بمناسبة الجمعيات العمومية في النقابة:
كل سنة واحنا المهندسين واخدين على قفانا وأنا أولكم :)
.
أحب أسأل كل مهندس نزل أو نازل أو ناوي يحضر الجمعية العمومية العادية في محافظته الشهر ده أو في النقابة العامة 6 مارس: قل لي فائدة واحدة من حضورك :)
ومن غير زعل وبما إن شعارنا عاشت دماغي حرة مستقلة بالعلم تعالوا نشوف:
1- لو رفضت الميزانية فالنقابة ح تدفع فلوس متلتلة من جيبك للمحاسبين عشان يعيدوا صياغتها :) وكمان للفراشة عشان يعملوا لك جمعية عمومية جديدة فيها ميزانية جديدة عشان سيادتك تصوت فيها (الصويت حلو مفيش كلام :) )
.
ولغاية لما ده يحصل فالنقابة بتصرف فلوسها عادي جدا بموجب المادتين 49 من قانون النقابة و136 من نظامها الداخلي فاللي هو صويتك ورفضك ده تبله وتشرب ميته من الآخر يعني عشان محدش يضحك عليك أكتر من كده :)
.
.
.
2- لو وافقت فموافقتك زي عدمها لأن الصرف شغال بموجب نفس المادتين اللتان هما أقوى مني ومنك سواء بدلات الحضور49ألف جنيه في الجلسة أو بدل السفر للخارج ألف دولار في اليوم أو الراتب الشهري 55ألف جنيه:
http://engineersegypt.blogspot.com/2018/12/supreme-council-members-benefits.html
.
ده غير إن موافقتك دي هي أساسا على مراجعة مبدئية من الجهاز المركزي للمحاسبات وليس مراجعة نهائية لأن النقابة تستغل ثغرة تضارب مادة في قانون الجهاز تتيح شهرين لمراجعة الميزانيات مع مادة في قانون النقابة تفرض عقد الجمعية العمومية في فبراير للنقابات الفرعية وأول أسبوع من مارس للنقابة العامة!
.
فاللي بيحصل إن النقابة تتعمد إرسال الميزانيات في شهر فبراير فالجهاز ميلحقش يراجع ويضطر يعمل مراجعة أولية هامشية هي اللي احنا بنبصم عليها -وآسف والله لاستخدام التعبير ده :( بس ده الواقع المرير اللي محدش حابب يواجهه والدليل شوفوا كام نقابة نشرت الميزانيات قبل الجمعية العمومية وبكام يوم :)
.
وأعلاه مش كلامي وإنما كلام ممثل الجهاز المركزي للمحاسبات ع الهوا في وجود سيادة النقيب شخصيا ولاحظوا توطية صوت مايك ممثل الجهاز واللي لولا اشتراط القانون حضوره للجمعية العمومية لصحة انعقادها مكنش حد سمح له يتكلم أو يحضر ومكنش حد عرف حاجة أساسا:
https://www.facebook.com/EngineersEgypt/videos/145410429521054
.
.
.
3- ولو ح تقول لي حضور الجمعية العمومية ده عمل إيجابي فالإيجابية الوحيدة يا حبيب قلبي إنك تقعد في البيت وسط عيالك وتوفر فلوسك لحاجة أهم😃
.
لأن القانون لا يتيح مناقشة حاجة في الجمعية برة جدول الأعمال اللي حاطاه النقابة - اللهم إلا لو بعت مقترحك قبل انعقاد الجمعية بأسبوعين بشرط وصولها لمجلس النقابة وموافقته عليها قبل أسبوعين ع الأقل
.
وحط لي خط لو سمحت تحت جملة يوصل لمجلس النقابة دي ويعتمده قبلها بأسبوعين دي :)
وأصلا مجلس النقابة اجتمع يوم من كام يوم فحتى لو وصل مقترحك قبل أسبوعين فأكيد الاجتماع الجاي للمجلس بعد يوم الجمعية العمومية وكل سنة واحنا طيبين وواخدين على قفانا :)
.
.
.
4- وأخيرا بعتذر لو فيه أي سهو أو تجاوز أو خطأ أو نسيان محتمل في كلامي وملاحظة أخيرة:
على قد فهمي فالفائدة الوحيدة هي إن مهندس يحضر عشان يقابل مسؤول في النقابة
ودي مأساة الحقيقة إن يكون المتاح عشان تقابل ممثليك إنك تاخد إجازة أو تنزل يوم إجازة عشان تروح مكان زحمة ومناسبة كلها خطب ويوم طويل عشان تقابل مسؤول بينعم في خيرك ومن جيبك وكمان مش بتعرف توصل له صوتك غير في المناسبات وحسبنا الله ونعم الوكيل
(المهندس اللي ح يزعل من كلامي يا ريت يشغل مخه ويزعل على نفسه الأول إن ده حال المهندسين في مصر :) )
كل سنة واحنا المهندسين واخدين على قفانا وأنا أولكم :)
.
