مهندس في مدينة المهندسين في إسكان برج العرب في الإسكندرية ينقل شكواه إلى مرشحي قائمة معا لنقابة حقيقية المهندس هشام سعودي (لاحقا فاز في انتخابات مقعد نقيب محافظة الإسكندرية) والمهندس محمد الدقاق:
- فيه وديعة أربعين أو خمسين مليون موجودة متاخدة من فلوسي وفلوس الناس اللي هنا دي كلها
بيطلع منها ريع أو عائد
العائد ده بيتصرف ازاي؟ معرفش
ارجعوا الله يرضى عليكم للورق اللي في النيابة من أيام أحمد شوقي
الحمد لله رب العالمين و الصلاة والسلام على أشرف الأنبياء و المرسلين سيدنا محمد و على آله و صحبه أجمعين،
.
إنني أدعو نفسي أولا، ثم أدعو ثانيا السيدين المرشحين م.طارق النبراوي (النقيب الحالي) و م.هاني ضاحي (الوزير السابق) إلى إعلاء المصلحة العليا للمهندسين فوق الحسابات الانتخابية الضيقة و المصالح الدنيوية الزائلة، فلو كانت الجمعية العمومية دعت إلى سحب الثقة كما نشرت قائمة مهندسون في حب مصر فهذا لن ينتقص من قيمة و قامة المهندس طارق النبراوي، وإنّ عدم دعوتها (بسبب تأجيلها) لم يكن ليؤثر سلبا على فرص معالي المهندس هاني ضاحي
.
إن المادة 15 من قانون النقابة تنصّ صراحة ومنذ 1974 على عقد الجمعية العمومية في الأسبوع الأول من شهر مارس من كلّ سنة، وبناء عليه كان الأليق أن تقوم إدارة النقابة بإتقان عملها و استعجال تقرير الجهاز المركزي للمحاسبات ليكون جاهزا أمام المهندسين في اجتماع الجمعية العمومية، بدلا من الانتظار حتى ظهر الرابع من مارس لإلغاء جمعية يوم الإثنين الخامس من مارس و تأجيلها إلى 23مارس دون أي اعتبار لأوقات و مصالح المهندسين الذين قد يكونوا رتبوا أنفسهم و ربما أخدوا إجازات لحضور جمعية يوم الإثنين المعلنة قبلها بمدة.
.
كما أنّ كون يوم الإثنين 5 مارس كان يوم عمل رسمي هو أمر بديهي ومعروف مسبقا، و ومش معناه بالضرورة إنه سبب ضخم للتخوف من قلة المشاركة، لأن كان ممكن جدا اختيار موعد مناسب يوم الإثنين إما في الصباح الباكر (7صباحا مثلا) أو في نهاية اليوم (7مساء مثلا) بحيث يمكن جدا للمهندسين الحضور و المشاركة وربما كان العدد سيكون أكثر من يوم الجمعة الذي يفضل كثيرون قضاءه مع العائلة.
.
على الجانب الآخر، أدعو قائمة مهندسون في حب مصر إلى تجنب التصعيد الإعلامي الذي يركز على تحويل المجلس الحالي لنيابة الأموال العامة، بدلا من علاج الأخطاء و المشاكل من الجذور، و النظر في محاسبة المخطيء -إن وجد- بما يحفظ حقوق النقابة داخل النقابة بدلا من إثقال كاهل السلطة القضائية
.
مش بحب أنشر ملاحظات تمس أشخاص أو كيانات كده على الملأ بس مضطر بعد انتشار اللغط في أوساط المهندسين لتناول المسألة و نشر الدعوة أعلاه لكلا الطرفين المحترمين مع كل التواضع و الحب و الود و الإخلاص، راجيا لسيادتيهما و لكل السيدات والسادة أعضاء النقابة كل التوفيق.
النقيب م.طارق النبراوي يعترف أن النقابة "لا تملك الإمكانيات المالية الكاملة لبناء مستشفى بدر، لكن لديه الثقة أن 700 ألف مهندس سيتكاتفوا، والشعب المصري سيدعم هذه المستشفى لأنها ستخدم الجميع" ورغم كده بدأ المشروع دون تخطيط مالي ولا دراسات جدوى أو تجهيز تمويل!
