ملاحظات سريعة بدء بالأهم فالمهم ولا تتعارض مع تشجيعي لهؤلاء الشباب الكرام على خوض التجربة واستكمال خطواتهم وفق رؤيتهم وتصوراتهم التي أثق مليار في المائة في نبلها وصدقها مثل الجروب الأصلي تماما:
- سبق شرح أن اجتماع الجمعة أربعتاشر يونيو غالبا دعاية انتخابات الغربية و البحيرة و 2020 والأخطر فخ لجروب الاتحاد لتمرير القانون الجديد على حسهم بحيث يكونوا هما في الصورة قدام الرأي العام آدي شباب المهندسين اللي عاملين دوشة موافقين ع القانون الجديد يا باشمهندسين مصر :(
وطبعا ده تسليم أهالي لمؤسسي الجروب ووضعهم في وش المدفع قدام المهندسين لما يكتشفوا إن نصهم ح يتحرم من المعاش والنص التاني ح يدفع دم قلبه اشتراكات إجباري كل سنة ملهاش حد أقصى - ليه بقول كده؟
عشان أعضاء مجلس النواب أنفسهم الحاضرون أحدهم د.محمد عبد الغني مقدم تعديلات تحرم المهندس غير المشتغل بعمل هندسي من عضوية النقابة وفي عهد سيادة النقيب السابق اللي قابل رئيس مجلس النواب مخصوص عشان يمرر القانون . بل اعتراض د.محمد عبد الغني على قانون د.شيرين فراج، اللي هو نسخة مشابهة لتعديلات سيادته، في بيان رسمي على لسانه نشر في الإعلام وصحيفة الوطن - كان اعتراض أساسه إنها رفضت تعديلاته ثم قدمتها في شكل قانون جديد
ومش معنى كلمة فخ إن الداعين للمؤتمر نيتهم وحشة لا سمح الله بس هما رؤيتهم إن حرمان نص المهندسين من المعاش يضمن استقرار الوضع المالي للنقابة عشان تقدر تدفع معاشات النص التاني وترتقي بأداءهم المهني
وطبعا مش ح أتكلم عن إن نادي 6 أكتوبر تابع لنقابة الجيزة اللي رئيسها عضو مجلس نواب واتكلم صراحة تحت القبة عن تقسيمنا لمقيدين غير مشتغلين بعمل هندسي و معتمدين مشتغلين بعمل هندسي - آه الراجل محترم وكل حاجة بس هل تنتظروا من ناديه السماح باجتماع لجمع توقيعات جمعية عمومية أو لمناقشة ده أصلا؟
إذا كان المتحدث معترفا بتلقيه اتصال ترغيب وترهيب من النقابة لمجرد نشره الدعوة للتوقيعات على جروب اتحاد مهندسي مصر خريجي حكومي اللي حذفوا البوست بعدها طبعا مفهوم تعرضهم لضغوطات كان الله في عونهم بس بالعقل والمنطق هل معقولة نقابة تمنعكم ع الفيسبوك إنها تسمح لكم بمناقشة أو فتح باب أو الدعوة لعقد جمعية عمومية غير عادية جوة أحد نواديها؟ طب ازاي اديني عقلك :) . للأسف المسموح، بشكل غير مباشر، دلوقتي جوة النقابة فقط الاستغراق في دكاكين وما دكاكينشي :) عشان محدش يركز لا مع القانون الجديد ولا مع النقابة نفسها اللي ف ايدها تحل مشاكل توظيف المهندسين
2- في المشمش إن عضو مجلس نواب يبعت لكم نسخة من القانون إذا كان البعض في المجلس الأعلى نفسه مشافوهوش! انتظار القانون عامل زي لما قاطع طريق يطلع عليك في السكة وشايفه ماسك طبنجة وسلاح ووشه غرز وجاي عليك وبعدين تقول للي بيقول لك طلع مسدسك لا ده جايز راجل عايز ميه أو محتاج زقة لعربيته لغاية لما يثبتك ومسدسك يكون زي عدمه ساعتها! طبعا ده تشبيه مجازي أكيد لا النقابة بلطجية ولا مجرمين قولا واحدا :)
