اختلاس 112ألف جنيه شهريا في نقابة المهندسين الفرعية في المنيا

في نقابة فرعية واحدة اكتشف عضو مجلس بالصدفة حاجة غلط في حسابات رحلة ما فلما دعبسوا في حسابات النقابة اكتشفوا فروقات عن رصيد الحساب البنكي وإن ببساطة شخص ما مسؤول عن اختفاء دفعات من رحلات وإفطارات وغيره - عارفين المبلغ الإجمالي اللي تم اختلاسه في الفترة ما بين 18 ديسمبر 2018 و 18 يوليو 2019 وصل كام؟!

.

.

.

789,000 جنيها مصريا (أيوة: أكثر من ثلاثة أرباع المليون جنيه)

خلال سبعة أشهر فقط لا غير

يعني متوسط 112 ألف جنيه كل شهر :)

لاحظوا دي نقابة فرعية واحدة في محافظة واحدة

والموضوع اكتشفوه أثناء مراجعة رحلة كده بالصدفة

.

وعشان كده أنا كنت صريح وواضح إني لو انتخبت ح أستفيد من المادتين 49 من القانون و 136 من النظام الداخلي اللتين تتيحان حصولي أنا أو غيري، بالقانون، على راتب شهري 55ألف جنيه وأكثر، وعلى بدل حضور الجلسة الواحدة 49ألف جنيه وأكثر لأن يا إما لا أتفرغ للنقابة فليه أترشح من أساسه :) ، وإما أتفرغ بلا راتب فإما أجوع وإما أنحرف، وإما أتفرغ وأحصل على مقابل قانوني وده العقل والمنطق :) - وطبعا مقابل نتائج وإنجازات حيث المهندسين بمائة توقيع فقط المادة15 في ايديهم سحب الثقة مني

.

.

.

وعلى فكرة نقابة فرعية أخرى صرفت، بالقانون، خمس مليون جنيه فطار رمضان لضيوف مجلسها في يوم واحد :)

https://www.facebook.com/EngineersEgypt/photos/a.128909374504493/415860572476037

.

.

.

ونقابة فرعية ثالثة، بالقانون، طورت ناديها وصرفت ١٥ مليون على آخر ثم صرفت دفعة أولى ٢٢مليون جنيه لنادي ثالث كل ده في ٤ سنين يعني صرفوا 37 مليون أي تقريبا 10مليون في السنة ده، بكرر، بيحصل في نقابة فرعية واحدة بينما المهندسين بيعانوا وهم أولى من هذه الأندية والمباني

.

سنة 2015: تطوير نادي+ 15 مليون جنيه لبناء ناد ثاني

http://eea.org.eg/NewsDetails.aspx?ID=7551

.

سنة 2018: 22 مليون جنيه دفعة أولى لبناء ناد ثالث في نفس المدينة :)

http://www.albawabhnews.com/3070148

.

.

.

فاللي عايز أقوله حاجتين:

1- وصول المعاش إلى 10آلاف جنيه شهريا كمرحلة أولى لبعض الفئات والقروض الحسنة بلا قرعة لنفس الرقم مش معجزة ولا أصلا إنجاز، بل المفروض حضراتكم كمهندسين تطلبوا مننا كمرشحين إننا نوصل المعاش إلى الحد الأقصى للأجور 42000 جنيه مش لما أقول 10000جنيه لبعض الفئات كمرحلة أولى تقولوا لي لأ مستحيل ده يحصل كفاية ألفين :)

.

2- النقابة استردت المبلغ المختلس اللي أشرت إليه في أول الكلام لأن الحمد لله مهما كانت ملاحظاتنا على النقابة باعتبار كلنا معرضين كبشر ناخد قرارات خلافية أو غيرنا يشوف بديل أفضل ليها، فهي تبقى في أيد أمينة سواء حاليا أو سابقا كمجلس أعلى أو مجالس نقابات أو السادة الموظفين أو احنا المهندسين (انتو مش عارفين إنكم نور عينينا وللا ايه :) ) ولذا النقابة من داخلها دوما بفضل الله قادرة على رصد أي تجاوز لأنه يكون الاستثناء وليس الأصل