شكرا للصحفية آية دعبس على هذا الحوار الصحفي المتميز مع نقيب المهندسين اللي بيكشف الكثير عن فرص تطوير نقابة المهندسين، ويرجعنا تاني لفكرة تضارب المصالح بين نقيب كان نائب رئيس جمعية مستثمرى مدينة بدر، وشركته العائلية الميكانيكيون العرب ليها مصنع في نفس المدينة (وحتى الآن ده مش عيب و لا غلط و لا حرام) ثم في نفس الوقت ترشح لنقابة المهندسين
مهم وجود منظومة لعلاج هذا الأمر لضمان أعلى قدر من الشفافية أمام الجمهور ومش معنى ده إننا بننفي أو نؤكد حصول وقائع كان فيها تضارب مصالح ولكن احنا بنتكلم على المبدأ
دي رسالة للسيدات و السادة المهندسين من مهندس دفعة 2006 ناوي يرشح نفسه لمقعد نقيب مهندسين مصر في انتخابات 2022 إن شاء الله
كلنا لاحظنا انتخابات النقابة اليومين دول تقريبا 3% حضروا، ضعف الإقبال ده مش سببه المناخ السياسي زي ما البعض بيقول، ولكن سببه إن احنا اتبرمجنا انتخابيا كمهندسين نهتم بالنوادي و العلاج و الرحلات و الإسكان، بينما المهندس نفسه وظيفيا ومهنيا و بالتالي ماليا وصحيا محدش مهتم بيه
بالتوازي مع الاهتمام بالمهندس يجي الاهتمام بالنقابة وتحديدا حوكمة عمل النقابة بشكل شفاف يتيح إشراك المهندسين في أنشطة النقابة قبل و بعد الانتخابات مش بس وقت الانتخابات
فيه مواقع وشركات توظيف كل اللي وفرته بعد سنين شغل هو مائة وخمسين ألف وظيفة وماشاء الله ليهم فروع وكول سنتر وبيكسبوا، وممكن أصحابها مهندسين، بينما نقابة المهندسين داخلة على مليون عضو ومش مستفيدة لا من نجاحات أعضاءها و لا من قواعد بياناتها، والضحية هو المهندس اللي مش لاقي شغل لائق من غير واسطة، واللي مش لاقي معاش مناسب من غير كسر ودائع
النقابة مهتمة بمشروعات مش بتفيد الغالبية العظمة من المهندسين، زي الإسكان بيستفيد منه غالبا مهندس في وظيفة جدا أو لديه ملاءة مالية عالية، بينما المهندسين اللي فقدوا وظائفهم لأي سبب طاريء من مصر أو الخارج، أو حتى قل دخلهم بعد التعويم - هؤلاء المهندسين النقابة متجاهلاهم - أو بمعنى أدق منظومة عمل النقابة متجاهلاهم (ومش بقول إني ضد مشروعات الإسكان بس بقول ترتيب الأولويات و التوازن مهم و مطلوب)
أنا ومهندسين غيري كتير الحمد لله بفضل الله اتخرجنا و اشتغلنا و اتجوزنا و سكنا وخلفنا و غيرنا كارير و عملنا شركات، والنقابة دورها كان غايب في كل المراحل دي عن معظم المهندسين رغم إنها كان ممكن تفيد وتساعد جدا
واللي يدخل موقع النقابة يشوف شروط مصاريف الولادة ح يعرف يعني ايه الاهتمام مبينطلبش فعلا - اللي هو لازم بعد الولادة تدفع اشتراك المولود لسنة، وتضيف الزوج و الزوجة في حالة عدم الاشتراك (اشتراك في ايه مش فاهم ما علينا)، وبعد ما تعمل كووول ده ساعتها النقابة تعمل لك خطاب تحويل! طب لو الزوجة اللي بتولد هي المهندسة؟ لا والله موقع النقابة مش متابع
مهندسين كتير بيتخرجوا تايهين مش عارفين يشتغلوا في ايه و يلاقوا وظيفة ازاي، والكل محتاج مساعدة في التدريب بينما النقابة حتى مش مستفيدة من السوشيال ميديا في توصيل التدريب مجانا للناس، ولا بتشجع المهندسين إنهم يتطوعوا لمساعدة زملاءهم
المادة الثانية من قانون النقابة أول بند فيها الارتقاء بالمستوى العلمي و المهني للمهندسين وبعدين رعاية الأسرة في البند التالت، والبند الأخير خالص أو القبل الأخير بيتكلم عن الإسكان، ليه؟
عشان اللي كتبوا القانون عارفين كويس إن لما المهندس بيدور على شغل أو يعمل مشروع ويلاقي نقابة تساعده فنيا و استشاريا و تسويقيا وتخطيطيا، حتى مش بقول ماليا، ح ينجح و ح يعرف يلاقي وظيفة، أو يكمل المشروع كويس، يا يعيد النظر و يغير اتجاهه وبالتالي حياته تستقر و مش ح يحتاج يتعالج أصلا
النقطة قبل الأخيرة: لما سلطات الدولة التلاتة تشوف المهندسين أقل الفئات مشاكل وأكثرها إيجابية وكمان أكثر فئة مثلا منتظمة في سداد ضريبة الدخل - هل لما النقابة تحب تعدل في قانون النقابة أو تطلب زيادة نسبة إيرادتها من رسوم إنتاج الحديد أو الأسمنت لتوجيهها لبرامج تأهيل و مساعدة المهندسين وظيفيا شيوخا و شبابا حد ح يعترض؟
آه الشركات و غيرها ح يعترضوا طبيعي بس لما النقيب يتفاوض معاهم و يشوفوا برامج التأهيل و نتائجها الإيجابية اللي بتوفر للشركات دي فلوس و وقت و جهد مؤكدا ح نوصل لحلول وسط ترضي جميع الأطراف
ولحسن الحظ أنّ القيادة السياسية الحالية واضح جدا إدراكها لأهمية و دور المهندسين كما يظهر أمام الجميع في الافتتاحات الرسمية بين الرئيس السيسي و اللواء كامل رئيس الهيئة الهندسية في القوات المسلحة
خالص أمنياتي بالتوفيق لكلا المرشحين يوم الجمعة و نتطلع للمزيد ممن سيحالفه الحظ سواء سيادة المهندس مصطفى أبو زيد أو النقيب الحالي سيادة المهندس طارق النبراوي أو معالي المهندس هاني ضاحي، وأخيرا رسالتي للمهندسين:
من حقكم نقابة تساعدكم من أولى كلية لغاية آخر العمر
و من حقكم نقابة تقدم لكم مساعدات غير مالية بأنواعها سواء بمقابل أو تطوعيا من زملاء مختارين
وكمان من حقكم نقابة تقدم لكم مساعدات مالية كحق مكتسب لكم لما تلجأوا لها
وعشان كده معادنا انتخابات 2022 والتفاصيل سيتم نشرها تباعا على الصفحة:
