أ. د. م. ناصر خالد المرشح نقيبا للمهندسين أرجوك لا تهزأ بي فقد تكرر من سيادتك هذا التصرف أكثر من مرة والتالتة ثابتة من فضلك يعني ايه حضرتك لسة ح تطلب رأي القانونيين في وجوب سداد حضرتك دمغة هندسية من عدمه على شغلك جوة مصر لعملاء برة مصر أو شغلك جوة مصر لعملاء غير حكوميين جوة مصر (أنا مجبتش سيرة فروع خارج مصر خالص ده لفك ودورانك مش سؤالي على فكرة :) )!
.
سيادتك عضو مجلس نقابة منتخب حاليا وفي آخر مدتك جاي تقول لنا انتخبوني نقيب رغم إن سيادتك بلسانك وباعترافك مش عارف حصيلة الدمغة المفروض تحصيلها عام 2024 قيمتها كام مليار جنيه بالضبط؟!
.
ثم طالما الحصيلة دي أضعاف ما تم تحصيله على لسان حضرتك وباعترافك - حضرتك ليه لم تقدم بلاغ نيابة عامة واحدا ضد ولو حتى شركة واحدة أو مكتب واحد متهربين من سداد الدمغة الهندسية؟! مهو طالما بتقول إن الدمغة المفروض تكون أضعاف ما يتم تحصيله يبقى معاك أسماء شركات ومقاولين ومكاتب بيسددوا دمغة أقل من المطلوب قانونا سداده - سيادتك بقى كعضو مجلس نقابة منتخب ليه لم تقدّم ضدهم بلاغ نيابة عامة رغم أنّ هذا حق متاح لكل مواطن أصلا
.
حضرتك جاي تهرج أكيد لأنّ سيادتك عضو مجلس أعلى و/أو عضو مجلس شعبة منذ سنين فلو مش عارف إنّ قانون النقابة متكلمش عن مكان العميل المعمول له الشغل وإنما فقط اشترط لسداد الدمغة تكون عن عقد عمل هندسي (وده ينطبق على شغل حضرتك ومكتبك) وأن يكون القائم به أو المشرف عليه في أي مرحلة من مراحله عضو في نقابة المهندسين المصرية (وده كمان ينطبق على مكتب حضرتك وعلى المهندسين بمكتبك)
.
لو حضرتك مش عارف قانون نقابتك بيقول ايه منذ نصف قرن رغم كون سيادتك عضو مجلس نقابة منتخب حاليا وجاي في آخر مدتك لسة ح تطلب رأي القانونيين وكمان مش عارف تفسير مواد الدمغة في القانون اللي هي واضحة أصلا زي الشمس مش محتاجة لا تفسير ولا ديالو لكن بما إن سيادتك مشغول أوي في مكتبك وأعمالك ووظائفك بارك الله لك فيهم جميعا فليه عايز تترشح تاني في 2026 سواء كنقيب أو حتى عضو مجلس؟! لييييييييييييييييييييييييييييييييه؟!
.
يا دكتووووووووور سيبنا في حالنا ارحمونا بقى حرام عليكم اتقوا الله في نفسكم وفينا حرااااااااااااااااااااااااااااااااااااااام يا ناااااااااااااااااااااااس احنا أول ما بدأنا الحملة حوّلنا مبلغ قرض كام ألف جنيه لمهندس كان بيبيع عفش بيته ومش لاقي نقابة تسعفه بمساعدته ولو بقرض بسيط كام ألف جنيه لغاية لما يلاقي شغل ولسة من كام أسبوع محولين مبلغ سلفة من أربعة أصفار لعضو نقابة محدش سائل فيه أثناء مرضه واحتياجه وراح النقابة هو مرة وأولاده عدة مرات دافعين مبلغ محترم فقط علىى مشاوير من محافظتهم عشان يروحوا إلى مبنى النقابة رايح جاي (المهندس مقيم في إحدى محافظات الدلتا غير الملاصقة للقاهرة وأولاده بالقاهرة صحيح بس بيتعطلوا عن شغلهم عشان يروحوا النقابة)
معقولة شايفين معاناة الناس ومش عايزين تعملوا في حياتكم دعم ملموس واحد يثبت ولاءكم وحبكم وإخلاصكم لمصر ولقيادتها السياسية ممثلة في رئيس الجمهورية الزعيم عبد الفتاح السيسي فداه روحي؟! أنا مش بطلب من حضراتكم غير إن اللي يترشح يكون عارف قانون نقابة المهندسين رقم 66 لسنة 1974 وعارف حقوقنا فيه كأعضاء وحقوق أسرنا وورثتنا من بعدنا وعلى رأسها حق صرف إعانة القرض بدون فائدة وبدون ضامن وبدون حد أقصى "إذا طرأت ظروف تقتضي المساعدة" خلال ثلاثين يوما من تقديم طلب الصرف كالمرض والبطالة والطلاق (مع عدم إنفاق الزوج لأي سبب) والترمّل وغير ذلك بموجب المادتين 80 & 77 كما سبق شرحه هنا:
https://engineersegypt.blogspot.com/2025/09/syndicate-law-loans-interest-free.html
.
وبموجب نفس المادتين حق المهندسين وأسرهم وورثتهم في صرف إعانات بدون حد أقصى "إذا طرأت ظروف تقتضي المساعدة" كالمرض وغيره كما سبق شرحه هنا:
https://engineersegypt.blogspot.com/2025/10/medical-financial-aid-syndicate-law.html
.
وطبعا مطلوب من عضو مجلس النقابة المنتخب يحصّل الدمغة بنسبة 0.3% من مبيعات وإيرادات الشركات الخاصة حصيلتها عام 2024 لا تقلّ عن 63 ملياااااااااااااااار جنيه سنويا طبقا للقانون بس مش أكتر لأن الدمغة ح تموّل صرف القروض وحاليا صندوق المعاشات والإعانات (القروض) في نقابة المهندسين مش بيدخله من الدمغة سوى فقط مليارين اتنين 2 مليار 🤣🤣🤣
https://engineersegypt.blogspot.com/2025/02/engineering-tax-damghah-revenues.html
.
والشركة اللي متدفعش حضرتك كمواطن قبل أن تكون عضو مجلس من حقك وسلطتك وصلاحياتك قانونا تقدم ضدها بلاغ نيابة عامة يحبس رئيس مجلس إدارتها خمس سنين يظل محبوسا في القسم لحين تحويله للمحاكمة ثم محبوسا لحين صدور الحكم كي يكمل مدة سجنه 5 سنوات تهمة الاستيلاء على المال العام المادتين 113 و 119 من قانون العقوبات وهنا الشرح:
https://engineersegypt.blogspot.com/2025/06/public-money-tax-prosecutor-general.html
.
.
.
هل النقاط الأربعة أو الروابط الأربعة أعلاه صعبة مثلا أو مستحيلة؟! لو مشغولين ووراكم مليون حاجة سيبوووووووووووووووووووووووووووووووا نقابة المهندسييييييييييييييييييييييييييييين بلااااااااااااش تترشحوا عشان أنا ح أزعل وحملتي ح تزعل وانتم ح تزعلوا و نجيب ناس تزعل طب ولييييييييييييه خليك في شغلك وبيتك وحياتك ربنا يوفقك بوسة كبيرة وحضن كبير ونبقى حبايب وخلاص
اتقوا الله ح تتحاسب قدام الوطن عن سماحكم للإخوان وخلاياهم النائمة للتغلغل داخل نقابتنا بسببكم لدرجة سبّهم علنا للسيد الرئيس وفضيلة الإمام الأكبر والأزهر الشريف ودار الإفتاء بل وحتى الجيش المصري بل وحتى الشعب كله (فيه أعضاء مجالس منتخبين يديرون جروبات فيسبوك تصف شعب مصر بأنّه "شعب رقّاص ذمّته أستك" بل لدرجة إعلانهم جهارا نهارا في قلب نادي المهندسين بالسادس من أكتوبر يوم الجمعة 24 يناير 2025 إعلانهم رفض مناداة ضابط مهندس برتبته العسكرية لواء
.
اتقوا الله ح تتحاسبوا قدام ربنا قبل كل شيء فلو جدلا مع حضرتك محامين جامدين يخرجوك من بلاغاتنا اللي متخرش المياه في النيابة ح تقول ايه لربنا؟! اعمل لآخرتك ولأهلك عشان ربنا يبارك لك ويوسعها عليك بالحلال ويكرمك دنيا وآخرة مش كده يعني يا دكتووووور
.
عموما احتراما للقامات في جروب الواتساب وأيضا احتراما لحضرتك وباعتباري بشر زي حضرتك كلنا نصيب ونخطيء فحضرتك معاك مهلة حتى 6م يوم الأحد 4 يناير كي ترد علنا على العام على السؤالين:
.
1- رقم حصيلة الدمغة عام 2024 (ولو هي أكثر من الرقم الحالي حضرتك ليه مقدمتش بلاغ نيابة عامة رغم ده واجبك كعضو مجلس منتخب المفروض)
.
2- هل حضرتك بتسدد الدمغة وللا لأ عن إيرادات مكتبك جوة مصر لعملاء برة مصر (يعني مواطن سعودي مثلا جه مصر أو عن بعد طلب من حضرتك تصميم وحول لك فلوسه) أو لعملاء أفراد وشركات خاصة مش حكومية جوّة مصر
.
وإلا ح نعلن مساء نفس اليوم ضم سيادتك لقائمة الخلايا الإخوانية النائمة الذين سنقدم ضدهم بلاغ في النيابة العامة يوم الخميس 12 فبراير 2026
.
ولو حضرتك مجاوبتش على السؤالين ومش عايزنا نقدم ضد حضرتك بلاغ فتعلن قبل 6م يوم الأحد تنازلك عن الترشح وتراجعك عن قرار الترشح وساعتها يا دار مدخلك شر حضرتك في حالك واحنا في حالنا ومش عايزين من سيادتك حاجة
.
وآه بالمناسبة - أنا قلت بوضوح حضرتك عامل لي بلوك فيسبوك مجبتش سيرة الواتساب لأن أصلا لو حضرتك حاظرني واتساب فحنشوف رسائل بعض عادي في الجروبات اللي احنا الاتنين مشتركين فيها سوا
.
.
.
ملاحظة لغير المتابعين: رد الواتساب في الصورة كان رد د. ناصر خالد على سؤالين اثنين طرحتهما يوم 14 ديسمبر ولم يردّ عليهما حتى تاريخه هنا:
.
1- هل حضرتك ح تحصل دمغة عن إيراد مكاتب زملاء حضرتك لو عميل خاص أو من خارج مصر (وهل حضرتك بتسددها عن مكتب حضرتك عن هذا النوع من الإيراد مش بس للمشروعات ذات الصلة بالحكومة والمحليات ولكن أقصد المشروعات الخاصة ومن عملاء خارج البلاد كما سبق شرحه هنا:
https://engineersegypt.blogspot.com/2025/02/engineering-tax-damghah-revenues.html
.
2- حصيلة الدمغة عام 2024 المفروض تكون كام مليار جنيه علما بأنه تكرر في المنشور أعلاه وفي هذا الفيديو منذ 24 نوفمبر الدقيقة 00:23
No comments:
Post a Comment