في 2012 لما كنت مساعد رئيس جهاز تنمية سيناء لشئون التخطيط والاستثمار

سنه ٢٠١٢ لما كنت مساعد رئيس جهاز تنمية سيناء لشئون التخطيط والاستثمار قدمت مشروع عمل تجمعات عمرانية إنتاجية في سيناء بعد ما أعدت ادرس تجارب التعاونيات في البرازيل والكيبوتز في الاراضي المحتلة و فلسفة البناء والتصميم وال integration اللي بيحصل بين مكونات المشروع ومكنتش بخترع العجلة من جديد بس حاولت افهم غيرنا نجح ليه وإزاي ..و طلبت من صديقي الشهيد محمد يوسف طبل وقتها ياخدني يفرجني علي اطلال مستعمرة ياميت في منطقة ابو شنار وقابلنا الحج محمد ابو درب اللي كان بيزرع محيط وأطلال مستعمرة ياميت بعد ما الاحتلال هدها و ساب الركام مشالوش علشان يمنع مصر تستفيد من المستعمرة اللي كانت بتصدر زهور الي كل أوروبا وقتها ودخلنا علي جوجول نشوف شكل مستعمرات النقب و الضفه وتجمعات المباني ازاي والمداخل و الصناعات المكمله  في بيئة شبيهه جدا ل ارض سيناء  .. ربنا يعلم اني اجتهدت ما استطعت وقتها ان المشروع يبقي في فلسفه بناء و تنمية عمرانية وزراعية واقعية طبقا لظروف بلدنا و نسيجها الاجتماعي . 

المقترح كان ان كل ٢٠٠٠ فدان يتعملوا تعاونية و في التلت الاول من الارض بيتبني تجمع عمراني تبرع وقتها صديق بتصميم معماري انضف من تصميمات كومباوند كتير بملاين و كان بناء صديق للبيئة و غير مكلف بس المهم انك بتبني ٢٠٠ تاون هاوس بيسكن فيها ٢٠٠ اسره كل أسرة بتمتلك ١٠ فدادين ( نفس العشر فدادين اللي منزلينهم النهارده و فرحانين بيهم ..

في محيط التجمع ده تقدر تعمل مدرسة ..نشاط تجاري و صناعي زراعي ..صناعات قيمة مضافة للمحصول ..منطقة ترفيه ورياضة ..

كان التصور ان كل تجمع ٢٠٠٠ فدان يبقوا متصلين ببعض بحيث ان التصميم يسمح ان يبقي في محيط اقل من ٥ كيلو في ٨٠٠ اسره قريبين من بعض و بيكونو تجمع اكبر ل ٤ تجمعات فنقدر نعظم قيمه مضافه في التشغيل و الاستهلاك و التوزيع والتصنيع . 

كان التصميم بيحترم خصوصيه اهل الصحراء وكمان بيوفر مقومات حقيقية للتنمية .

كان المقترح ان يحصل تميز نسبي لشباب سيناء من بدو و حضر و كمان تميز نسبي  واختياري مش اجباري للعساكر اللي خدمت في سيناء انه بعد ما يخلص خدمته لو يحب في برامج تحفيز بدأنا نفكر في تصوراتها يروح يجيب مراته و يتحول من جندي حارس للأرض الي مالك فيها و مزارع و موظف و عايش بيعمرها ووقت الجد هو الأقرب والأجدر علي حمايتها مع اَهلها من البدو و الحضر ..فلسفة تنمية في وعيها أهمية الارض والأمن القومي . 

كل تعاونيه وتجمع كان هايتخصص في محصول واحد يجيد إنتاجه بمساحه كافيه تحقق عائد حقيقي و تخلق تصنيع زراعي وقيمه مضافه للمحصول و تسمح بتدوير مخلفاته و انتاج طاقه منه بحيث نوصل الي استدامه في الانتاج و التصنيع و اجادة في استهلاك الطاقه و تدوير المخلفات . 

الأفكار دي ساعتها كانت غريبه و طموحه وبتتقابل بتشجيع برتكولي او سخرية واستهانه و تدوير علي اَي ثغرة نهد وتعطل بيها الفكره مش تدور علي الخلل علشان تسده و تسند النموذج ويبقي قابل للتطبيق . 

