خلال الأيام القليلة الماضية لاحظت تعليقات من نوعية ايه علاقة النقابة بالسياسة، أو احنا مالنا بسلسلة حلقات اغتيال السادات أو مقتل خاشقجي أو كشف تسليح اعتصام رابعة وقبلها الهجوم على دعوتي لانتخاب الرئيس السيسي في انتخابات الرئاسة وصولا لاتهامي بالانتماء إلى جماعة الإخوان المسلمين اللي أعلنت نهارا رسميا تبنيها للقتل و الإجرام و الإرهاب بحجة مقاومة "الانكيلاب" عدو الله
معنديش مشكلة أو اعتراض على أي تعليق من أي شخص - وأهلا و سهلا بالجميع، وأنا متفهم جدا طبيعة العمل العام وإنه بيفرض عليا التوعية و التثقيف و التعليم (وفي نفس الوقت التعلم من حضراتكم ومن أسئلتكم و تعليقاتكم)
ده موقع و صفحة مهندس مرشح على مقعد النقيب في انتخابات 2022 و بالتالي طبيعي جدا ألتزم بقانون النقابة اللي بيقول في المادة 42 إن مهام النقابة تشمل رفع المستوى الثقافي للمهندس والمواطن
طبيعي إن مهندسين يختلفوا معايا و مينتخبونيش لأن ليهم وجهة نظر أخرى في دور النقابة و النقيب، وطبعا لهم كل الاحترام بس أنا ملتزم بقانون النقابة :)
مش بس عشان القانون و لا عشان بوست جمال خاشقجي رحمه الله حصل على 17 لايك مقابل 9 تعليقات اعتراض، أو بوست آخر عنه رحمه الله نال إعجاب 18 مهندس مقابل 9 تعليقات اعتراض، ولكن لأن رؤيتي لدور النقابة في خدمة المهندس إنه مش بس الأكل و النوادي و الرحلات و المعاش، وإنما يجب أن تهتم بالدرجة الأولى بالعقل و الفكر لأن ده الأساس اللي بناء عليه المهندس بيتصرف في الحياة
واللي يتابع الموقع أو الصفحة يلاقينا اتكلمنا و ناقشنا و عرضنا ويعني قتلنا بحثا مواضيع تهم المهندسين من حيث كادر يحقق مليار جنيه دخل سنوي للنقابة و خدمات التوظيف و مشروع بنك الوظائف وخدمات النوادي و بدلات النقابة و تنمية الموارد و موقع أبوورك غيرها من المواضيع اللي البعض نتيجة عدم معرفته بقانون النقابة تصوّر إن دور النقابة تكون بس نادي مأكولات و شركة رحلات - وده مش صحيح :)
اللي معترض يا ريت مشكورا يغير القانون وأنا تحت أمره لأني الحقيقة مش مسؤول إن نقباء آخرين أفاضل تجاهلوا واجبات النقابة المنصوص عليها في القانون بسبب عدم تفرغهم للنقابة :) (وهما معذورين طبعا)
عموما التفاعلات المتوقعة دي كانت من أسباب إعلان ترشحي على مقعد نقيب المهندسين، واسمحوا لي بالتوضيح أكتر:
1- ازاي وصلنا إننا نردد عبارة "احنا مالنا"؟
هل ربنا اللي أمرنا بالمعروف و حرم نبيه حبس الحيوان و كافئا قائل كلمة الحق بيقولوا كده؟
طب هل الدستور اللي أول سطر فيه مصر هبة الإنسانية و مصر العربية و مصر رأس إفريقيا بيقول كده؟
طب بلاش دين و دستور
هل العقل و المنطق بيقول كده؟
مش لينا عشرات الآلاف من المهندسين في السعودية؟
ليه أسيبهم أسرى لإعلام موجه بتاع مصالح وأنتظر حد فيهم ينفعل ويتصرف تصرف طائش أو أرعن يضره و يضر أكل عيشه و أسرته - ليه أعمل كده لما ممكن أوعيه و أثقفه؟ هو مش ده برضه دور نقابة المهندسين، أو دور المرشح على مقعد نقيب المهندسين وللا أنا غلطان؟ 😃
احنا المهندسين وصل بينا الحال إن دعاية انتخابات النقابة كان فيها مرشح فاضل زار غزة فكتب إنه راح للدعم المعنوي بس وليس الدعم المادي!
وكأن زيارة أهلنا في غزة و دعمهم و مساندتهم أصبحت تهمة أو جريمة!
لما بلطجي يدخل على شقة جاري و ينتهك عرضه و يسرق ماله و يقتل حد من أولاده
هل منطقي أتفرج عليه وللا الطبيعي أساعده و أدافع عنه - لو مش عشان حق الجيرة فعشان نفسي
ليه؟
لأني لما أدافع عنه أنا بدافع عن نفسي عشان البلطجي ده لو سبته ح يدخل شقتي أنا
وطبيعي جدا أساعد و أدعم ولاد جاري دون استثناء وخصوصا اللي بيقاوموا البلطجي
(اللي بيقاوموا بالفعل الرشيد مش بالكلام الحنجوري بهدف ابتزاز مصر و الآخرين)
أيوة: طبيعي أساعدهم بالمال و السلاح و الدواء و العلم و الخبرة و كل حاجة
يا باشمهندسين ألفباء شغل في شركات، مثلا، إنك تكون مصحصح في شغلك وواخد بالك من اللي بيحصل جوة شركتك حتى الإدارات و الأقسام اللي ملكش علاقة مباشرة بيها
ليه؟
عشان لو لم تتفاعل مع المنظومة اللي حواليك فالنتيجة إنك يا إما ح تتركن على جنب، يا إما ح تكون أول حد يستغنواعنه، يا إما ح تلبس أخطاء كل الأقسام التانية - وده التطور الطبيعي للحاجة الساقعة أو لكلمة "وأنا مالي"
بينما الموظف اللي بيتفاعل مع المحيط حواليه جوة الشركة و بيكون ليهم تأثير و دور، ده اللي بتكون كلمته مسموعة وتأثيره قوي و بالتالي زياداته السنوية بتكون أعلى و لو فكر مجرد تفكير يسيب الشغل يفرشوا له الأرض ورد عشان يستمر معاهم
2- قانون نقابة المهندسين:
المادة 42 بتقول إن من واجبات المهندسين "العمل على رفع المستوى الثقافي و الاقتصادي والاجتماعي"، و المستوى الثقافي من أبجدياته الثقافة السياسية و الإعلامية :)
ده حتى المادة 2 بتقول صراحة إن أهداف النقابة تشمل "تعبئة قوى أعضاء النقابة في خدمة المجتمع" و "الاشتراك الإيجابي في العمل الوطني"
معقولة بعد كل ده لسة في مهندسين بيسألوا ايه علاقتي إني أفضح جرائم ارتكبتها جماعة الإخوان المسلمين في رابعة؟ لقد قلت إن هنالك أبرياء سقطوا فأنا أكشف الجرائم دي عشان أولا "نفهم" اللي حصل
وثانيا عشان أنا مش عايز مهندس شاب زي الورد يعيش في وهم و فقاعة إن مجزرة حصلت ضد سلميين
وبالتالي تتشكل لديه قناعة أن الدولة و أجهزتها مجرمة أو إنها ضد من ينتسبون للإسلام بشكل أو بآخر
وبالتالي ينخرط في الأعمال الإرهابية ضد المجتمع و ضد الناس و ضد أجهزة الدولة و ضد نفسه أولا
هل مطلوب مني كمرشح على مقعد نقيب المهندسين أن أتفرج على خيرة شباب الوطن ودمهم بيروح هدر لصالح أعداءنا بسبب أفكار مخالفة للعقل و المنطق قبل الشرع و الدين؟
أنا لو بتاع انتخابات و كده كنت إما أسكت و أطنش عشان أكسب أصوات جهلة من الإخوان
ويا سلام لو فرقعت تصريحات كل 14 أغسطس قد ايه الشرطة الشريرة حرمتنا من ناس سلميين كيوت
وإما أقول سحقا للإخوان الإرهابيين المجرمين القطريين التركيين المسلحين وأكسب أصوات جهلة من غير الإخوان
(توضيح: أعني بالجهل من يعممون وصفا ما على طائفة أو شريحة كاملة و/أو النظر لجزء واحد من الصورة)
لكن أنا الحمد لله مش بتاع انتخابات ومقتنع إن أصوات المهندسين كلها مش ح تنفعني يوم القيامة لو أغضبت ربنا عشان دنيا زائلة
فاللي عايز أوضحه هنا:
واجب عليا إني أوعي أخويا المهندس الإخواني عشان يفهموا إن تصرفات جماعتهم مؤخرا ملهاش علاقة بالدين وإنها تصرفات لناس عايزة سلطة و بس
وعشان يحشدوا الناس و الموارد و الفلوس بيصوروا السيسي على إنه ضد الشريعة
بل يستغلوا الجهل في تصوير تأييد قداسة البابا مثلا في بعض المواقف على إنه دليل إن السيسي ضد الشريعة
يعني هل لو حد أيد شخص في رأي ما، ثم الشخص ده عمل جريمة مثلا
هل في الإسلام إن اللي أيده في الرأي يبقى بالضرورة مشارك ليه في الجريمة اللي حصلت بعد الرأي؟
وهل في الإسلام إن اللي أيد شخص في رأي، يبقى لازم يندد و يشجب أي جريمة بعد كده يرتكبها الشخص ده؟
ثم هل لما كان رجال دين يعلنون تأييدهم لانتخاب د.مرسي أو الإخوان في 2011 و 2012
هل كانوا وقتها مع الشريعة لكن لما بعضهم يؤيد السيسي في 2013 أو 2014 يبقى فجأة ضد الشريعة؟
طبعا فيه جاهل لمض ح يسيب كل اللي فات ويمسك في إني قلت "أخويا المهندس الإخواني" :)
ولهذا الجاهل اللمض أٌقول:
أول خطوة عشان تغير تفكير حد إنك تكسبه في صفك وإنه يشوف إنك خايف عليه و بتحترمه
عشان كده خاطبته في هذا المقام بأخي، وهو فعلا كذلك أنا مش ضده كإنسان أو كمهندس وإنما ضد فكره
وضد فكره مش عشان أنا مرشح انتخابات ولكن عشان أنا مسلم أغار على ديني من هكذا تصرفات أو أفكار
محدش يحب يسكت وهو شايفه ماشي في سكة غلط ح تضره و تضرني و تضر مصر كلها
نص كبار المتورطين في جريمة اغتيال السادات رحمه الله مهندسون
رغم إن السادات في عهده صدر قانون للنقابة ولا في الأحلام
-معاش يساوي 6 أو 7 أضعاف راتب ضابط جيش حديث التخرج
-استثناء من قوانين تقييد الحريات
-صلاحيات للنقيب في القضايا اللي أحد أطرافها مهندس
-مشاركة المهندسين في الاقتصاد و خدمة المجتمع و حتى الثقافة
بل إن معظم الإرهابيين و المجرمين في قضايا التطرف مهندسون أو أطباء أو خريجي علوم، وفيه تفسير علمي شهير للمرحوم الدكتور قدري حنفي بخصوص الحقيقة المؤسفة دي
3- طبعا فيه مهندس لمض و طيب كده ابن حلال ح يسيب كل اللي فات ده ويقول لي فيه مشاكل للمهندسين وفي خدمات النقابة أولى بالاهتمام من السادات و الإخوان و جمال خاشقجي و شغل التوعية بتاعك ده اللي مش ح يؤكلنا عيش :)
.
ولهذا المهندس اللمض أقول إن التوعية لتغيير الفكر هي مفتاح أكل العيش و الملبن و المهلبية و الشهد و العسل و السكر و كل أنواع الفاكهة
وعموما تابع الموقع أو بوستات صفحة الحملة الرسمية ح تلاقي تقريبا 90% منها تتعلق بالشأن النقابي و بخدمات النقابة و مساعدة المهندسين في التوظيف و في العيش بسعادة لدرجة بنفكر نعمل جروب مغلق للصفحة لنشر نصائح متخصصين في العلاقات الاجتماعية و الثقافة الجنسية - زي مثلا
Sex Coach Psalm Isadora
بل يا عزيزي المهندس اللمض احنا منذ 21 سبتمبر ناشرين دعوة لجمع 100 توقيع لعقد جمعية عمومية غير عادية وفات شهر ولسة محدش تطوع لطباعة الطلب و جمع المائة توقيع عليه لزيادة المعاش إلى 3آلاف جنيه شهريا و فتح باب القرض الحسن طوال السنة و تأهيل حديثي التخرج لسوق العمل - رغم إن البوست اتشير مئات المرات ورينا بقى شطارتك و إيجابيتك :)
4- موضوع جمع التوقيعات يوضح قد ايه التفكير و الثقافة مهمة:
وعشان كده أنا مهتم بالجانب ده و بالتركيز عليه، لأن عدم تطوع أي مهندس لطباعة الطلب و جمع 100 توقيع عليه ده مش كسل أو خوف أو سلبية
وإنما ده لأن تفكير 99.99% من المهندسين هو إن الدولة ضد الانتخابات
وإن الدولة جايبة وزير النقل عشان يسيطر ع النقابة
وإن الدولة من مصلحتها النقابة تكون لا حس و لا خبر
وإننا لو قدمنا الطلب مفيش حاجة ح تحصل
وطبعا كل دي أوهام لأن قانون النقابة بيلزم النقابة بتنفيذ ما يتم التصويت عليه بالموافقة فورا، ولأن أي حكومة من مصلحتها المباشرة وجود نقابة تشيل عبء المهندسين عنها
بس طبعا تقول لمين إذا كان المهندسين إلا من رحم ربي مش عارفين قانون نقابتهم بيقول ايه أساسا :) (عادي أنا معرفتش إن فيه قانون للنقابة غير من كام شهر :) )
5- لا دين في النقابة و لا نقابة في الدين:
عارفين بعد كل ده، ح ألاقي مهندس لمض تاني سايب كل اللي فات و ماسك في إني ازاي و ليه أستشهد بالنصوص الدينية
بحجة إن المرشح لمقعد النقيب المفروض يكون محايد و لا يدخل الدين في الخطاب الانتخابي أو السياسي أو النقابي منعا للفتنة الطائفية
ولك عزيزي الباشمهندس اللمض أقول:
أولا أنا متفهم تماما وجهة نظرك و مقدر قلقنا كلنا من اللي حصل لمصر على يد ناس استخدموا عن جهل قال الله و قال الرسول في الانتخابات
ثانيا كون فيه طبيب بيوصف دواء منتهي الصلاحية أو مغشوش - ده مش معناه نبطل نلجأ للدكاترة عشان نتعالج
بمعنى:
الأديان السماوية بما فيها الدين الذي جاء به النبي الخاتم الذي أرسله الله رحمة للعالمين
الإسلام فيه كل الخير و البركة و النجاح و السعادة و السلام
كون إن فيه جهلة استخدموه بشكل خاطيء و عن جهل و عدم فهم فسودوا عيشتهم و عيشتنا
ده مش معناه إن المشكلة في الدين
أو إننا المفروض نبطل نهتدي بالدين
كل الموضوع إننا نبتعد عن الحاجات الغلط اللي حذرنا منها الدين اللي ارتكبها أشخاص ينتمون لجماعات تنتمي جهلا للدين
الدين فيه أهم قيمة المهندسين محتاجينها جوة وبرة النقابة وهي قيمة العدل
إنه يكون فيه عدل في توزيع ثروات و خيرات النقابة على المهندسين الأكثر احتياجا ثم الأقل احتياجا
بدلا من الموافقة على صرف عشرات الملايين لبناء نادي في مدينة و صرف مبالغ أخرى على تجديد نادي آخر في نفس المدينة!
وبدلا من صرف 55 ألف جنيه رواتب شهرية للأعضاء المنتخبين و مليون جنيه بدل سفر سنوي و 18 ألف جنيه بدل الجلسة
(عضو واحد حصل على 425 ألف جنيه بأسعار ما قبل التعويم بدل حضور 16 جلسة تخيلوا!)
وكلنا عارفين قصة اليهودي اللي سرق سيف أو درع أمير المؤمنين الإمام علي بن أبي طالب رضي الله عنه فلما رآه وهو خليفة واجهه فادعى اليهودي أنه ملك خالص له فذهبا للقاضي الذي رفض شهادة ابن الخليفة لصالح أبيه و حكم لليهودي بالملكية
محدش بقى ساعتها قال لليهودي ازاي تكذب أمير المؤمنين وتشكك فيه
وكمان محدش اتهم الخليفة بإنه كاذب أو مدعي بعد أن حكم القاضي لصالح خصمه
بل حين اشتكى صحابي للنبي صلى الله عليه وسلم أثناء تنظيم صفوف المجاهدين قبيل معركة حربية بعصا تحملها يداه الشريفتان، حين اشتكى الصحابي سواد بن غزية (وفي رواية أسيد من حضير) من تألمه من العصا فإن أحدا لم ينهره بحجة أننا في حالة حرب مثلا، وإنما فورا كشف النبي عن بطنه آمرا إياه بأن يقتص منه وهو القائد الأعلى للقوات المسلحة على مرأى و مسمع من جميع الجنود و القادة
وتأملوا الحديث ده معايا:
عن عائشة رضي الله عنها أنّ النبي صلى الله عليه وسلم بعث أبا جهم بن حذيفة عاملاً للصدقة، فنازعه رجل في صدقته، فضربه أبو جهم، فجرح رأسه
فأتوا النبي صلى الله عليه وسلم (أي قبيلته)، فقالوا:
القصاص يا رسول الله!
فقال النبي صلى الله عليه وسلم: (لكم كذا وكذا) فلم يرضوا
فقال: (لكم كذا وكذا) فلم يرضوا، فقال: (لكم كذا وكذا) فرضوا
فقال النبي صلى الله عليه وسلم: (إني خاطب العشية على الناس ومخبرهم برضاكم) فقالوا: نعم
فخطب رسول الله
فقال صلى الله عليه وسلم: (إن هؤلاء الليثيين أتوني يريدون القود، فعرضت عليهم كذا وكذا فرضوا، أرضيتم؟) قالوا: لا
فهمَّ المهاجرون بهم
فأمرهم رسول الله صلى الله عليه وسلم أن يكفوا عنهم، فكفوا
ثم دعاهم فزادهم، فقال: (أرضيتم؟) فقالوا: نعم
قال: (إني خاطب على الناس، ومخبرهم برضاكم) قالوا: نعم
فخطب النبي صلى الله عليه وسلم، فقال: (أرضيتم؟) قالوا: نعم
رواه أبو داود وصححه الألباني
الشاهد مش إنّ الرسول صلى الله عليه و سلم عقد مؤتمر صحفي لإعلان حصول قبيلة على حقها من موظف عام اعتدى على أحد أفرادها، وإنما أن القبيلة أعلنت رفضها لقيمة التعويض رغم أنهم وافقوا عليها قبل ذلك - فهل نهرهم النبي أو ذمّهم؟
بالعكس - لقد كان عادلا فاستدعاهم و زاد القيمة حتى رضوا ثم أعلن ذلك في حضورهم دون لوم أو عتاب رغم أنهم كذبوه في المرة الأولى ولكنّه صلى الله عليه و سلم تفهّم حاجتهم لرفع قيمة التعويض و أرضاهم
باختصار - المشوار لسة طويل قدامنا كمهندسين عشان نقابتنا تتغير للأحسن لأن لسة تفكيرنا نفسه و فهمنا للنقابة محتاجين يتغيروا للأحسن - وأول خطوة يا شباب المهندسين هي قراءة قانون نقابتكم رقم 66 الصادر سنة 1974 عشان تعرفوا حقوقكم:
http://ar.wikisource.org/wiki/%D9%82%D8%A7%D9%86%D9%88%D9%86_%D9%86%D9%82%D8%A7%D8%A8%D8%A9_%D8%A7%D9%84%D9%85%D9%87%D9%86%D8%AF%D8%B3%D9%8A%D9%86_%D8%A7%D9%84%D9%85%D8%B5%D8%B1%D9%8A%D8%A9
معنديش مشكلة أو اعتراض على أي تعليق من أي شخص - وأهلا و سهلا بالجميع، وأنا متفهم جدا طبيعة العمل العام وإنه بيفرض عليا التوعية و التثقيف و التعليم (وفي نفس الوقت التعلم من حضراتكم ومن أسئلتكم و تعليقاتكم)
ده موقع و صفحة مهندس مرشح على مقعد النقيب في انتخابات 2022 و بالتالي طبيعي جدا ألتزم بقانون النقابة اللي بيقول في المادة 42 إن مهام النقابة تشمل رفع المستوى الثقافي للمهندس والمواطن
طبيعي إن مهندسين يختلفوا معايا و مينتخبونيش لأن ليهم وجهة نظر أخرى في دور النقابة و النقيب، وطبعا لهم كل الاحترام بس أنا ملتزم بقانون النقابة :)
مش بس عشان القانون و لا عشان بوست جمال خاشقجي رحمه الله حصل على 17 لايك مقابل 9 تعليقات اعتراض، أو بوست آخر عنه رحمه الله نال إعجاب 18 مهندس مقابل 9 تعليقات اعتراض، ولكن لأن رؤيتي لدور النقابة في خدمة المهندس إنه مش بس الأكل و النوادي و الرحلات و المعاش، وإنما يجب أن تهتم بالدرجة الأولى بالعقل و الفكر لأن ده الأساس اللي بناء عليه المهندس بيتصرف في الحياة
واللي يتابع الموقع أو الصفحة يلاقينا اتكلمنا و ناقشنا و عرضنا ويعني قتلنا بحثا مواضيع تهم المهندسين من حيث كادر يحقق مليار جنيه دخل سنوي للنقابة و خدمات التوظيف و مشروع بنك الوظائف وخدمات النوادي و بدلات النقابة و تنمية الموارد و موقع أبوورك غيرها من المواضيع اللي البعض نتيجة عدم معرفته بقانون النقابة تصوّر إن دور النقابة تكون بس نادي مأكولات و شركة رحلات - وده مش صحيح :)
اللي معترض يا ريت مشكورا يغير القانون وأنا تحت أمره لأني الحقيقة مش مسؤول إن نقباء آخرين أفاضل تجاهلوا واجبات النقابة المنصوص عليها في القانون بسبب عدم تفرغهم للنقابة :) (وهما معذورين طبعا)
عموما التفاعلات المتوقعة دي كانت من أسباب إعلان ترشحي على مقعد نقيب المهندسين، واسمحوا لي بالتوضيح أكتر:
1- ازاي وصلنا إننا نردد عبارة "احنا مالنا"؟
هل ربنا اللي أمرنا بالمعروف و حرم نبيه حبس الحيوان و كافئا قائل كلمة الحق بيقولوا كده؟
طب هل الدستور اللي أول سطر فيه مصر هبة الإنسانية و مصر العربية و مصر رأس إفريقيا بيقول كده؟
طب بلاش دين و دستور
هل العقل و المنطق بيقول كده؟
مش لينا عشرات الآلاف من المهندسين في السعودية؟
ليه أسيبهم أسرى لإعلام موجه بتاع مصالح وأنتظر حد فيهم ينفعل ويتصرف تصرف طائش أو أرعن يضره و يضر أكل عيشه و أسرته - ليه أعمل كده لما ممكن أوعيه و أثقفه؟ هو مش ده برضه دور نقابة المهندسين، أو دور المرشح على مقعد نقيب المهندسين وللا أنا غلطان؟ 😃
احنا المهندسين وصل بينا الحال إن دعاية انتخابات النقابة كان فيها مرشح فاضل زار غزة فكتب إنه راح للدعم المعنوي بس وليس الدعم المادي!
وكأن زيارة أهلنا في غزة و دعمهم و مساندتهم أصبحت تهمة أو جريمة!
لما بلطجي يدخل على شقة جاري و ينتهك عرضه و يسرق ماله و يقتل حد من أولاده
هل منطقي أتفرج عليه وللا الطبيعي أساعده و أدافع عنه - لو مش عشان حق الجيرة فعشان نفسي
ليه؟
لأني لما أدافع عنه أنا بدافع عن نفسي عشان البلطجي ده لو سبته ح يدخل شقتي أنا
وطبيعي جدا أساعد و أدعم ولاد جاري دون استثناء وخصوصا اللي بيقاوموا البلطجي
(اللي بيقاوموا بالفعل الرشيد مش بالكلام الحنجوري بهدف ابتزاز مصر و الآخرين)
أيوة: طبيعي أساعدهم بالمال و السلاح و الدواء و العلم و الخبرة و كل حاجة
يا باشمهندسين ألفباء شغل في شركات، مثلا، إنك تكون مصحصح في شغلك وواخد بالك من اللي بيحصل جوة شركتك حتى الإدارات و الأقسام اللي ملكش علاقة مباشرة بيها
ليه؟
عشان لو لم تتفاعل مع المنظومة اللي حواليك فالنتيجة إنك يا إما ح تتركن على جنب، يا إما ح تكون أول حد يستغنواعنه، يا إما ح تلبس أخطاء كل الأقسام التانية - وده التطور الطبيعي للحاجة الساقعة أو لكلمة "وأنا مالي"
بينما الموظف اللي بيتفاعل مع المحيط حواليه جوة الشركة و بيكون ليهم تأثير و دور، ده اللي بتكون كلمته مسموعة وتأثيره قوي و بالتالي زياداته السنوية بتكون أعلى و لو فكر مجرد تفكير يسيب الشغل يفرشوا له الأرض ورد عشان يستمر معاهم
2- قانون نقابة المهندسين:
المادة 42 بتقول إن من واجبات المهندسين "العمل على رفع المستوى الثقافي و الاقتصادي والاجتماعي"، و المستوى الثقافي من أبجدياته الثقافة السياسية و الإعلامية :)
ده حتى المادة 2 بتقول صراحة إن أهداف النقابة تشمل "تعبئة قوى أعضاء النقابة في خدمة المجتمع" و "الاشتراك الإيجابي في العمل الوطني"
معقولة بعد كل ده لسة في مهندسين بيسألوا ايه علاقتي إني أفضح جرائم ارتكبتها جماعة الإخوان المسلمين في رابعة؟ لقد قلت إن هنالك أبرياء سقطوا فأنا أكشف الجرائم دي عشان أولا "نفهم" اللي حصل
وثانيا عشان أنا مش عايز مهندس شاب زي الورد يعيش في وهم و فقاعة إن مجزرة حصلت ضد سلميين
وبالتالي تتشكل لديه قناعة أن الدولة و أجهزتها مجرمة أو إنها ضد من ينتسبون للإسلام بشكل أو بآخر
وبالتالي ينخرط في الأعمال الإرهابية ضد المجتمع و ضد الناس و ضد أجهزة الدولة و ضد نفسه أولا
هل مطلوب مني كمرشح على مقعد نقيب المهندسين أن أتفرج على خيرة شباب الوطن ودمهم بيروح هدر لصالح أعداءنا بسبب أفكار مخالفة للعقل و المنطق قبل الشرع و الدين؟
أنا لو بتاع انتخابات و كده كنت إما أسكت و أطنش عشان أكسب أصوات جهلة من الإخوان
ويا سلام لو فرقعت تصريحات كل 14 أغسطس قد ايه الشرطة الشريرة حرمتنا من ناس سلميين كيوت
وإما أقول سحقا للإخوان الإرهابيين المجرمين القطريين التركيين المسلحين وأكسب أصوات جهلة من غير الإخوان
(توضيح: أعني بالجهل من يعممون وصفا ما على طائفة أو شريحة كاملة و/أو النظر لجزء واحد من الصورة)
لكن أنا الحمد لله مش بتاع انتخابات ومقتنع إن أصوات المهندسين كلها مش ح تنفعني يوم القيامة لو أغضبت ربنا عشان دنيا زائلة
فاللي عايز أوضحه هنا:
واجب عليا إني أوعي أخويا المهندس الإخواني عشان يفهموا إن تصرفات جماعتهم مؤخرا ملهاش علاقة بالدين وإنها تصرفات لناس عايزة سلطة و بس
وعشان يحشدوا الناس و الموارد و الفلوس بيصوروا السيسي على إنه ضد الشريعة
بل يستغلوا الجهل في تصوير تأييد قداسة البابا مثلا في بعض المواقف على إنه دليل إن السيسي ضد الشريعة
يعني هل لو حد أيد شخص في رأي ما، ثم الشخص ده عمل جريمة مثلا
هل في الإسلام إن اللي أيده في الرأي يبقى بالضرورة مشارك ليه في الجريمة اللي حصلت بعد الرأي؟
وهل في الإسلام إن اللي أيد شخص في رأي، يبقى لازم يندد و يشجب أي جريمة بعد كده يرتكبها الشخص ده؟
ثم هل لما كان رجال دين يعلنون تأييدهم لانتخاب د.مرسي أو الإخوان في 2011 و 2012
هل كانوا وقتها مع الشريعة لكن لما بعضهم يؤيد السيسي في 2013 أو 2014 يبقى فجأة ضد الشريعة؟
طبعا فيه جاهل لمض ح يسيب كل اللي فات ويمسك في إني قلت "أخويا المهندس الإخواني" :)
ولهذا الجاهل اللمض أٌقول:
أول خطوة عشان تغير تفكير حد إنك تكسبه في صفك وإنه يشوف إنك خايف عليه و بتحترمه
عشان كده خاطبته في هذا المقام بأخي، وهو فعلا كذلك أنا مش ضده كإنسان أو كمهندس وإنما ضد فكره
وضد فكره مش عشان أنا مرشح انتخابات ولكن عشان أنا مسلم أغار على ديني من هكذا تصرفات أو أفكار
محدش يحب يسكت وهو شايفه ماشي في سكة غلط ح تضره و تضرني و تضر مصر كلها
نص كبار المتورطين في جريمة اغتيال السادات رحمه الله مهندسون
رغم إن السادات في عهده صدر قانون للنقابة ولا في الأحلام
-معاش يساوي 6 أو 7 أضعاف راتب ضابط جيش حديث التخرج
-استثناء من قوانين تقييد الحريات
-صلاحيات للنقيب في القضايا اللي أحد أطرافها مهندس
-مشاركة المهندسين في الاقتصاد و خدمة المجتمع و حتى الثقافة
بل إن معظم الإرهابيين و المجرمين في قضايا التطرف مهندسون أو أطباء أو خريجي علوم، وفيه تفسير علمي شهير للمرحوم الدكتور قدري حنفي بخصوص الحقيقة المؤسفة دي
3- طبعا فيه مهندس لمض و طيب كده ابن حلال ح يسيب كل اللي فات ده ويقول لي فيه مشاكل للمهندسين وفي خدمات النقابة أولى بالاهتمام من السادات و الإخوان و جمال خاشقجي و شغل التوعية بتاعك ده اللي مش ح يؤكلنا عيش :)
.
ولهذا المهندس اللمض أقول إن التوعية لتغيير الفكر هي مفتاح أكل العيش و الملبن و المهلبية و الشهد و العسل و السكر و كل أنواع الفاكهة
وعموما تابع الموقع أو بوستات صفحة الحملة الرسمية ح تلاقي تقريبا 90% منها تتعلق بالشأن النقابي و بخدمات النقابة و مساعدة المهندسين في التوظيف و في العيش بسعادة لدرجة بنفكر نعمل جروب مغلق للصفحة لنشر نصائح متخصصين في العلاقات الاجتماعية و الثقافة الجنسية - زي مثلا
Sex Coach Psalm Isadora
بل يا عزيزي المهندس اللمض احنا منذ 21 سبتمبر ناشرين دعوة لجمع 100 توقيع لعقد جمعية عمومية غير عادية وفات شهر ولسة محدش تطوع لطباعة الطلب و جمع المائة توقيع عليه لزيادة المعاش إلى 3آلاف جنيه شهريا و فتح باب القرض الحسن طوال السنة و تأهيل حديثي التخرج لسوق العمل - رغم إن البوست اتشير مئات المرات ورينا بقى شطارتك و إيجابيتك :)
4- موضوع جمع التوقيعات يوضح قد ايه التفكير و الثقافة مهمة:
وعشان كده أنا مهتم بالجانب ده و بالتركيز عليه، لأن عدم تطوع أي مهندس لطباعة الطلب و جمع 100 توقيع عليه ده مش كسل أو خوف أو سلبية
وإنما ده لأن تفكير 99.99% من المهندسين هو إن الدولة ضد الانتخابات
وإن الدولة جايبة وزير النقل عشان يسيطر ع النقابة
وإن الدولة من مصلحتها النقابة تكون لا حس و لا خبر
وإننا لو قدمنا الطلب مفيش حاجة ح تحصل
وطبعا كل دي أوهام لأن قانون النقابة بيلزم النقابة بتنفيذ ما يتم التصويت عليه بالموافقة فورا، ولأن أي حكومة من مصلحتها المباشرة وجود نقابة تشيل عبء المهندسين عنها
بس طبعا تقول لمين إذا كان المهندسين إلا من رحم ربي مش عارفين قانون نقابتهم بيقول ايه أساسا :) (عادي أنا معرفتش إن فيه قانون للنقابة غير من كام شهر :) )
5- لا دين في النقابة و لا نقابة في الدين:
عارفين بعد كل ده، ح ألاقي مهندس لمض تاني سايب كل اللي فات و ماسك في إني ازاي و ليه أستشهد بالنصوص الدينية
بحجة إن المرشح لمقعد النقيب المفروض يكون محايد و لا يدخل الدين في الخطاب الانتخابي أو السياسي أو النقابي منعا للفتنة الطائفية
ولك عزيزي الباشمهندس اللمض أقول:
أولا أنا متفهم تماما وجهة نظرك و مقدر قلقنا كلنا من اللي حصل لمصر على يد ناس استخدموا عن جهل قال الله و قال الرسول في الانتخابات
ثانيا كون فيه طبيب بيوصف دواء منتهي الصلاحية أو مغشوش - ده مش معناه نبطل نلجأ للدكاترة عشان نتعالج
بمعنى:
الأديان السماوية بما فيها الدين الذي جاء به النبي الخاتم الذي أرسله الله رحمة للعالمين
الإسلام فيه كل الخير و البركة و النجاح و السعادة و السلام
كون إن فيه جهلة استخدموه بشكل خاطيء و عن جهل و عدم فهم فسودوا عيشتهم و عيشتنا
ده مش معناه إن المشكلة في الدين
أو إننا المفروض نبطل نهتدي بالدين
كل الموضوع إننا نبتعد عن الحاجات الغلط اللي حذرنا منها الدين اللي ارتكبها أشخاص ينتمون لجماعات تنتمي جهلا للدين
الدين فيه أهم قيمة المهندسين محتاجينها جوة وبرة النقابة وهي قيمة العدل
إنه يكون فيه عدل في توزيع ثروات و خيرات النقابة على المهندسين الأكثر احتياجا ثم الأقل احتياجا
بدلا من الموافقة على صرف عشرات الملايين لبناء نادي في مدينة و صرف مبالغ أخرى على تجديد نادي آخر في نفس المدينة!