احنا أساس اعتراضنا ع القانون الجديد 4 حاجات زي الشمس أهمها رابعا
أولا عدم نشر النقابة للقانون دليل إن فيه كارثة ومصيبة مستخبية وإلا فالمنطقي كان أن تتباهى النقابة بالقانون الجديد وحلاوته وطعامته ومزايا المهندسين فيه
ثانيا لما سربنا المسودة اللي صوت عليها المجلس الأعلى في نوفمبر 2018 مصدرنا كان بوست عام للسيد م.هاني العتال عضو مجلس شعبة مدني في النقابة العامة نشر المسودة فأنا نزلت الصور كلها ثم نشرتها وبعد ساعات حذف البوست بتاعه - عايزين دليل ايه أكتر من كده ع اللي موجود في القانون؟ وبعد انتشار البوست نشرت الصفحة الرسمية لنقابة بورسعيد الفرعية نسخة التعديلات للتحميل
ثالثا موقع مصراوي نشر مشروع قانون د. شيرين فراج بختم مجلس النواب اللي هو نسخة من مسودة بورسعيد وفيه أجزاء اللي اعترضنا عليها مكتوب طبقا للنظام الداخلي بس طبعا ذيولها في نصوص القانون نفسه كاشفاهم كما شرحنا ع الموقع تدوينة س و ج .
رابعا وده الاعتراض الأخطر:
ايه تفسيركم إن لجنة الإسكان في مجلس النواب ترفض مناقشة قانون د.شيرين فراج يوم عشرة مارس ثم في اليوم التالي مباشرة تجتمع اللجنة مع معالي النقيب وهيئة مكتب النقابة وتتراجع في نفس اليوم عن رفض مناقشة قانون د.شيرين فراج :) . هل دي صدفة مثلا وللا ده دليل يؤكد أن قانون سيادتها تتبناه النقابة حاليا بدلا من تعديلات د.عبدالغني المنتمي لتيار منافس لقائمة النقيب الحالي وبينه وبين المجلس الحالي قواضي نيابة ومحاكم بخصوص انتخابات نقابة القاهرة الفرعية اللي سيادته د.عبدالغني كان مرشح فيها 2018؟
خامسا فيديو النائب م.إيهاب منصور تحت القبة المشار إليه أعلاه عايزين ايه دليل أكتر من كده على إن قانون النقابة الجديد جوة مجلس النواب =قانون د. شيرين فراج المنشور بختم المجلس على موقع مصراوي :) ؟
3- حضراتكم مش محتاجين لا دعم قانوني ولا حتى جروبات محافظات لأن القانون واضح بخصوص جمع التوقيعات ولأن أي مسار لقضية ضد المعاهد الخاصة هو والعدم سواء وأي محامي ح يرفع القضية مليون غيركم ح يقولوا اشمعنى المحامي ده او في النص حد يقول ده باعنا شوفوا واحد غيره ودوشة ملهاش أول من آخر وف الآخر قضية خسرانة
أما جروبات المحافظات فازاي ح تضمنوا كفاءة المرشحين؟ يعني واحد دخل جروب محافظة اكس وقال أنا معاكم ومؤيد ونشر سي في وقال أنا مرشحكم في انتخابات 2022 أيوة بقى ح تعرفوا منين كويس وللا لأ أو أن كلامه عن نفسه أو مديح آخرين له في الجروب صحيح وحقيقي؟ مهو أكيد مش مشغلين جهاز مخابرات معاكم يبعت لكم تقارير عن كل مرشح مثلا ولا ح تكونوا فاضيين تعملوا مقابلات مع المرشحين- طب النتيجة ايه؟