حاولت اضغط ان المشروع يتعمل فيه مجرد pilot ٢٠٠٠ فدان فقط ضمن ٨٨ الف فدان حاولوا يطرحوهم في مناطق رابعة  وبئر العبد وللاسف في اجتماع مجلس ادارة جهاز تنمية سيناء اللي حاربت علشان اعرض الفكرة فيه قفل عليا السيد هشام قنديل رئيس الوزراء الميكرفون علشان شاف وقتها ان الاولوية للوزراء والمحافظين بالمداخلات في وجود وزير الدفاع وقتها عبدالفتاح السيسي ...بعدها بأسابيع اتاخد  الميكرفون اصلا من هشام قنديل بس للامانه اتطرحت الارض بعدها علي قديمه خد حته مع نفسك وربنا يتولاك و طبعا عارفين ان قاعة المزاد اتكسرت لان حتي الطرح الاعور ده اكتشفوا ان الاراضي متباعة من الباطن واتلغي المزاد الصوري و بدل ما يتحقق في اللي حصل و بتحاسب كانت المحصلة صفر و لا الارض اتزرعت علي قديمه ولا جديده ولا مشروع التجمعات التنموية خد حقه من التجريب و المناقشة ..

دلوقت بعد ٨ سنين بقالي ٤٨ ساعة كمية رسايل جايالي تقولي في مشروع عليه بروباغاندا عن ١٨ تجمع في شمال و جنوب سيناء فلسفته انه هايديلك ١٠ فدادين وعليهم بيت ١٧٥ متر و وصلة ميه من بير و تزرع محصول إرشادي تلزمك ليه وزارة الزراعة و تمن البيت و العشر فدادين ٦٠٠ الف بتدفع تلتهم اول سنتين و الباقي علي ٣٠ سنة و كمية إجراءات يسكن فيها الشيطان متعلقة بقانون  التنمية في سيناء قانون ١٤ لسنة ٢٠١٢ اللي للاسف القائمين علي تنفيذه بقوا يستخدموه سلاح لتعطيل التنمية ..

النهارده تاني بنعمل تجمعات يطلق عليها تنمويه باطلًا وهي فلسفتها استهلاك قدرات الفرد بدل من تعظيمها و وضع معوقات كتير للنجاح بدل من محفزات النماء اللي أخد بيها العدو قبل الحبيب ..

متاكد ان شوية الورق دول من ٢٠١٢  لو مكانوش اتفرموا واترموا فهم  مرمين في ارشيف ما في الدور السادس بوزارة التخطيط ( المقر المؤقت لجهاز تنمية سيناء ) مفروض كان سنه وادينا بقالنا ٨ سنين لسه مقر مؤقت و تنمية بفلسفة اتجربت و فشلت عشرات المرات و بردو مصممين نضيع موارد و نهدر أعمار في مشاريع تفتقد الجراءة والمبادرة والأخذ بأسباب الفلاح كما فعل الآخرون . 

اتحداكم لو لقيتوا كيبوتز واحد في النقب وغيره اتعمل بطريقة خد ١٠ فدادين و بيت و ازرع و ابقي طمننا عليك ...وافتحوا جوجول ماب امشوا علي خط الحدود واتفرجوا بنفسكم مفيش حاجه مستخبيه هانشوف الخضار و الصحرا و بينهم خط الحدود ...الكيبوتز اللي قابلت طلبه يابانين و كورين و من باقي جنسيات العالم بتروح برامج خدمه فيها في الصيف يشتغلوا و يعملوا فلوس و يبقوا حلفاء للفكرة اللي بتسرق ارضنا و سفراء للباطل ...واحنا صحاب الحق والأرض اللي اتروت دم بنزرعها شوم و فشل وبنهدر في رملتها فلوس و عرق و أعمار علشان مشاريع تنميه قد تكون نواياها طيبه لكن توسيد الامر لغير اهله دون حساب بيوردنا المهالك في معضلة التنمية و الاحتقان المجتمعي و الغضب و التطرف و الانتقام ..ظلمات فوق ظلمات مع ان الارض والبشر جاهزين لصنع معجزة حقيقيه في سيناء في سنين قليله بس نواجه نفسنا ونرفض الغلط والاستسهال و نحاسب اللي عمل مره و اللي معملش الف مره ..

المهم اللي ناوي يشتري في المشروع علي وضعه علشان ابقي خلصت ضميري مبينساش  يجيب شهاده ان ابوه و امه مصرين ويستعد لكشف الهيئة و يحول رسم التنميه لخزنة جهاز تنمية سيناء علشان يدفعوا المرتبات و المخصصات و البدلات و بعدين يدعي ربه ان يتوافق عليه من ٣ جهات أمنيه و بعدها هو وحظه هايصيبه الدور ويروح يأخد ١٠ فدان في نحل ولا الحمة يزرعهم ده لو عرف اصلا يعدي من النفق ولا المعدية ويوصلهم .. 

مفقدتش الامل ان ربنا يكتب الفرج لسيناء وتتعمر  علي ايد جيل احسن مننا و يكرم اَهلها و يصان دم جنودنا فيها بس والله بكتب الكلام ده و حاسس بمرارة وحزن ان بعد ٨ سنين هو ده اقصي خيال التنمية في سيناء ولا حول ولا قوة الا بالله .

أعلاه كتبه أحمد صقر مساعد رئيس جهاز تنمية سيناء لشئون التخطيط والاستثمار في 2012

https://www.facebook.com/Ahmed.sakr.131/posts/pfbid024FdKygfy4cg2ok6ih2rMqpiskU5bwZWhLekNnGwgppQUFxnbKu5smDG5fz1BGq7Ql

الصحافة اليوم | لقاء احمد صقر يشرح كيفية استغلال ال 10 مليار الذي وعد بها السيسي لتنمية سيناء

https://www.youtube.com/watch?v=UCEbshqzERs

تعليق من عبدالغنى الحايس نائب رئيس حزب العدل لشئون الاتصال السياسي (في 2025 لكن التعليق تاريخه 2019):

https://www.facebook.com/abdou.elsaeid

فاكر اللواء صلاح الدين لما قعد معانا يتكلم علي مشروع مشابه لتعمير سيناء وتنميتها وتوطينها والمباني تتحول لا قدر الله وقت الاعتداء الي حصون وقدم المشروع لمبارك واترفض مع انني محتفظ بنسخه من نص الخطاب اللي قدمة لمبارك عام ٨٦ واترفض اكثر من مره ويومها قال انا حاولت وانتم شباب بكرة لازم تعمروها وتنموها الدم اللي اندفع فيها لازم يبفي له تمن بحاول افتكر كل كلامه وانا بقرأ كلامك ومش عارف هنفضل نحلم كده كتير ولا احنا في كابوس رابت علي صدورنا يحييك ان لسه جواك امل مع اننا متنا من جوانا خلاص

جنوب سيناء المسيرة لم تنته.. الحلقة الثانية.. الزراعة خير من السياحة.. الأعشاب الطبية تهزم المخدرات.. رئيس جمعية النباتات الطبية بـ«كاترين»: إنشاء 60 مزرعة أعشاب علاجية..ومكسب كيلو المرمرية ضعف البانجو

الأحد، 28 مايو 2017 12:00 م

جنوب سيناء - محمد حسين - محمد سالمان - تصوير - حسن محمد

مع حالة الركود السياحى، بدأ أهل جنوب سيناء فى البحث عن مصادر رزق أخرى، وهنا فكر البعض فى استثمار طبيعة المكان لتحويل نشاطهم إلى الزراعة فى ظل توافر العديد من النباتات الطبية النادرة فى مناطق مثل سانت كاترين على سبيل المثال.

وتتميز تربة بعض الأراضى بجودتها العالية وإمكانية استغلالها فى الحصول على أفضل أنواع المحاصيل، وهو ما حدث فعليا فى مدينة نويبع التى توسع أهلها فى تجربة «الأورجانيك»، بينما فى مناطق أخرى يسعون لتحسين مواردهم الطبيعية من خلال إنشاء بحيرات جبلية لتحول حياتهم من نقمة إلى نعمة، وفيما يلى تكشف «اليوم السابع»، كيف بدأ أهل المحافظة السياحية فى التحول إلى النشاط الزراعى.

التحول الاستراتيجى الذى بدأ لدى الأهالى لم يأت من فراغ وإنما صيرته الظروف إلى ما صار إليه، فالسياحة التى بدأت تتحول إلى نشاط متقطع لم يعد يمكن الاعتماد عليها ومن هنا كان لا بد من حل سريع يقوم به الأهالى على الفور، وقد لجأوا إلى الأرض التى اكتشفوا أن زراعتها يمكن أن تأتيهم بالخير الوفير. ويمثل توجه الأهالى إلى زراعة نوع من تنويع مصادر الدخل وهو ما كان ينقص منطقة سيناء منذ قديم الأزل فلم يعد فى ظل الظروف الاقتصادية الحالية مجال للاعتماد على مصدر واحد للرزق وإن كان هذا المصدر طبيعيا.