وبدلا من صرف 55 ألف جنيه رواتب شهرية للأعضاء المنتخبين و مليون جنيه بدل سفر سنوي و 18 ألف جنيه بدل الجلسة
(عضو واحد حصل على 425 ألف جنيه بأسعار ما قبل التعويم بدل حضور 16 جلسة تخيلوا!)
وكلنا عارفين قصة اليهودي اللي سرق سيف أو درع أمير المؤمنين الإمام علي بن أبي طالب رضي الله عنه فلما رآه وهو خليفة واجهه فادعى اليهودي أنه ملك خالص له فذهبا للقاضي الذي رفض شهادة ابن الخليفة لصالح أبيه و حكم لليهودي بالملكية
محدش بقى ساعتها قال لليهودي ازاي تكذب أمير المؤمنين وتشكك فيه
وكمان محدش اتهم الخليفة بإنه كاذب أو مدعي بعد أن حكم القاضي لصالح خصمه
بل حين اشتكى صحابي للنبي صلى الله عليه وسلم أثناء تنظيم صفوف المجاهدين قبيل معركة حربية بعصا تحملها يداه الشريفتان، حين اشتكى الصحابي سواد بن غزية (وفي رواية أسيد من حضير) من تألمه من العصا فإن أحدا لم ينهره بحجة أننا في حالة حرب مثلا، وإنما فورا كشف النبي عن بطنه آمرا إياه بأن يقتص منه وهو القائد الأعلى للقوات المسلحة على مرأى و مسمع من جميع الجنود و القادة
وتأملوا الحديث ده معايا:
عن عائشة رضي الله عنها أنّ النبي صلى الله عليه وسلم بعث أبا جهم بن حذيفة عاملاً للصدقة، فنازعه رجل في صدقته، فضربه أبو جهم، فجرح رأسه
فأتوا النبي صلى الله عليه وسلم (أي قبيلته)، فقالوا:
القصاص يا رسول الله!
فقال النبي صلى الله عليه وسلم: (لكم كذا وكذا) فلم يرضوا
فقال: (لكم كذا وكذا) فلم يرضوا، فقال: (لكم كذا وكذا) فرضوا
فقال النبي صلى الله عليه وسلم: (إني خاطب العشية على الناس ومخبرهم برضاكم) فقالوا: نعم
فخطب رسول الله
فقال صلى الله عليه وسلم: (إن هؤلاء الليثيين أتوني يريدون القود، فعرضت عليهم كذا وكذا فرضوا، أرضيتم؟) قالوا: لا
فهمَّ المهاجرون بهم
فأمرهم رسول الله صلى الله عليه وسلم أن يكفوا عنهم، فكفوا
ثم دعاهم فزادهم، فقال: (أرضيتم؟) فقالوا: نعم
قال: (إني خاطب على الناس، ومخبرهم برضاكم) قالوا: نعم
فخطب النبي صلى الله عليه وسلم، فقال: (أرضيتم؟) قالوا: نعم
رواه أبو داود وصححه الألباني
الشاهد مش إنّ الرسول صلى الله عليه و سلم عقد مؤتمر صحفي لإعلان حصول قبيلة على حقها من موظف عام اعتدى على أحد أفرادها، وإنما أن القبيلة أعلنت رفضها لقيمة التعويض رغم أنهم وافقوا عليها قبل ذلك - فهل نهرهم النبي أو ذمّهم؟
بالعكس - لقد كان عادلا فاستدعاهم و زاد القيمة حتى رضوا ثم أعلن ذلك في حضورهم دون لوم أو عتاب رغم أنهم كذبوه في المرة الأولى ولكنّه صلى الله عليه و سلم تفهّم حاجتهم لرفع قيمة التعويض و أرضاهم
باختصار - المشوار لسة طويل قدامنا كمهندسين عشان نقابتنا تتغير للأحسن لأن لسة تفكيرنا نفسه و فهمنا للنقابة محتاجين يتغيروا للأحسن - وأول خطوة يا شباب المهندسين هي قراءة قانون نقابتكم رقم 66 الصادر سنة 1974 عشان تعرفوا حقوقكم:
http://ar.wikisource.org/wiki/%D9%82%D8%A7%D9%86%D9%88%D9%86_%D9%86%D9%82%D8%A7%D8%A8%D8%A9_%D8%A7%D9%84%D9%85%D9%87%D9%86%D8%AF%D8%B3%D9%8A%D9%86_%D8%A7%D9%84%D9%85%D8%B5%D8%B1%D9%8A%D8%A9