كل من هب ودب يترشح على حسكم والبعض يطلع له ملفات سودا وتشوه صورتكم وقبل كده حتى ولو فأنتم فقدتم حياديتكم أمام الجمهور اللي أصلا فكرة رفض أو تأييد المعاهد الخاصة مش عنصر مهم بالنسبة له مقارنة بخدمات النقابة ومساعدة المهندسين والدليل الجروب الأصلي كلهم 90ألف فقط لا غير ونسبة منهم مش قليلة لسة طلبة يعني موضوع الدكاكين ده كله على بعضه مش أزمة عامة مقارنة بأزمة التوظيف عموما اللي غالبية المهندسين فاهمين إن مش سببها عام وخاص
أعلاه لا يعني عدم إعجابي بحماسكم وسعيكم للتأثير في الانتخابات لصالح المهندسين بس رأيي المتواضع والذي أتبعه شخصيا هنا هو الحيادية تحاه الانتخابات والاكتفاء بوضع معايير عامة من يخالفها نحذر من انتخابه دون انحياز لأي مرشح مهما كان
مثلا معيارنا الأهم في انتخابات الغربية والبحيرة هو التحذير من المرشحين اللي أيدوا القانون الجديد أو تفاخروا باشتراكهم فيه أو حتى سكتوا عنه ، طبعا للأسف عمليا احنا بنحذر من انتخاب كل المرشحين هناك كده :) بس ده الواقع وهو ان أيا منهم لن يضيف جديدا مش لأنهم ناش وحشين لا سمح الله ولكن لأنهم مش متفرغين حتى يشوفوا قانون جديد ويقروه ويقولوا رأيهم فطبيعي مش ح يفضوا يخدموا المهندسين وده الرد ع اللي ح يقول لنا مهو لازم نختار واحد كده كده حد فيهم جاي
علما بأن اثنين من المرشحين هناك م.إيناس خاطر و م.حسام طلعت جمعة حركة بناء أصدرا بيانات رسمية ضد أمين النقابة الحالي يعني لو انتخب أحدهما فلن تكون بيئة العمل صحية جوة مجلس النقابة الفرعية أعلى سلطة قانونا جوة النقابة وليس النقيب الفرعي كما يعتقد كثيرون واللي مجرد عضو فقط وصوته زي أي صوت إلا لو تساوت الأصوات رجح الجانب الذي يمثله لكن عدا ذلك أحمد زي الحج أحمد :)
- سبق شرح أن اجتماع الجمعة أربعتاشر يونيو غالبا دعاية انتخابات الغربية و البحيرة و 2020 والأخطر فخ لجروب الاتحاد لتمرير القانون الجديد على حسهم بحيث يكونوا هما في الصورة قدام الرأي العام آدي شباب المهندسين اللي عاملين دوشة موافقين ع القانون الجديد يا باشمهندسين مصر :(
وطبعا ده تسليم أهالي لمؤسسي الجروب ووضعهم في وش المدفع قدام المهندسين لما يكتشفوا إن نصهم ح يتحرم من المعاش والنص التاني ح يدفع دم قلبه اشتراكات إجباري كل سنة ملهاش حد أقصى - ليه بقول كده؟
عشان أعضاء مجلس النواب أنفسهم الحاضرون أحدهم د.محمد عبد الغني مقدم تعديلات تحرم المهندس غير المشتغل بعمل هندسي من عضوية النقابة وفي عهد سيادة النقيب السابق اللي قابل رئيس مجلس النواب مخصوص عشان يمرر القانون . بل اعتراض د.محمد عبد الغني على قانون د.شيرين فراج، اللي هو نسخة مشابهة لتعديلات سيادته، في بيان رسمي على لسانه نشر في الإعلام وصحيفة الوطن - كان اعتراض أساسه إنها رفضت تعديلاته ثم قدمتها في شكل قانون جديد