ثورة أهل سيناء الزراعية أكسبتهم قوة اقتصاديهم جديدة وجعلتهم قادرين على استخراج محاصيل ثمينة من قاع الأرض.

 

أرض جنوب سيناء مازال بداخلها كنوز غير مستغلة، تحتاج لمن يهتم بها، ويسوقها ويستفيد منها، وتعتبر النباتات الطبية إحدى الثروات الواجب توفير الرعاية اللازمة لها، خاصة أنها تحولت لمصدر رزق لمئات الأسر البدوية فى تلك البقعة فى ظل الإقبال على شرائها، لا سيما أن جهودا بذلت فى هذا المضمار من أجل إقناع البعض بالإقلاع عن زراعة الممنوعات والاتجاه إلى هذا النوع فى ظل مكاسبه الوفيرة والشرعية فى أن واحد.

عموما، فإن التوسع فى زراعة النباتات الطبية بدأ مع تراجع حركة السياحة فى مناطق المحافظة، وبحث الأهالى عن موارد رزق جديدة، وبالفعل تم إنشاء عدد من المزارع المتخصصة فى هذه النباتات والأعشاب، ويتم داخلها الحافظ على شروط ومواصفات هذا النوع من الزراعة.

وتُعتبر مدينة سانت كاترين إحدى أهم المدن الرائدة فى زراعة تلك الأنواع من النباتات، كما أنها واجهة سياحية، ومن هنا جاءت فكرة إنشاء مشروع المحافظة على النباتات الطبية، الذى انطلق فى عام 2003 من جهاز شؤون البيئة وبتمويل من برنامج الأمم المتحدة الانمائى ومرفق البيئة العالمية، وفى عام 2008 تم تشكيل جمعية النباتات الطبية بهدف تنفيذ مشروعات تدعم المجتمع فى مجال النباتات الطبية، وإكساب مهارات الزراعة والحصاد بشكل منظم.

أحمد صالح، رئيس مجلس إدارة جمعية النباتات الطبية بكاترين، أوضح أن المسح الشامل لمحافظة جنوب سيناء على مدار سنوات أظهر وجود 472 نوع نبات طبى، منها 19 نوعا غير موجود فى العالم سوى فى جنوب سيناء، بينما يوجد 42 نوعا مهددين بالانقراض، و100 نوع ينبت فى قمم الجبال.

وحول أهمية التوسع فى زراعة النباتات الطبية.. كشف خبير الأعشاب أنه نجح بالفعل فى إقناع عدد من الأشخاص، الذين كانوا يزرعون مخدرات فى التحول إلى زراعة النباتات الطبية، وتحقيق مكاسب شرعية، وحظى باحترام أسرته ومن حوله، مضيفًا: «لا نبخل بتقديم المشورة لأى شخص يريد إقامة هذا المشروع، وأسعى لمساعدة الناس بكل قوة على كسب الحلال، فمثلا كيس المرمرية يباع بـ 15 جنيهًا، والكيلو الواحد منه ينتج 30 كيسا أى 450 جنيها، بينما سعر كيلو البانجو قد لا يتجاوز الـ200 جنيه». وأضاف رئيس جمعية النباتات الطبية أن عدد المزارع الطبية الموجودة وصل إلى 60 مزرعة، لافتًا إلى وجود فريق معه من المتطوعين يشرفون على تلك المساحات، ويقدمون الدعم والمشورة فى الرى لأصحابها، خاصة أن الزراعة تكون كلها أورجانيك «عضوى»، مضيفًا: «لو تم زرع ألف شجرة روزمارى على سبيل المثال، فإن الشجرة الواحدة تحصل على لتر مياه واحد كل ثلاثة أيام، أى أنها لا تحتاج لمياه غزيرة، وكذلك إنتاجها وفير فمثلا الطن الواحد من هذا النبات يباع بـ30 ألف جنيه، وهذا الرقم يتضاعف مع مرور السنوات، وتطور العمل فى المزارع». بعد الزراعة تأتى مرحلة التسويق، وبالفعل هذا الأمر يتم فى مركز التدريب المهنى داخل مدينة كاترين، وخصصت منصة عرض لمنتجات أعشاب طبية تم تعبئتها بشكل منظم وفاخر فى عبوات مختلفة الأحجام، إضافة لمعلبات صابون وشمع أضيف إليها خلطات عشبية. عبدالصادق محمد، مدير إدارة التضامن الاجتماعى بكاترين، أوضح أن هناك معارض لمنتجات محلية قامت بها أسر من كاترين، تم تدريبها على جمع وتعبئة النباتات الطبية بدعم من مؤسسات أهلية، وهى جمعية تنمية المجتمع المحلى.