أحب أسأل كل مهندس نزل أو نازل أو ناوي يحضر الجمعية العمومية العادية في محافظته الشهر ده أو في النقابة العامة 6 مارس: قل لي فائدة واحدة من حضورك :)
ومن غير زعل وبما إن شعارنا عاشت دماغي حرة مستقلة بالعلم تعالوا نشوف:
1- لو رفضت الميزانية فالنقابة ح تدفع فلوس متلتلة من جيبك للمحاسبين عشان يعيدوا صياغتها :) وكمان للفراشة عشان يعملوا لك جمعية عمومية جديدة فيها ميزانية جديدة عشان سيادتك تصوت فيها (الصويت حلو مفيش كلام :) )
.
ولغاية لما ده يحصل فالنقابة بتصرف فلوسها عادي جدا بموجب المادتين 49 من قانون النقابة و136 من نظامها الداخلي فاللي هو صويتك ورفضك ده تبله وتشرب ميته من الآخر يعني عشان محدش يضحك عليك أكتر من كده :)
.
.
.
2- لو وافقت فموافقتك زي عدمها لأن الصرف شغال بموجب نفس المادتين اللتان هما أقوى مني ومنك سواء بدلات الحضور49ألف جنيه في الجلسة أو بدل السفر للخارج ألف دولار في اليوم أو الراتب الشهري 55ألف جنيه:
http://engineersegypt.blogspot.com/2018/12/supreme-council-members-benefits.html
.
ده غير إن موافقتك دي هي أساسا على مراجعة مبدئية من الجهاز المركزي للمحاسبات وليس مراجعة نهائية لأن النقابة تستغل ثغرة تضارب مادة في قانون الجهاز تتيح شهرين لمراجعة الميزانيات مع مادة في قانون النقابة تفرض عقد الجمعية العمومية في فبراير للنقابات الفرعية وأول أسبوع من مارس للنقابة العامة!
.
فاللي بيحصل إن النقابة تتعمد إرسال الميزانيات في شهر فبراير فالجهاز ميلحقش يراجع ويضطر يعمل مراجعة أولية هامشية هي اللي احنا بنبصم عليها -وآسف والله لاستخدام التعبير ده :( بس ده الواقع المرير اللي محدش حابب يواجهه والدليل شوفوا كام نقابة نشرت الميزانيات قبل الجمعية العمومية وبكام يوم :)
.
وأعلاه مش كلامي وإنما كلام ممثل الجهاز المركزي للمحاسبات ع الهوا في وجود سيادة النقيب شخصيا ولاحظوا توطية صوت مايك ممثل الجهاز واللي لولا اشتراط القانون حضوره للجمعية العمومية لصحة انعقادها مكنش حد سمح له يتكلم أو يحضر ومكنش حد عرف حاجة أساسا:
https://www.facebook.com/EngineersEgypt/videos/145410429521054
.
.
.
3- ولو ح تقول لي حضور الجمعية العمومية ده عمل إيجابي فالإيجابية الوحيدة يا حبيب قلبي إنك تقعد في البيت وسط عيالك وتوفر فلوسك لحاجة أهم😃
.
لأن القانون لا يتيح مناقشة حاجة في الجمعية برة جدول الأعمال اللي حاطاه النقابة - اللهم إلا لو بعت مقترحك قبل انعقاد الجمعية بأسبوعين بشرط وصولها لمجلس النقابة وموافقته عليها قبل أسبوعين ع الأقل
.
وحط لي خط لو سمحت تحت جملة يوصل لمجلس النقابة دي ويعتمده قبلها بأسبوعين دي :)
وأصلا مجلس النقابة اجتمع يوم من كام يوم فحتى لو وصل مقترحك قبل أسبوعين فأكيد الاجتماع الجاي للمجلس بعد يوم الجمعية العمومية وكل سنة واحنا طيبين وواخدين على قفانا :)
.
.
.
4- وأخيرا بعتذر لو فيه أي سهو أو تجاوز أو خطأ أو نسيان محتمل في كلامي وملاحظة أخيرة:
على قد فهمي فالفائدة الوحيدة هي إن مهندس يحضر عشان يقابل مسؤول في النقابة
ودي مأساة الحقيقة إن يكون المتاح عشان تقابل ممثليك إنك تاخد إجازة أو تنزل يوم إجازة عشان تروح مكان زحمة ومناسبة كلها خطب ويوم طويل عشان تقابل مسؤول بينعم في خيرك ومن جيبك وكمان مش بتعرف توصل له صوتك غير في المناسبات وحسبنا الله ونعم الوكيل
(المهندس اللي ح يزعل من كلامي يا ريت يشغل مخه ويزعل على نفسه الأول إن ده حال المهندسين في مصر :) )