ومش معنى كلمة فخ إن الداعين للمؤتمر نيتهم وحشة لا سمح الله بس هما رؤيتهم إن حرمان نص المهندسين من المعاش يضمن استقرار الوضع المالي للنقابة عشان تقدر تدفع معاشات النص التاني وترتقي بأداءهم المهني
وطبعا مش ح أتكلم عن إن نادي 6 أكتوبر تابع لنقابة الجيزة اللي رئيسها عضو مجلس نواب واتكلم صراحة تحت القبة عن تقسيمنا لمقيدين غير مشتغلين بعمل هندسي و معتمدين مشتغلين بعمل هندسي - آه الراجل محترم وكل حاجة بس هل تنتظروا من ناديه السماح باجتماع لجمع توقيعات جمعية عمومية أو لمناقشة ده أصلا؟
إذا كان المتحدث معترفا بتلقيه اتصال ترغيب وترهيب من النقابة لمجرد نشره الدعوة للتوقيعات على جروب اتحاد مهندسي مصر خريجي حكومي اللي حذفوا البوست بعدها طبعا مفهوم تعرضهم لضغوطات كان الله في عونهم بس بالعقل والمنطق هل معقولة نقابة تمنعكم ع الفيسبوك إنها تسمح لكم بمناقشة أو فتح باب أو الدعوة لعقد جمعية عمومية غير عادية جوة أحد نواديها؟ طب ازاي اديني عقلك :) . للأسف المسموح، بشكل غير مباشر، دلوقتي جوة النقابة فقط الاستغراق في دكاكين وما دكاكينشي :) عشان محدش يركز لا مع القانون الجديد ولا مع النقابة نفسها اللي ف ايدها تحل مشاكل توظيف المهندسين
2- في المشمش إن عضو مجلس نواب يبعت لكم نسخة من القانون إذا كان البعض في المجلس الأعلى نفسه مشافوهوش! انتظار القانون عامل زي لما قاطع طريق يطلع عليك في السكة وشايفه ماسك طبنجة وسلاح ووشه غرز وجاي عليك وبعدين تقول للي بيقول لك طلع مسدسك لا ده جايز راجل عايز ميه أو محتاج زقة لعربيته لغاية لما يثبتك ومسدسك يكون زي عدمه ساعتها! طبعا ده تشبيه مجازي أكيد لا النقابة بلطجية ولا مجرمين قولا واحدا :)
احنا أساس اعتراضنا ع القانون الجديد 4 حاجات زي الشمس أهمها رابعا
أولا عدم نشر النقابة للقانون دليل إن فيه كارثة ومصيبة مستخبية وإلا فالمنطقي كان أن تتباهى النقابة بالقانون الجديد وحلاوته وطعامته ومزايا المهندسين فيه
ثانيا لما سربنا المسودة اللي صوت عليها المجلس الأعلى في نوفمبر 2018 مصدرنا كان بوست عام للسيد م.هاني العتال عضو مجلس شعبة مدني في النقابة العامة نشر المسودة فأنا نزلت الصور كلها ثم نشرتها وبعد ساعات حذف البوست بتاعه - عايزين دليل ايه أكتر من كده ع اللي موجود في القانون؟ وبعد انتشار البوست نشرت الصفحة الرسمية لنقابة بورسعيد الفرعية نسخة التعديلات للتحميل
ثالثا موقع مصراوي نشر مشروع قانون د. شيرين فراج بختم مجلس النواب اللي هو نسخة من مسودة بورسعيد وفيه أجزاء اللي اعترضنا عليها مكتوب طبقا للنظام الداخلي بس طبعا ذيولها في نصوص القانون نفسه كاشفاهم كما شرحنا ع الموقع تدوينة س و ج .