«نويبع» تقص شريط مزارع «الأورجانيك»

الزراعة العضوية تجذب أهل المدينة السياحية.. وتوقعات بحصد المكاسب بعد 4 سنوات على مساحة عشرة أفدنة فى صحراء مدينة نويبع اختار الشاب أحمد جمعة، خوض تجربة زراعة المحاصيل الأورجانيك، بعدما شارك والده وجاره فيها، خاصة أنهم كانوا يعملون فى مجال السياحة، ويسعى جميعهم لاكتشاف مصادر رزق جديدة بالمحافظة السياحية لتكون بمثابة إنقاذ لهم ولكل أهالى المنطقة. مزرعة عائلة جمعة ليست الوحيدة فى صحراء نويبع بل يوجد مساحات كبيرة أخرى مزروعة أغلبها يتبع نظام الأورجانيك أى زراعة خالية من الأسمدة الصناعية والمبيدات والعقاقير والسلالات المحورة وراثيًا، ورغم أن التجربة لا تزال فى بدايتها لكن الجميع متحمس ويعملون بكل جهد لإنتاج محاصيل، مثل البطيخ والرمان والبرتقال والطماطم والباذنجان وغيرها.

وبشأن تفاصيل التجربة يقول المسؤول عن المرزعة الأورجانيك: «فى فترة ركود السياحة لم يكن أمامى مجال آخر لذا رحبت عندما عرض على أبى الفكرة التى طرحها أحد جيراننا فى المنطقة، وبالفعل قمنا بشراء 10 أفدنة بقيمة 300 ألف جنيه وبدأنا منذ عام ونصف العام فى زراعة المحاصيل المختلفة مثل الرمان والبطيخ وغيرها من المحاصيل»، مضيفًا: حصدنا المحصول الأول وكانت التجربة رائعة للغاية أكلنا منه وبيعنا كميات أخرى، ونضع مهلة 4 سنوات أخرى حتى يبدأ المشروع فى تحقيق مكاسب، وإذا حدث ذلك ستكون بادرة خير لكل أهل نويبع».

تجربة البحيرات الجبلية.. الاستغلال الأمثل للسيول

إنشاء 177 بحيرة فى عامين يحول السيول من نقمة لنعمة.. والخلاف مع «الآثار» يؤرق القائمين على المشروع هددت السيول محافظة جنوب سيناء فى السنوات الماضية كثيرًا، وأحدثت أضرارا بالغة فى العديد من مدنها لكن البعض فكر فى استغلال مياهها خاصة فى الأماكن المصابة بندرة الموارد المائية، وبالفعل كانت هناك تجربة ناجحة فى مدينة سانت كاترين والتجمعات التابعة لها فى عام 2015 حيث تم إنشاء بحيرات جبلية لحجز وتخزين المياه المهدرة.

وفقًا لنائب رئيس مدينة سانت كاترين خالد سلامة فإن فكرة إنشاء بحيرات جبلية فى المناطق المتفرقة بالمدينة جاءت بعد زيارة الدكتور حسام مغازى وزير الرى والموارد المائية السابق للمحافظة فى عام 2015. وقال نائب رئيس مدينة كاترين: «تنفيذ المشروع بدأ بمعرفة مجلس المدينة وبتمويل ودعم فنى من المنظمة العربية للتنمية الزراعية وبمشاركة فنية من بحوث الموارد المائية فى المحافظة»، مضيفًا: «حتى الآن تم تنفيذ عدد 177 بحيرة فى كاترين والتجمعات التابع لها والبالغ عددها 44، وبالنسبة للتفاصيل الفنية لهذا المشروع كشف أشرف النمر، كبير الفنيين بمعهد بحوث الموارد المائية بالمحافظة، أن المشكلة التى تقابلهم فى التنفيذ تتمثل فى تعدد جهات الولاية وعلى سبيل المثال يريدون تنفيذ بحيرة جبلية فى منطقة المروة التابعة لمدينة كاترين لكن الآثار أوقفتها باعتبارها منطقة أثرية، مشيرًا إلى أن المقاولين ينتظرون الجواب النهائى من أجل بدء العمل حتى هذه اللحظة.