رابعا وده الاعتراض الأخطر:
ايه تفسيركم إن لجنة الإسكان في مجلس النواب ترفض مناقشة قانون د.شيرين فراج يوم عشرة مارس ثم في اليوم التالي مباشرة تجتمع اللجنة مع معالي النقيب وهيئة مكتب النقابة وتتراجع في نفس اليوم عن رفض مناقشة قانون د.شيرين فراج :) . هل دي صدفة مثلا وللا ده دليل يؤكد أن قانون سيادتها تتبناه النقابة حاليا بدلا من تعديلات د.عبدالغني المنتمي لتيار منافس لقائمة النقيب الحالي وبينه وبين المجلس الحالي قواضي نيابة ومحاكم بخصوص انتخابات نقابة القاهرة الفرعية اللي سيادته د.عبدالغني كان مرشح فيها 2018؟
خامسا فيديو النائب م.إيهاب منصور تحت القبة المشار إليه أعلاه عايزين ايه دليل أكتر من كده على إن قانون النقابة الجديد جوة مجلس النواب =قانون د. شيرين فراج المنشور بختم المجلس على موقع مصراوي :) ؟
3- حضراتكم مش محتاجين لا دعم قانوني ولا حتى جروبات محافظات لأن القانون واضح بخصوص جمع التوقيعات ولأن أي مسار لقضية ضد المعاهد الخاصة هو والعدم سواء وأي محامي ح يرفع القضية مليون غيركم ح يقولوا اشمعنى المحامي ده او في النص حد يقول ده باعنا شوفوا واحد غيره ودوشة ملهاش أول من آخر وف الآخر قضية خسرانة
أما جروبات المحافظات فازاي ح تضمنوا كفاءة المرشحين؟ يعني واحد دخل جروب محافظة اكس وقال أنا معاكم ومؤيد ونشر سي في وقال أنا مرشحكم في انتخابات 2022 أيوة بقى ح تعرفوا منين كويس وللا لأ أو أن كلامه عن نفسه أو مديح آخرين له في الجروب صحيح وحقيقي؟ مهو أكيد مش مشغلين جهاز مخابرات معاكم يبعت لكم تقارير عن كل مرشح مثلا ولا ح تكونوا فاضيين تعملوا مقابلات مع المرشحين- طب النتيجة ايه؟
كل من هب ودب يترشح على حسكم والبعض يطلع له ملفات سودا وتشوه صورتكم وقبل كده حتى ولو فأنتم فقدتم حياديتكم أمام الجمهور اللي أصلا فكرة رفض أو تأييد المعاهد الخاصة مش عنصر مهم بالنسبة له مقارنة بخدمات النقابة ومساعدة المهندسين والدليل الجروب الأصلي كلهم 90ألف فقط لا غير ونسبة منهم مش قليلة لسة طلبة يعني موضوع الدكاكين ده كله على بعضه مش أزمة عامة مقارنة بأزمة التوظيف عموما اللي غالبية المهندسين فاهمين إن مش سببها عام وخاص
أعلاه لا يعني عدم إعجابي بحماسكم وسعيكم للتأثير في الانتخابات لصالح المهندسين بس رأيي المتواضع والذي أتبعه شخصيا هنا هو الحيادية تحاه الانتخابات والاكتفاء بوضع معايير عامة من يخالفها نحذر من انتخابه دون انحياز لأي مرشح مهما كان
مثلا معيارنا الأهم في انتخابات الغربية والبحيرة هو التحذير من المرشحين اللي أيدوا القانون الجديد أو تفاخروا باشتراكهم فيه أو حتى سكتوا عنه ، طبعا للأسف عمليا احنا بنحذر من انتخاب كل المرشحين هناك كده :) بس ده الواقع وهو ان أيا منهم لن يضيف جديدا مش لأنهم ناش وحشين لا سمح الله ولكن لأنهم مش متفرغين حتى يشوفوا قانون جديد ويقروه ويقولوا رأيهم فطبيعي مش ح يفضوا يخدموا المهندسين وده الرد ع اللي ح يقول لنا مهو لازم نختار واحد كده كده حد فيهم جاي
علما بأن اثنين من المرشحين هناك م.إيناس خاطر و م.حسام طلعت جمعة حركة بناء أصدرا بيانات رسمية ضد أمين النقابة الحالي يعني لو انتخب أحدهما فلن تكون بيئة العمل صحية جوة مجلس النقابة الفرعية أعلى سلطة قانونا جوة النقابة وليس النقيب الفرعي كما يعتقد كثيرون واللي مجرد عضو فقط وصوته زي أي صوت إلا لو تساوت الأصوات رجح الجانب الذي يمثله لكن عدا ذلك أحمد زي الحج أحمد :)
